好時沙嗲

营业中

休息中

餐廳有2間鋪，主打新加坡，東南亞食物。星期六大約7點食晚餐，差唔多滿座，同隔離座距離有d近，聽到哂隔離講緊d咩。叫左排骨茶($66)，黃薑香茅雞($57)，雞牛豬沙嗲半打($51)，椰汁飯($14)。排骨茶用左一大個煲裝，配有油條，藥材湯味濃，幾好飲既。但有d失望，排骨好細件，而且份量唔多，3至4件左右。平時去其他餐廳食既話，仲有個飯配，尼間餐廳就冇。反而黃薑雞有驚喜，黃薑味超重，好驅寒，而且煮得夠稠。仲有好多件雞添，送飯一流，好入味。平食沙嗲，重點係豬牛雞各有2串，雖然細細一串，不過外層燒得幾焦脆，保留到肉汁，而且沙嗲醬汁好濃花生香味，唔錯。椰汁飯好香椰奶味，難得除左有油飯之外，仲食到椰汁飯。整體，雖然有d失望，同想像中既有d出入，但黃薑雞既味道令人一試難忘。

好時沙嗲嘅海南雞飯一向出名，重開之後係咪仲咁好味呢🤔 重開後都食過幾次，今次終於寫返篇食評先😝海南雞飯有3款醬汁，姜蓉，鼓油，辣醬，而我最鍾意就係用就辣醬撈飯，姜蓉加落雞度😋雞都尚算滑，平日少食雞皮嘅我連雞皮都食埋，因為唔太肥，又好香滑👍🏼雞油飯就有少少唔夠味，但總括而言個海南雞飯都值得encore嘅海南雞飯嘅雞湯，呢個就退步左，以前係好香好好飲，而家就好似係加左雞粉嘅椰菜湯咁，有啲失望😔另外，如果係叫外賣的話，佢通常只會俾半碗湯你，要打去同佢講俾大碗啲🤔排骨茶即係肉骨茶，就咁望碗湯都幾多料嘅，但飲落覺得濃多少少會更佳😣但喺香港嚟講，呢個質素都算唔錯架啦喇沙米粉，如果外賣一定要記得分湯同埋多湯，否則嚟到會冇曬湯😩味道係ok嘅，但只係得幾隻蝦仁同幾粒魚蛋，$60嚟講我寧願叫海南雞飯好過最後值得一提嘅係外賣都幾快送到嚟👍🏼👍🏼👍🏼

好時沙嗲 讀U個陣最鐘意一大班人黎食飯 : >個陣 聽到佢被逼結業既消息.. 都無時間返黎食好幸運 佢又係下兩層開返 ~~~ *v*格局同之前都一模一樣 有主店+另一間房仔其實個人覺得好時既價位唔係特別平 不過好既地方係佢既食物份量係會令你食得飽同埋真係好多星馬菜*v* 令人懷念去星馬旅行既日子(同埋個度既地道美食)黎左咁多次~~~ 今次係第一次試佢既 排骨茶$63!!!意想不到地好正!! 落左勁多藥材同排骨, 近似馬來西亞風味既肉骨茶~ 而且胡椒味唔會過重, 非常好飲同補身 : )!!推介飲呢個~~~半隻海南雞$99 平時黎其實多數係叫海南雞飯($53)但係今日朋友請客 ;DD 佢話想叫半隻 咁就半隻啦~~ ;D先發現原來半隻係有咁多@__@呢度既海南雞其實係幾滑身~~ 不過就無乜味... 都係要靠點醬汁去加味 (心入面掛住新加坡既天天海南雞....>__<)我地另外加左1碗白飯$8同2碗油飯$12~~辣通菜$45 其實唔辣....XD 其實不嬲都覺得出街叫菜食唔抵...但係通菜係我唯一抗拒唔到 總會叫黎食既菜出街炒既零舍夠鑊氣 咸咸辣辣咁好快又食晒一碟!串燒

幸好有此類介紹食店的網站平臺可以供我們找尋吃飯的地方，雖然各人一定有他的個人看法，但是我總相信三個食評中要是有兩個是說好的食店應該不會差得去那兒，網民發揮自己的一點力量去令大家有所得益，怪不得互聯網的力量那麼強大。 昨天是一個值得紀念的日子，經過尖東，原來一班有心人為香港創立了一個獨一無二的節日名為夫妻節（昨天11月11日）剛好對我和我的太太來說正好相當應節。所以必然會出外找地方吃一餐好的，所謂好的一餐不一定要很貴的，只要是好吃，值得吃的話，必定可以在腦海記憶中留下一個印記，就像把一個檔案烤在腦海之中一樣，有空（和肚餓之時）拿出來玩味一番。 此沙爹專門店地點非常隱蔽，就是在其好時中心的首層也不多見她的廣告牌指示，要是沒有網站的推介真的不知道有此店之存在。坐電梯到一樓還要四處找尋才可以見到她那個蕉葉般的標誌牌。 全店的裝修非常70年代感覺，有點像不願意花錢去裝修似的。門前可以見到蔡瀾之照片，估計現在最多食店所掛的名人照片應該是他吧！ 食物以東南亞美食為主打，又以海南雞飯和串燒聞名。我們例牌選擇主打菜，因為那樣才可以知道之前看的食評是否真確。 1.海南雞飯---海南雞比一些賣海南雞飯的店鋪

每相隔幾個月, 我就會跟 UBCCS 幾個舊黨友聚餐, 談談近況. 最近的幾次, 我總是幾乎開始喉嚨發炎又傷風鼻塞的三管齊下, 那怕我不會發病似的.幸好最近學習不是太忙碌, 而工作還未開始緊張起來, 所以早一點休息, 精神倒算恢復過來.聚餐的前一晚, 扮野尊知道我是周圍吃的食痴, 趕急的問我到哪裡吃好, 一陣說這裡, 一陣說哪裡, 但又說不出名字跟地點. 沒他好氣的, 兜兜轉轉還是我出馬, 就來吃星馬菜!好時沙嗲已經不是第一次來, 回想起應該是四五年前, 當我還是一個初出矛廬的小伙子, 誤打誤撞的走進了開飯的圈子裏. 今日, 好時中心也開始進行翻新, 跟我開飯的班子也有點不同吧!來好時沙嗲, 除了便宜之外, 記憶之中, 就是幾味主打菜有點水準. 對於我一時三刻也想不到新地方吃好菜式的時候, 無疑是最佳選擇.來到的時候, 雖然是七點鐘, 細細的店子大部份的位置已經被訂位了, 我們唯有坐外面近走廊的地方. 雖然有點怪相, 但坐位也較為寛敞.初初海南雞只點了半隻, 後來吃不夠又再追加, 浸熟的雞雖然不及莎巴的入味, 但肉身還甚為嬌嫩.這裡的排骨茶應該就是肉骨茶, 藥材味濃, 跟四年前吃的還是