Add Some Thai Restaurant

营业中

休息中

食友帶路到這間名叫:Add. Some.Thai.Restaurant:嘗嘗泰式風味，坐落區内工厦的樓上店，門面及內部皆富泰國風😂細看門前招牌寫著: 便了解英文名字: Add.Some.Thai.Restaurant的神髓;原來是泰西融合菜👏👏先點了傳統泰式小食:曼谷經典手打蝦餅， 上桌時 香噴噴，熱氣騰騰，外脆内爽口😋再選:蒜蓉炒椰菜苗;泰西黃咖哩配香煎新西蘭牛柳伴手抓餅;明爐青斑魚;每款都是廚師推介蒜蓉炒椰菜苗, 椰菜苗新鮮爽嫩, 味道中和, 蔬菜味未被濃味魚露搶走😋泰西黃咖哩配香煎新西蘭牛柳伴手抓餅, 牛柳想必是慢煮烹調, 軟滑而仍有韌度, 黃咖哩香而不辣, 配手抓餅妙😋明爐青斑魚, 全餐最正, 整條青班浸在清湯, 肉碎及配菜放在火爐上煮滾, 魚肉火候自己控制, 入口嫩滑鮮甜, 加些湯汁更顯魚味😋芒果糯米飯配雪糕作單尾甜品, 香甜軟綿口感味覺同現😋回憶的泰西融合菜👏

用餐時間：普通星期5 1500今日特登揀左優惠時段 1430-1730黎食，有7折優惠。(唔包括星期6，日，假期)餐廳環境幾闊落，坐落舒服既。呢個湯比較重味精，不過免費黎講真係唔要求得幾多。炒飯賣相幾靚既，不過味道我就覺得麻麻，平時好少食炒飯會落青椒，黃椒，紅椒嗰啲野，所以我覺得唔係好夾，味道一般。黃咖哩做得幾好食，不過牛肋條味道一般。手抓餅係配咖哩食既，不過因為保唔到溫，所以味道一般。濃心魚腐配一隻類似千島醬既醬黎食幾夾。通菜炒得唔算好入味，而且保唔到溫，所以味道一般。泰式奶茶同一般既港式奶茶味道唔同，我覺得幾新奇又好飲，值得一試。糯米飯外觀好可愛。味道都唔錯，椰汁份量適中，芒果好甜，美中不足係啲糯米飯痴埋曬一舊，好難咬。最後埋單免加一係$199，兩個人平均每人$100。其實性價比黎講真係唔錯，咁平都可以食到咁多野。不過餐廳明顯要提升下食物質素，大多數食物都有好大既改善空間。

Add Some Thai Restaurant 我已經唔係第一次黎，對上一次應該差唔多一年， 當時一行五個女仔，又嘈又趕， 依稀記得係幾好食， 但唔知自己食咗啲咩， 所以今次同個friend黎，佢又話想食泰菜，就重溫一下。兩個人order 左幾多野下， 最恐怖係可以食得曬 ，叫左咖哩炒肉蟹配蒜蓉包， 手抓餅， 沙嗲牛柳粒串，海蝦冬陰功海鮮湯同蒜蓉炒豆苗。其實諗咗好耐叫軟殼蟹好，定肉蟹， 但呢度咖哩肉蟹嘅價錢比九龍城平， 所以最後都係拍板食肉蟹。 蟹唔係好大隻，但係已經幫我哋切左件， 上菜時字再砌返埋，好有心機。 咖哩有好多蛋碎，超好味。 蒜蓉包烘到好鬆脆，超好味。 手抓餅勁香牛油味， 一件十五蚊砌咗4細塊，good.冬陰功湯好彩唔係好大碗, 每人分到兩碗. 值得一提，佢地d海蝦唔梅，仲好爽口，蝦的中段已經搣左蝦殼，方便食用。沙嗲牛柳粒串好juicy,因為講真泰式串燒通常好乾，食醬多過食肉，但今次我可以唔使點醬，因為牛柳粒好厚，啖啖肉大滿足，中間仲有翠玉瓜，正。蒜蓉炒豆苗, 價錢唔貴， 豆苗都幾鮮甜，中規中矩。食嘢人多可以食多，人少可以食真d味道,各有各好。值得一提係Add some

