樓下冰室

营业中

休息中

懷舊冰室style主打番茄湯、瑞士雞髀，仲有各種港式碟頭飯、焗飯，樣樣都好吸引！*特色番茄濃湯通粉 配牛乳炒蛋、招牌瑞士雞髀 $60番茄濃湯用上200斤新鮮番茄、豬骨及雞骨，熬製10小時，不含味精。味道非常濃郁，番茄甜度好高，內有大大塊番茄肉。通粉用無紋通粉但都可以索晒番茄湯嘅精華，配搭嫩滑炒蛋，相當出色！瑞士雞髀採用頭抽瑞士汁豉油，再加八角、桂皮等香料，甜度適中，但香料味偏淡。雞肉味好淡、唔夠入味，要點瑞士汁食，而且肉質以腿肉嚟講偏乾柴。美祿脆脆 +$12螞蟻人必叫，美祿味好濃好甜，加埋脆脆更加甜。

我一直聽朋友講過樓下冰室既番茄濃湯套餐幾出色🤔，價錢最平係$48，上網評語大部份都係正面，今日冒住狂風暴雨去左鰂魚涌分店試一試。餐廳裝潢充滿八十年代既氣息，尤其係掛係天花板既招牌🤩- 鮮牛肉番茄濃湯通粉配牛乳炒蛋湯底濃郁，入面有茄蓉，順喉之餘味道唔會過酸👍🏻。通粉煮得恰到好處，質感唔會過稔。加上奶滑既炒蛋同鮮牛肉，味道非常豐富😍- 招牌瑞士雞髀雞髀吸滿醬汁變得非常香甜，雖然肉質唔係太嫩滑但唔會嚡口，另外仲好彈牙。- 華田脆脆呢杯飲品非常邪惡😈，頂層鋪滿華田脆片，甜度適中。樓下冰室既番茄濃湯套餐果然出色，下次再試埋餐廳另一個招牌花膠雞米線先！

久違嘅晚市堂食，嚟到生活圈附近嘅樓下冰室，懷舊冰室嘅陳設，店員們親切有禮，真係好加分！蕃茄濃湯意粉配牛乳炒蛋 招牌瑞士雞髀$57加豬潤 $8超濃蕃茄湯，見到介紹係每日用200斤鮮茄豬丶骨及雞骨熬成，的確係濃郁鮮甜；瑞士汁濃厚偏甜，鷄髀大大隻好入味，豬潤熟度啱啱好，意粉做到 al dente，份量好足！吉列豬扒配厚切牛乳炒蛋治及粟米雜果沙律 $60吉列豬扒似乎係呢度皇牌，聽到隔離枱有係食佢，夠大塊，超脆外層；厚切牛乳炒蛋治又係另一招牌菜，蛋香嫩滑，仲充滿牛油味！典型港式沙律，有粟米丶蘋果丶罐頭雜果粒，豐富。綠椰汁 $26開邊綠豆，椰汁夠香紅豆奶茶 $30本身奶茶底香醇，紅豆少少起沙，好飲！

星期四唔想自己煮lunch食，太麻煩啦，於是去左屋企附近既樓下冰室自己一個人食午餐。樓下冰室經常有人排隊，好彩我早啲黎咋，一到12:00就開始不斷有客到。呢間最出名就係番茄濃湯同瑞士雞髀，一場黎到無理由唔食既。佢仲有好多唔同既食物，但我得一個人，食唔到甘多。最後我叫左特色番茄濃湯通粉配牛乳炒蛋、招牌瑞士雞髀、西多士同紅綠椰冰。特色番茄濃湯通粉配牛乳炒蛋、招牌瑞士雞髀特色番茄濃湯通粉配牛乳炒蛋通粉份量好多，番茄湯底好濃郁，食得出用上好多真番茄，炒蛋亦都好嫩滑。招牌瑞士雞髀瑞士汁好濃味，雞髀索晒啲味，啖啖肉，滿足。西多士糖漿自己落幾好喎，牛油好大舊，切開見到中間個層既花生醬好厚，而且係我鍾意既粒粒花生醬，超級飽肚。紅綠椰冰(加$15)我叫左少甜，以椰子冰作為基底，加左紅豆粒同綠豆粒，幾特別。

同友人港島行完街搵食被樓下冰室嘅懷舊門面吸引😍友人又對招牌番茄通好有興趣就決定試下店內用上傳統pattern嘅地磚牆磚全店裝潢都玩味十足😛霓虹燈吊牌「金宵歌舞廳」「呢度埋單」諗唔到冰室都可以咁IGable😆舖頭正正係鰂魚涌站出口對面街位置極好👍🏻👍🏻西多士($28)最受歡迎嘅港式小食之一😋即叫即整 香噴噴熱辣辣😘絕對唔係空心西多嚟㗎！內有厚厚的粗粒花生醬😍好邪惡但好正呀！🤣用上獨立包裝糖漿夠哂衛生🙂招牌瑞士雞髀($30)必點招牌小食！！雞髀大大隻😚瑞士汁浸得剛好外層表皮入哂味而雞肉保持到雪白 中和返瑞士汁嘅重甜因為如果連內裡都染埋色 雞肉必定好柴兼甜到膩口「樓下冰室」嘅瑞士雞髀完美地做到balance！番茄濃湯通粉配牛乳炒蛋($54)兩餸: 鮮豬潤、芝士菠菜另一招牌菜式芝士菠菜連滑蛋一齊炒 好特別😋湯底有番茄肉 相當濃稠通粉份量好多配上濃郁番茄湯好夠味自家製蔥花叉燒滑蛋飯($55)不得不說店家真係好大方面頭嘅滑蛋真係大過小編塊面🤣完全包裹白飯 叉燒份量亦好多白飯配豉油汁 絕配😘啖啖滑蛋啖啖肉🤣好滿足！華田脆脆(跟餐+$12)阿華田面頭灑上脆脆 多一重口感😋紅豆冰(跟餐+$12)

