AGE Cuisine Express (已搬遷) 新店位置

在太古做完瑜珈，近近地就行到呢間在在東達中心11樓的西餐廳，晚上8時多，只有兩枱吉卓，好彩有位坐！先喝一碗特濃黑松露野菌忌廉湯暖暖胃，野菌磨得夠碎，所以味道完整，松露味道較淡，但整體味道香濃。是日餐湯忌廉薯蓉湯就似口較稠的薯蓉，味道卻保留到，第一次喝薯蓉湯，幾特別。近排熱愛烤豬手，主菜點了德國酥脆咸豬手伴普羅旺斯式酸菜及薄荷蕃茄汁，份量又幾多喎，豬皮部分很香口，但不太脆，肉很結實咸香味道濃郁。配菜的芥末脆薯很有驚喜，外脆内軟，醬汁很入味！12吋的燒烤風味pizza辣肉腸和豬肉腸很香口，另外醬汁惹味，配薄批好夾，可惜批邊太硬身，有點失色。甜品的榛子朱古力蛋糕🍰，完全是壓軸登場，分了幾層，榛果味香濃，而中間朱古力慕士口感綿滑！超正！總括而言，食物都幾高質，難怪很多人來吃！

向來都很喜歡吃德國咸豬手，自問食過好多地方的出品，如果說感覺夠地道正宗的話，這裡也是不錯的選擇。女朋友胃口不算大，今次就點了3款食物一齊share，首先清清地來個凱撒沙律，總覺得凱撒沙律靈魂在於它的醬汁，這裡的菜食起來很新鮮，沙律汁的酸度和濃度也得宜，是個很不錯的前菜。另一前菜選了白汁煮新鮮藍青口仔，青口食落頗鮮嫩，細味下嘗到白酒中帶蒜和牛油香味，我想可能是入貨靚，所以不用太花巧的煮法已能食到海鮮的原汁原味。建議將蒜蓉包點些汁來吃，別具風味。到了主角德國咸豬手了！外層做到又脆又煙韌，肉質嫩滑，我地兩個都食到停唔到口，而用高麗菜醃製而成的酸菜更能提升豬手的滋味，真的很想問可否添加酸菜呢？若將豬手點些薄荷蕃茄汁同吃，又是另一種惹味，感覺就是很地道正宗。

還記得第一次來是朋友與我慶祝生日, 剛好差不多事隔一年, 今次又有朋友相約來這裏聚餐, 不知一年後餐廳的食物質素如何? 有沒有新菜式呢? 滿有期待, 一於應邀出席。餐廳的裝潢並沒有太大的改變, 門外仍是放了一排間條啡木椅及一簾啡木摺簾,  掛了一塊鮮紅色的圓招牌。內裏同樣灰泥色的牆身配木製的傢俱, 設計並不花巧, 簡約而平實, 最重要是仍然令人感到舒適自在。除了設有數張二人至四人枱和一張長吧枱外, 還有一間可容納十多人的獨立房間給客人包場開派對。 ******************************安坐後便看看餐牌, 有晚巿套餐, 亦有散點, 選擇不少。先來一客黑椒吞拿魚及黑松露西瓜伴雜菜沙律 ($68), 片片吞拿魚 厚度適中, 四邊沾上少許黑椒 提味, 吃時稍稍微辣, 並沒有蓋過魚味, 但可惜魚肉烹調得過熟, 肉質有點嚡口, 並不柔軟嫩滑, 油脂亦欠奉。幸兒眾雜沙律菜 新鮮清爽, 淋上份量剛好的醋汁, 酸咪咪令人開胃。大家別以為艷紅色的圓波必是蕃茄, 沙律未必只可配蕃茄如此單調, 其實是清甜多汁的西瓜, 還加了些黑松露, 的確幾驚喜。********************

今日過開鰂魚涌搵朋友做嘢，夜晚做完嘢佢話去工廈區食牛朳，以為我會好出奇，好大反應！我講笑咁講，工廈食嘢我真喺好熟都習慣哂，但多數都喺觀塘區。雖然工廈區食慣食熟，但就真係冇諗過依個風氣發展到鰂魚涌！原來依間餐廳，提供堂食之餘，仲會有用 slow cook 煮至半熟嘅 package 攞出去賣，提供個機會俾繁忙嘅香港人喺屋企煮飯食！見個 menu 咁多選擇，我自己真喺唔識揀！唯有是但叫我鐘意食《安格斯肉眼扒伴紅酒牛肉汁》，我老友就叫咗《德國酥脆咸豬手伴普羅旺斯式酸菜及薄荷蕃茄汁》。偷嘢食都已經喺習慣，朋友叫嘅豬手真喺超鬆化，外皮香脆，內裏好有口感，食到豬手嘅原味，相佔依個就 slow cook 神奇之處！但最欣賞喺啲配菜，酸得又唔“確喉”，非常嘢味，簡直喺食慾大增！我自己叫嘅牛扒，真喺超 juticy，勁多肉汁！真喺想知師傅點樣做！雖然都有八成熟，但唔乾身，亦非常彈牙，而且老土講句，真喺牛有牛味囉，總之超正！依餐 total 446 蚊，喺工廈食嘢算係頗貴，但試過後真喺物有所值！