一班愛吃泰菜的好姊妹為L慶生，A的同事在官塘駱駝漆吃過這家，推介給我們，有探子試過，大家一致讚成去新地點。去到大伙兒已到齊及點菜，見用寬木坐椅已經加分，讓客人坐得舒舒服服，可以好好享受食物。酸辣鳳爪雜菜沙律 $68放在2個白茶杯內，附帶2款醬汁，鳳爪咬落夠脆口，酸中帶點小辣好開胃，雜菜墊在下面沒有吃到。海蝦冬蔭功海鮮湯 $92有鮮蝦、青口…哇，鮮草菇啊！真材實料！味道鮮香就是不一樣。(好多泰菜店用秀珍菇代替鮮草菇)泰式辣椒膏炒蜆 $88好大隻蜆，肉質鮮甜，上面的蜆沒沾到醬汁，祗拿了最上面的一隻也不知醬汁是什麼味道…泰國小食拼盤 $148蝦餅彈牙又鮮味，單骨雞亦好好味，豬頸肉爽滑調味適中，蝦片香脆有蝦香，蝦春卷都好好食，呢個正！2-4人最啱。燒豬腩仔 $118皮脆肉滑，送手抓餅，配有一個咖哩醬汁，大家忍唔住叫2個白飯撈汁食。軟殼蟹配金邊粉 $118，原隻炸軟殼蟹上面唧咗沙律醬，金邊粉不油膩條條分明，食味ok無投訴。手抓餅 $15表面烘得脆不油膩，好。豆瓣炒椰菜苗 $66份量非常精緻，食味ok嘅，不過都係馬拉盞啱我多啲。整體水準幾好，唔得閒去泰國，都可以止吓咳架~食完傾吓謁，又幾舒服嘅，起

今日family gathering一行八人4點電話訂座6點半都有位位置唔難搵 門口係好cosy入到去發現裝潢好有泰國feel 空間都闊落-店員態度親切 會主動介紹餐點 好快就落到單嗌左好幾樣 因為一開始比較少客人 所以好快到-小食拼盤有齊豬牛雞 仲有秋葵菠蘿串加上脆脆蝦片 不錯豬肋骨肉質入口即溶 很好豆苗冇咩渣 幾嫩咖哩蟹都幾大隻 多膏仲啖啖肉 蟹身醬汁加飯好好食咸蛋黃金邊粉如果再乾身d就好了菠蘿炒飯正正常常咖哩羊腩煲啲羊腩就略嫌韌左d 老人家咬唔到雖然咖哩汁比咖哩蟹辣 但更惹味仲有條魚 有點辣味 更能帶出魚肉既鮮手抓餅得3塊 但味道正常甜品叫左個椰汁千層糕都唔錯-唯一敗筆就係 叫左兩碗糙米飯等左成10分鐘食埋餸都未到原來未煲好-女洗手間有2格 但只能一人通過 有d窄-整體而言 AST比左d新鮮感我原來樓上泰菜都唔錯服務態度都好好

今日經過觀塘開源道駱駝漆大厦，居然發現這間樓上餐廳- Add Some Thai Restaurant, 顧名思義是食泰國嘢。這間泰國餐廳真係好大間， 座位有好多，就算Lunch時間，因為座落樓上關係和座位勁多，所以不用等太耐便可進入。回歸正傳，餐牌清一色提供set lunch，而價錢大多不過一百片，若不夠吃可加錢38-48添加泰國小食，正。我和同事分別點了泰式招牌蟹肉蛋白炒飯和 香煎鮮青斑魚柳， 再加碟我至愛馬拉盞炒通菜， 未食已十分期待。餐前先來椰子忌廉湯、泰式青咖哩肉碎法包 和手抓餅， 熱熱身先先來泰式招牌蟹肉蛋白炒飯即菠蘿炒飯， 蟹肉份量多， 滲透在炒粒飯中，加上蛋白配搭，令飯更鲜更香。 而菠蘿用上新鮮菠蘿，炒飯粒粒分明， 配上香濃肉鬆嘅甜味，不愧是我至愛的泰國菜一種。這泰式招牌蟹肉蛋白炒飯份量也極其大，食完奇飽，大呼夠喉。至於香煎鮮青斑魚柳， 配上鹽燒海蝦， 海上鮮極其鮮味。 燒海蝦肉質爽彈，少少鹽帶出海蝦鮮甜味，而青斑魚柳也煎得香脆， 肉質很幼嫩，入口即溶，皮脆肉滑，正。唯獨份量少了d,不然便更滿足。最後是我至愛馬拉盞炒通菜，又香濃又惹味，加上少少辣， 通菜夠嫩，果然有水準