呢間冰室正正係側魚涌地鐵站A出口對面，過條馬路就到，自己去食定約朋友都好方便。我去嘅時候係下午三點，唔使等枱，有午餐同下午茶menu揀，多選擇又抵食 😋好多都好吸引，佢個蔥花叉燒滑蛋飯我都考慮過，不過第一次嚟，揀咗佢最出名嘅蕃茄濃湯通粉配牛乳滑蛋，加滷水雞髀皇牌推介套餐，加埋杯凍檸茶係$65。個蕃茄濃湯轉左做公仔麵，因為好耐無食公仔麵 😂上菜好快，黎左個蕃茄麵先。個湯底名副其實濃湯，好入味，同埋好多蕃茄肉 🍅 個蛋都好正，滑到爆。即使個麵無肉，都好正 ☺️ 絕對可以encore! 滷水雞髀大大份，滷水好入味，食肉獸必選。食完成個餐，飽到唔使食晚飯。而家抗疫期間，枱同枱之間有間隔 👌如果食野比較唔小心，建議唔好著白色衫，我食滷水雞髀彈啲滷水件衫度 🤣

講起蕃茄湯麵同瑞士雞翼， 第一時間一定諗起「樓下冰室」， 之前係荃灣店食過好幾次， 覺得瑞士雞翼好入味， 去開鰂魚涌出job， 一出地鐵站就見到原來有間新分店開左係呢到，梗係要黎捧下場啦！😏 懷舊冰室嘅裝潢， 比荃灣店更乾淨企理， 坐得更舒適！ 次次黎親都係食呢個指定套餐😂 🌟推薦❗️特色蕃茄濃湯通粉配牛乳炒蛋（$55） 仲可以免費轉螺絲粉、意粉、米線、公仔麵、湯飯，啱晒所有人心水， 仲有得揀辣定唔辣，好多選擇呀。☺️ 今次揀左螺絲粉， 小編最怕螺絲粉好粉好腍， 而「樓下冰室」嘅螺絲粉軟腍適中， 配上酸甜醒胃嘅蕃茄湯和香滑炒蛋，一流！ 套餐仲可以選配一款小食， 識揀一定係揀招牌瑞士雞髀🍗啦！😏 平時單點一隻都要$30， 而家有得套餐價，梗係抵啦！ 瑞士雞髀超入味， 食得出瑞士汁加左唔同嘅香料，層次感豐富， 唔係一味死甜味， 加上雞髀肉嫩滑多汁，正！😋 🌟推薦❗️自家製蔥花叉燒滑蛋飯（$55） 小編平時唔係好鍾意食飯， 不過呢個叉燒滑蛋飯賣相真係好吸引！😍 半肥瘦叉燒，配上炒滑蛋， 加上畫龍點睛嘅蔥花， 簡單而完美嘅配搭！

《樓下冰室》長期滿座，所以嚟之前都相當期待餐廳店面唔算大，但坐起上嚟又唔算迫。而且裝修仲好靚，充滿舊香港風味。上菜速度夠晒快，嘢食仲好有質素，值得一試！特色蕃茄濃湯通粉配牛乳炒蛋 + 招牌瑞士雞髀 ($55)餐廳推薦度最高嘅兩款食物！！蕃茄通粉令我喜出望外，滿滿嘅蕃茄肉令湯底十分濃郁，一啲味精嘅鹹味都無；雞髀都唔錯，瑞士汁滲透雞肉，非常入味。以呢個價錢嚟講，性價比極高！公司三文治 ($55)唔似平時茶餐廳食到嘅公司三文治，得生菜蕃茄火腿呢啲普通材料，仲有豬扒、厚蛋，同滿滿嘅沙律醬，超推薦！！焗芝士西蘭花 ($40)奶油脆豬仔包 ($20)

話說今日去探望長輩，他是住在鰂魚涌舊區那邊，中午就在家中與家人細訴舊事，到傍晚左右就沒有留在長輩家中食晚飯，於是我就和媽媽離開。但是，我們家中亦沒有煮飯，那倒不如在鰂魚涌附近看看有什麼好餐廳跟媽媽吃。我和媽媽剛落樓下，行幾步就發現有一間「樓下冰室」，我們又不熟附近，那就剛好落樓下去樓下冰室吧。原來「樓下」是主打舊式香港情懷，有不少老牌霓虹燈，例如有近排大家一定聽過的「金宵歌舞廳」等等。我和媽媽都忍不住影幾張相，send 給長輩看看。既然是舊式冰室，這裡以瑞士汁雞髀、叉燒滑蛋飯聞名，那我們就看看餐牌，一於看看所謂冰室的懷舊食物。∶ 1. 自家製蔥花叉燒滑蛋飯一直以來都很想在冰室品嚐一下真正的叉燒滑蛋飯，今次終於可以試一下。首先，樓下的叉燒非常甜滑，幾乎不用大力的咀嚼就能咬下，雖然這個並不是燒味的肥叉燒，但咬下去的感覺亦與肥叉相似。另外，滑蛋亦煮得很好，再加上甜豉油，果然能吃得出滑蛋叉燒飯那種甜滑味道。∶ 2. 招牌瑞士雞髀（配牛油厚多士及粟米雜果沙律）第二，當然要感受一下這裏的瑞士雞髀。雞髀肉質已經煮得非常入味，很有瑞士汁那種香甜但又帶點鹹味的感覺，但略為味道較為濃，有點重口味。厚多士及