孖啡 (已結業)

今晚同舊同事聚舊，所以又上黎孖啡到食飯吹水，全梳化位，感覺優閒舒適，聚舊傾計就岩哂，呢度仲有card game提供俾客人隨便玩。香草醬海蝦意大利粉香草醬唔會太膩，感覺幾清新，海蝦爽口彈牙，都幾大隻，數量都唔少，意大利粉煮到軟硬適中。炸魚薯條炸魚粉漿夠薄，炸到外脆內軟，魚肉嫩滑。心太軟+雪糕朱古力心太軟製作需時，需要提早15分鐘通知，上檯時外脆內軟，剛好是流心狀態，切開後朱古力漿不斷流出來，不會太甜，配雲呢雪糕食剛剛好。紅莓果冰茶紅莓唔會太酸，帶少少甜味，仲有個花茶底，有消滯解脂功效。

在旺角，找一間食店坐得耐是不容易。最好的選擇應該是樓上 cafe。但我又很怕昏暗的環境，同埋不注重食物的質素！是晚約了很久沒見的朋友食飯聚聚，當然想傾耐d啦，於是揀了友人工作地方附近的樓上 cafe 晚飯。很不幸，是日大廈壞 lift，要行樓梯，行4層樓梯呀！約了友人，又不想改地方，就拖著疲累的身軀上去吧 -_-幸好比我想像中好，不是昏暗的環境，地方很大，座位寬敞，而且玻璃窗貼有剪影的裝飾，很特別！由於是晚我突然喉嚨痛，所以沒有點煎炸食物，我們只點了兩個晚餐「凱撤沙律」、「忌廉煙三文魚配天使麵」，加 $28 配「心太軟+雪糕」及散叫「瑞士雞翼」。先來兩杯飲品，套餐補少少差價，友人點了塔羅特飲......「皇帝」，即熱情果加檸檬汁，味道不錯！而我當然選了咸柑橘蜜，舒緩喉嚨不適。凱撤沙律，沙律菜爽脆新鮮，開胃！忌廉煙三文魚配天使麵，好靚的玫瑰花造型 我已被賣相吸引，急不及待試下味道如何。濃濃的忌廉汁包住每條天使麵，再加上煙三文魚，美味又有口感，不錯 ！瑞士雞翼，非常入味，非常好味！當然唔少得，心太軟+雪糕，很美味，很滿足 本來壞 lift，對其印象大打折扣，幸好環境及食物都不錯，行上來都值

今日是勞動節想搵間寧靜的cafe坐下，知道旺角有間孖啡Cafe，餐廳環境舒適空間又大，又可以一班人一起傾天。吞拿魚天使麵被好多白汁包圍著，醬汁濃又夠結，吞拿魚好香天使麵麵條軟熟又不會太淋。黑松露意大利飯，每粒飯都沾上黑松露的香味，飯咬落口淡淡黑松露味道，飯粒軟熟又粒粒分明特式拼盆：雞翼，薯角，春卷，咖喱角，魚手指和蟹子魚蛋。雞翼外脆內嫩又夠味道，薯角好香薯仔味，其他都好新鮮熱辣辣。心太軟配雪糕，心太軟外面焗到好脆，內里朱古力漿流晒出來，又不會太甜又好香口。月亮和藍莓乳酪不會太甜，又有乳酪的味道。

喺旺角區，樓上cafe特別多，今日收工近近地同個朋友黎左高氏大廈呢間孖啡，諗住傾下計，話哂都係晚飯時間，怕附近啲餐廳人多兼坐一陣又唔俾。之前都黎過呢棟大廈，印象特別深刻，因為比較舊式，仲係用緊啲舊電梯，踏出第一步要小心，因為有一級仔，好易仆_。餐廳分為兩邊，面積幾大，裝潢冇咩特別，一般cafe格局。我地被安排到電梯右轉嘅位置，呢邊細少少，估唔到平日晚上都坐滿，cafe果然有一定嘅市場魅力喺度傾野、聚會咁，一般揀cafe用餐都係呢個原因，特別係樓上鋪，起碼可以慢慢坐，唔洗俾人催趕。亦都見到隔離枱喺度玩board game。晚市選擇唔算多，有八款，沙律、天使麵、長通粉、焗飯、意大利飯等，定價$84-$110，包括一杯$38嘅飲品（多左補差價），另外仲可以用優惠價$28加配芝士蛋糕/心太軟+雪糕，另收加一，價錢唔貴，繁忙時段最低消費一份set dinner。另有幾款小食，例如咖喱角、薯條、雞翼、牛角酥、拼盤等，定價$35-78。飲品選擇較多，有特飲、沙冰、梳打、咖啡、朱古力、奶昔、乳酪、花茶、紅綠茶、水果茶等煙肉卡邦尼長通粉 $94老實講一上枱有點錯愣，雖然對cafe嘅食物我都冇多大要求，不