呢區工業大廈內藏無數餐廳, 諗得出既菜式都應該有, 久而久之已變成開餐重地, 今晚一於食泰菜呢間泰國餐廳位置方便易搵, 場內面積都幾寬闊, 燈光昏暗, 以木作為佈置主題, 幾有泰國風情feel餐牌中食物種類選擇適中, 價錢都尚算合理餐牌上有呢個精選二人套餐 ($388 / 二位用), 都幾多嘢食同岩食, 唔想諗咁多就叫呢個套餐頭盤有泰式酸辣鳯爪雜菜沙律, 微酸辣又冰凍既無骨鳯爪放於沙律菜上, 奉上2款特式醬汁作調味, 有別於傳統製法淋上酸辣汁, 食起上黎無咁辣(雖然餐牌上有2隻辣椒圖案), 容易入口!小食有呢兩款, 唔駛選擇 : 輕盈黃咖哩軟殼蟹 (2份)及 A.S.T.迷你二人小食拼盤, 一盤送上, 望落陣容都幾強勁為免個軟殼蟹被汁浸腍, 先食左個佢先, 一咬炸脆左既軟殼, 之後到鮮甜蟹肉, 配埋個香濃又微辣既咖哩汁, 好夾!  除左隻蟹外, 底下仲有舊脆多士, 用黎索汁又係一絶!而個小食拼盤種類包括 :手打蝦餅，泰式炸蝦，酥炸單骨鷄翼，磯燒豬頸肉，新鮮菠蘿及香脆蝦片, 無論以款式及件數黎計, 二人餐黎講都算好對眼喜愛佢既手打蝦餅, 口感夠晒彈牙; 而佢個單骨鷄翼調味得幾好又入味,

突然在OpenRice發現這間新的泰式餐廳，這天來試試它的晚餐。一進店，職員立即上前招待我們，非常好客。這裏的裝修燈光比較暗，空間闊落。餐牌上有很多款式，前菜、蔬菜、主菜、咖喱等，應有盡有。泰式燒豬頸肉賣相吸引，沒想到泰式食品也用一些西式托盤上菜。豬頸肉肥瘦均勻，口感很彈牙爽口，再加上泰式醬，點綴了豬頸肉的味道。 令人覺得疑惑的是，這個沙律醬的味道，像是黑松露的味道，不知道他是否加錯了沙律醬香滑燒雞（紅咖喱）為了吃手抓餅， 我們點了中辣紅咖哩。咖喱味道不錯，甜中帶辣， 而且不會太稀身，雞件份量頗多，但吃不到被燒過的味道。如果薯仔多一點就好了。手抓餅這個要趁熱吃！非常香口，而且口感鬆軟，令人十分開胃，再配上咖喱汁，是一流的配搭！泰式牛肉炒可份量也是頗多的！但略嫌香料味不是太充足，像是吃普通的炒牛河，牛肉偏粗身。莫忘妳（香茅荔枝）這裏的飲品名稱比較特別，點了這杯香茅荔枝，口感挺新鮮！沒想到真的有香茅的味道，再加上微甜的荔枝味，口感清新，令人一試愛上！在整個過程中，職員十分好客，不停為我們加水，態度殷勤。其實下次可以試試它的午餐，應該也是不錯的！