鮮蒲 (已結業)

呢間搬入黎10月頭已經去左食 前後仲帶過幾次人去食 但果陣搬屋攰到隻野咁 突然醒起我冇出過post😜呢間係食大陸好hit既「錫紙貝殼粉絲」$54開心花甲粉 主要有沙白、木耳、茶樹菇、生菜等配料，以菇、醋、蒜味最突出。沙白每份大約7-10隻。錫紙包內的湯汁都夠鮮，勝在係錫紙煮滾keep住個熱度！有幾款湯可以揀，唔食得辣既朋友叫原味都有微辣既！我試過原味奇香同清香辣+$2（呢款有尖椒味，但蓋過左海鮮），另外仲有麻辣+$1，比一般都算幾辣！綠豆粉絲亦夠吸湯索味，都幾多。我有蠶豆病，大部分用蠶豆做既粉絲都唔食得，好彩呢間寫明係綠豆粉絲！另一招牌是津市牛肉粉$54，慢燉牛坑腩，牛腩軟腍，牛味濃郁。麵底有幾款選擇，牆上面有說明有咩分別，我就食返湖南米粉！仲叫左蓮藕脆片+$12，不過麻麻地。

大學同學約食飯，即刻推介去食大熱既貝殼粉絲🤩想食好耐，佢推介去佢之前食過依間，環境靚坐得舒服傾計聚舊一流 入餐廳之前門口有個小花園 入到去好有屋企既感覺每一個麵寫一張紙按照番自己既口味簡辣度、麻度、都可以亦唔辣；招牌錫紙貝殼粉絲$52 （特製奇香湯底）配料有沙白蜆、茶樹菇、木耳、生菜、綠豆粉絲＋$6蒜香墨魚丸輕輕拉開錫紙就見到滿滿既湯，小心瀉因為湯都幾滿；蜆就係最底下，其實本來餸都幾多，但我又想試多幾款，我覺得２個月仔share再叫小食都夠飽 招牌津市牛肉粉$52（惹味濃香湯底）配料有秘製牛腩、生菜、湖南米粉＋8鱈場蟹爪棒老麻炒手(麻辣 - 中辣中麻) $32/8粒我平時食開辣都覺得超辣，下次都係簡番小辣好了再簡左個雙拼小食牛栢葉＋豬肚絲$36有少少微微酸同小小辣，味道好爽食完想再食，２款都好好食，必叫招牌凍雞翼$28 四隻睇落細細碗但餐廳將每隻雞翼拆成8條單骨雞翼方面食用，超細心同埋好老實我食過有Ｄ係寫住４隻雞翼就比４條單骨，咁其實得２隻雞翼，所以依到真係唔錯

以前係POLY讀書，果陣都經常蒲黃埔，今晚重遊黃埔，一於蒲「鮮蒲」。依家有地鐵站真係方便好多，由Ａ出口步行至黃埔崇志街到只需10分鐘左右。「鮮蒲」坐落係一條小巷裏面，店舖細小，有點兒難搵到。我地到餐廳時只係7點半，有兩台客，再夜啲就開始多人。餐廳裝修新淨，但地方唔算大。所有麵線都可以揀辣嘅程度、走芫茜或走蔥，除左招牌貝殼粉絲可以加唔同餸菜之外，仲可以自選套餐，另有多款涼拌小食可以選擇，覺得唔夠食嘅朋友仲可以加底添。一場黎到，我跟朋友點左兩碗招牌粉試一試下！【A.招牌錫紙貝殼粉絲】 (hkd $52)加餸：蒜香墨魚丸 (+hkd $8)；香蔥魚棗 (+hkd $6)我揀咗清香辣 (+hkd $2)，清新尖椒味道，含極微辣。大大個錫紙包住成碗粉絲，很熱要小心燙傷。一打開錫紙，微微嘅辣椒香味攻上鼻哥， 垂涎三尺。 其實都唔算太辣，個人食開小辣嚟講都接受到，唔會招架不住。粉絲是綠豆粉絲，口感跟普通粉絲一樣，但多了一種清新的香味。值得一讚是呢碗粉絲有極多蜆，目測十幾隻，鮮甜且美味，overall嚟講充滿驚喜！ 【B.招牌津市牛肉粉】(hkd $52)加餸：墨汁花枝丸 (+hkd $8)；鱈場蟹爪

今日收工同老婆去紅磡探表哥表嫂同佢地嘅新生BB, 因為表嫂仲食緊坐月餐, 表哥帶我地兩公婆去附近開餐先, 之後再上去同BB玩。😁表哥帶我地去崇志街呢間全港首間賣貝殼粉絲嘅鮮蒲開餐, 我地到餐廳時只係6點半, 客人未多, 不過7點之後就開始多人。餐廳裝修走田園風格, 雖然地方唔大, 不過感覺好舒適。😙餐牌設計簡單, 除左招牌貝殼粉絲之外, 另有多款小食同配料可以選擇。表哥經常幫襯, 佢話呢度嘅份量好大份, 所以我地只點左兩碗粉, 再加小食, 3個人share食。招牌錫紙貝殼粉絲 $52呢個招牌粉絲材料好豐富, 除左茶樹菇, 木耳, 生菜之外, 仲有好多沙白係入面, 加上另配的蟹棒, 3個人食都好夠食, 湯底因為用左好多沙白熬製, 所以海鮮味好濃郁, 加上微微麻辣湯料, 非常惹味。粉絲好彈牙, 條條分明, 吸入湯汁, 味道濃郁。👍招牌津市牛肉粉 $52另一碗粉我地揀左比較爽口碎身嘅河源米粉, 因為有好多牛腩, 所以湯底味道好濃厚, 另外加配嘅蒜香墨魚丸非常彈牙, 同牛肉粉味道好夾。😋招牌醉凍雞翼 $28醉雞翼酒香濃郁而且好入味, 而且預先切開兩邊, 食得好方便。👍餐廳全日免收加一, 埋單每

