影片
更多
2021-09-21
880 浏览
疫情下的第二次 Staycation，揀了東涌 Sheraton。酒店地理位置其實不太理想，另外，除了泳池之外，沒有特別設施，甚至沒有提供包括餐飲券的 Staycation package；最大優勢就是靠近香港迪士尼樂園。酒店基座設有一個小商場，前臨的小廣場擁有無敵海景，所以，九成租客都是餐廳。唔想光顧酒店餐廳的話，仍然有很多選擇，晚餐就揀了「The Upper Deck」。美式酒廊餐廳設計，室內空間寬敞，枱與枱之間的距離又非常充足，甚至願意浪費空間在餐廳正中央位置擺放一張美式桌球枱。加上落地大玻璃，在白天晴朗的日子，無敵海景實在賞心悅目。晚餐時段設有live Band，本來係一個相當不錯的賣點；今時今日的香港，已經沒有太多餐廳願意投放金錢聘請駐場樂隊。只可惜音量調校得實在太大，就算在餐廳門外也能清楚聽得見歌聲，客人坐在餐廳內根本沒有可能談天。意大利麵選擇比較少，亦沒有pizza；但就有多款主菜，包括漢堡包、羊架、黑毛豬扒、煙燻肉類等。雖然沒有標榜係扒房，但就有多款牛扒供客人選擇，乾式及濕式熟成都有，甚至有自家熟成凍肉櫃。意大利手工全蛋幼扁麵（$158）配 pancetta、雞油菌及
酒店基座設有一個小商場，前臨的小廣場擁有無敵海景，所以，九成租客都是餐廳。唔想光顧酒店餐廳的話，仍然有很多選擇，晚餐就揀了「The Upper Deck」。
美式酒廊餐廳設計，室內空間寬敞，枱與枱之間的距離又非常充足，甚至願意浪費空間在餐廳正中央位置擺放一張美式桌球枱。加上落地大玻璃，在白天晴朗的日子，無敵海景實在賞心悅目。
晚餐時段設有live Band，本來係一個相當不錯的賣點；今時今日的香港，已經沒有太多餐廳願意投放金錢聘請駐場樂隊。只可惜音量調校得實在太大，就算在餐廳門外也能清楚聽得見歌聲，客人坐在餐廳內根本沒有可能談天。
意大利麵選擇比較少，亦沒有pizza；但就有多款主菜，包括漢堡包、羊架、黑毛豬扒、煙燻肉類等。雖然沒有標榜係扒房，但就有多款牛扒供客人選擇，乾式及濕式熟成都有，甚至有自家熟成凍肉櫃。
意大利手工全蛋幼扁麵（$158）配 pancetta、雞油菌及 Parmesan chesse。材料同 carbonara差不多，但做出來的效果卻又是另外一回事。用厚切意大利鹽醃風乾豬腩肉 pancetta 係正宗做法，加入雞油菌提升味道亦很聰明，偏偏敗於醬汁。始終唔係 carbonara，醬汁唔同唔係問題，但實在太稀、近乎湯，搞到似沒有湯的湯麵；雖然味道幾好，但就做唔到掛汁要求。手工全蛋幼扁麵偏硬、欠彈性，亦冇味道；口感麻麻，全靠少量湯汁（唔係醬汁）提升味道。
意大利手工全蛋幼扁麵
$158
8 浏览
0 赞好
0 留言
大人就分享USDA Porterhouse (1.2kg) ($1,100) 。Porterhouse 可以形容係美式牛扒中的最頂級切割方法，從牛短腰的偏後位置切出來。中間有一條 T字骨；一邊西冷、另一邊則是牛柳。換句話說，可以一件牛扒同時享受到牛肉最美味的兩個部位。 Porterhouse 較一般 T-bone steak 更矜貴的原因在於牛柳肉的部份更濶、更大塊。等候期間，先奉上三款配菜，其中兩款隨牛扒奉送，另外一款就俾錢額外追加，一律 $48。新鮮即切炸薯條熱辣辣、香脆可口；烤原條粟米的表面烤得粒粒金黃兼均匀焦香；牛油炒雜野菌更加是非常美味，牛油香濃、野菌軟身入味。
新鮮即切炸薯條
$48
8 浏览
0 赞好
0 留言
烤原條粟米
$48
3 浏览
0 赞好
0 留言
牛油炒雜野菌
$48
4 浏览
0 赞好
0 留言
目測這一件Porterhouse 似乎唔係好合標準，牛柳肉的寬度太窄，只似普通 T-bone steak，可能剛好是 Porterhouse 的頭端吧？觀賞完後，廚師就拿回廚房切件上碟。唔係好明白放入木箱拿給客人觀賞的實際用途。要不放棄這個過程；否則，如果想賣噱頭的話，更佳的處理方法應該是客人觀賞後，席前即時切割。
又等了三四分鐘，終於上碟。表面賣相很好，有格仔坑紋。但再望真啲牛扒的橫切面，點解由落單時要求的 medium 變成差不多全熟??? 連黏着牛骨位置的牛肉也完全切割得乾乾淨淨，一點血水也沒有！
向侍應投訴。望見侍應在遠處同餐廳經理溝通。經理沒有親身交代，只通過侍應轉述給予八折優惠。本來已有點不滿經理處理投訴的態度（不是折扣問題，而係沒有親身交代）；但等了太久、又實在太肚餓，儘管試一小塊牛扒看看質素如何。很差，雖然有肉味，但冇肉汁、粗鞋、很乾、很硬；中價自助餐燒至差不多全熟的燒牛肉比這件應該是美式牛扒中的頂級切割 Porterhouse還要好吃。再向侍應反映，決定不要這件 Porterhouse，侍應也認同我們的決定。望見侍應拿走件 Porterhouse 再向餐廳經理溝通，經理依然沒有親身交代。
其實餐廳環境很好，空間又寛敞，兼且有live band，部份食品水準亦不錯；在東涌區本來應該很有潛質。但 Porterhouse 真係徹底失敗，唔知道普通一件牛扒是否也是如此水準。可能只是碰巧我們唔好彩，但 Porterhouse 始終是全張餐牌上的最貴出品，出了如此大的烹調質素問題，餐廳經理也不親自交代一下，餐廳管理層實在需要檢討。
张贴