放工前收到同事群組話去聚餐, 搵地方都係由我負責。馬上到OPENRICE搵搵, 同事想係旺角中心地帶, 方便放工過去同埋回家方便。最後搵到, 可以網上訂位十分方便, 而且訂位講明有小食送…..雖然最後竟然忘記左……. >.<致電過去查詢話無限時任坐, 實在太好了。地點係油麻地及旺角中間位置, 如果坐港鐵係油麻地站會近少少, 亦係潮流特區斜對面, 十分易搵。上到去CAFÉ燈光較暗, 傢私大多以黑色為主, 所以和同事合照都唔太清。睇睇餐牌, 晚餐由$88-$104, 有主菜及包$38飲品一杯。飲品很多選擇, 而且飲品名都好得意, 我地都各點了一杯。焗吞拿魚天使麵 $94卡邦尼長通粉 $98煙三文魚天使麵 $108黑松露意大利飯 $114黑松露薯條 $48心太軟+雪糕(跟餐) $28芝士蛋糕(跟餐) $28飲品 :力量 $48皇帝 $48命運之輪 $48熱藍莓果茶 $56焗吞拿魚天使麵味道不錯, 吞拿魚很多, 啖啖充滿吞拿魚卡邦尼長通粉有些失望, 而且整體感覺很普通, $98真係唔值煙三文魚天使麵擺放很靚, 醬汁很多, 有很多洋蔥片及磨菇片, 好味 !黑松露意大利飯4個主菜之

完SEM就要慢慢坐咁LUNCH~樓上CAFE 主菜質素唔會太大差距，但甜品同飲品水準真係可以影響到你幫唔幫襯佢。所以今次破例先寫甜品。人生第一個心太軟係喺7-11食，第二個就係喺孖啡。雲尼嗱雪糕當然唔係自製，但廚師好貼心咁烘熱咗隻碟，又喺雪糕底墊cream隔熱，製作認真抵讚~心太軟外層脆脆地，用匙羮整開佢聽到脆皮聲！朱古力火山爆發！蛋糕內層濕潤，外層香脆。朱古力漿加入牛油，食落唔會過甜，仲有拖肥糖嘅感覺。好正！芝士蛋糕雲尼嗱味重咗啲，唔太啱我口味。沙冰打得夠smooth，未飲都聞到荔枝香，飲落都係荔枝甜味，菠蘿味就唔夠出，但幾好飲。朋友點嘅花茶。杯仔細細慢慢歎~份量超級大！一班FD嚟可以考慮唔人人點餐。正價飲品再SHARE一兩個餐都有著數。黑松露幾濃陏，飯都夠晒濕潤同重忌廉味。白汁比松露飯鹹少少，同樣足料。食到我哋肚漲漲咁走~孖啡係我去過嘅CAFE入面算係數一數二咁大。坐得舒服，乾淨企理，仲有幾部大電視。

岩放工想搵個地方鬆一鬆，去樓上CAFE食個晚餐其實都幾舒服。去過好幾間樓上CAFE，每間都各有特色。我都幾鍾意呢間CAFE D剪影，配合窗外環境，好似有個小故事要講咁。牆身貼左好多好靚嘅牆紙，營造樓上cafe嘅風格。凱撒沙律好新鮮，蔬菜好翠綠，食落好爽口，麵包粒夠晒乾脆。忌廉煙三文魚配天使麵，三文魚又大塊又有些少厚度，幼身嘅天使麵，唔會整得過淋。特式拼盤包括雞翼，薯角，春卷，咖哩角，魚手指，蟹子魚蛋雞翼外皮有些少爽脆，肉質嫩滑，蟹子魚蛋外層煙韌，內裏有好多蟹子，春卷及咖哩角皮脆，每一樣都整得唔錯。日式炒雜菜面頭蓋左好多木魚碎，見到佢地郁下郁下都幾有趣。紅莓果茶味道獨特，放小蠟燭係底下，紅莓香味越煲越香濃。心太軟外層鬆軟，包著流心嘅朱古力，連埋冰凍雪糕一齊食嘅口感好好。