早前曾在媒體看到一家小店、主打湖南風味小吃、特色錫紙貝殼粉絲，覺得幾特別，大概知道在紅磡區，今天終於可以食到喇鮮蒲位於紅磡崇志街，鄰近鶴園街嘅工廠區，別以為食湖南菜的食店會很中國風，白色的玻璃門，閃閃的吊燈，設計就如一家小咖啡店真有點意想不到。鮮蒲取自英文simple，由前菜小吃去到主打麵食，徹頭徹尾的北方風味，簡單來說，就是由頭辣到尾涼拌小食，款式選擇頗多，除了招牌的醉凍雞翼，還有土豆絲、木耳、青瓜、蓮藕、牛柏葉、豬肚絲，價錢亦很實惠，可以單點或雙併。點了醉凍雞翼，或許辣味蓋過了酒香，雞翼皮脆，肉質嫩滑入味，天時暑熱涼拌入口，辣辣的挺開胃的。土豆絲味道其實也是小麻小辣，爽脆口感不糊口大大碗牛肉粉，一望而知湯底惹味濃香，牛腩分量絕不吝嗇，件件都淋滑鬆化，我選了湖南米粉，麵質口感有點似上海麵，粗身麵條不會太過索汁，啱晒愛小辣又不太辣得的我稍等一會兒，期待的錫紙貝殼粉絲終於到啦，公雞碗載著錫紙包，打開有點拆禮物的感覺，原味湯底帶微微辣，錫紙包內除了沙白蜆還有茶樹菇、木耳和粉絲，試想一下鮮蜆的甜滲入湯底，湯底又散發著菇菌的香，啖啖粉絲索曬錫紙包內的香甜精華，怎能不好吃小店定位係地方風味，全力

又黎到每一晚最大既難題，就係食咩好。同朋友收工諗住一齊食飯。咁岩同朋友又係紅磡。係等朋友期間發左有間花甲粉。鮮蒲Simple Flavourful。因為店内環境唔算太大。所以我同朋友就選擇坐室外。店內環境全部用左黃色燈光，令人感到好舒服。再利用紫色牆身配上深木色餐桌椅。首先就黎左個冷盤小食，招牌醉涷雞翼。首先個味道就好似我地平時食口水雞既味道，但相比依個就會入味好多而且會將雞翼兩條骨分開啖啖肉得黎十分入味。而且又唔會太辣，朋友唔食辣都話好香。黎到主菜。招牌錫紙貝殼粉絲，揀左清香辣配上墨汁花枝丸同蝦米魚皮餃。利用特色既雞冠碗上面利用錫紙包住，十分有創意。我食湯粉第一樣當然係試湯底。清新既尖椒香味令普通既粉絲變得不平凡。配上食材既新鮮簡直係一百分。招牌津市牛肉粉，而依個就揀左微辣。值得一提就係用左湖南米粉。不錯不錯。配上秘制既牛腩。令湯汁即刻提升左級數。個湯香到係可以食曬同飲曬都無問題。不妨試一下。

終於有機會試早前人氣爆登的錫紙貝殻粉，今晚特意駕車前來試試，原來餐廳環境都幾有情調⋯雖然位於重建中的地段，崇地街一帶有點絮亂，但來到鮮蒲又是另一番風景⋯餐廳佈置簡約而清新，燈光昏暗，每枱放置小蠟蠋，整個氛圍都很有情調，眼見前來的多是情侶，確實是談心的好地方⋯鮮蒲賣的只有2款粉，卻能街知巷聞⋯客人只需要在點餐紙上圈出想要的食物，可以加餸，另背面還有小食及飲品供選擇⋯我們每款粉都選了一個，另加一個小食：招牌醉凍雞翼(6隻）凍雞翼肉質結實，算是小辣，滲出淡淡酒香，店員還送來2個公雞小碗給我們吐骨用，餐具都是懷舊風情⋯招牌錫紙貝殻沙河粉，沙河粉需要另加$1，有別於平常吃到的魚蛋河或乾炒牛河的河粉，沙河粉較厚身，十分有咬口，也不容易吸收湯汁而發漲變淋，另我選了原味奇香湯底，微辣，湯底還有新鮮的蜆及茶樹菇熬製，有其獨特的香味⋯招牌津市牛肉湖南米粉，米粉較粗身，極像米線，口感較滑及煙軔，雖然湯底同為原味奇香湯底，但多了牛腩的香味溶和又令味道提升，多了一種層次與香味⋯拍拖不是吃西餐就是日本菜，有時倆口子試試新口味也不錯，而且還十分經濟呢﹗