影片
更多
2021-10-04
8003 浏览
為慶祝友人生日，今晚一行超多人黎左呢間沙田帝逸酒店既Alva House食自助晚餐。星期日自助晚餐大人每位正價$718另加一，好似滙豐信用卡有折。供應時間係晚上6點至9點半。早左幾分鐘到，要排長龍入，不過都唔算等好耐既。一入門口就係非常吸引既甜品櫃，行入少少就係冷盤區，初頭真係長期有人龍。凍海鮮有龍蝦，青口，蟹脚，凍蝦，同另一款蟹。龍蝦好正，啖啖肉，帶龍蝦既鮮味而爆膏，紅色同黃色既膏任君選擇，我encore左兩轉。其他海鮮我就無試。凍海鮮隔離就係壽司區，有雜錦壽司同幾款卷物。最正係有海膽卷，而海膽雖然唔夠鮮甜不過夠滑溜同唔腥。雜錦壽司我見過有鰻魚，蝦，三文魚，同墨魚，可能仲有其他款輪流供應。我試過鰻魚同蝦，質素係唔差不過舊飯幾大。壽司區隔離係粉麵，有稻庭烏冬，蕎麥麵，同綠茶麵。配料自己加，有日式叉燒，蟹柳，青瓜，紫菜，蛋絲，醃蘿蔔，醃生薑，葱花芥末。正常應該無人會食，長期比生蠔人龍擋住。生蠔長期有人龍，我係到後期見人少少先試下。服務員即場開生蠔同幫你冲洗所以要等。不過其實生蠔好細隻，海水味超重但係完全唔肥美，個人覺得唔值得排隊，試過就算。生蠔隔離係刺身，刺身有5款，包括三文魚，立魚，吞
一入門口就係非常吸引既甜品櫃，行入少少就係冷盤區，初頭真係長期有人龍。
凍海鮮
106 浏览
3 赞好
0 留言
龍蝦
68 浏览
1 赞好
0 留言
凍海鮮有龍蝦，青口，蟹脚，凍蝦，同另一款蟹。龍蝦好正，啖啖肉，帶龍蝦既鮮味而爆膏，紅色同黃色既膏任君選擇，我encore左兩轉。其他海鮮我就無試。
壽司
96 浏览
0 赞好
0 留言
海膽卷
99 浏览
1 赞好
0 留言
凍海鮮隔離就係壽司區，有雜錦壽司同幾款卷物。最正係有海膽卷，而海膽雖然唔夠鮮甜不過夠滑溜同唔腥。雜錦壽司我見過有鰻魚，蝦，三文魚，同墨魚，可能仲有其他款輪流供應。我試過鰻魚同蝦，質素係唔差不過舊飯幾大。
壽司區隔離係粉麵，有稻庭烏冬，蕎麥麵，同綠茶麵。配料自己加，有日式叉燒，蟹柳，青瓜，紫菜，蛋絲，醃蘿蔔，醃生薑，葱花芥末。正常應該無人會食，長期比生蠔人龍擋住。
生蠔
63 浏览
0 赞好
0 留言
生蠔
55 浏览
0 赞好
0 留言
生蠔長期有人龍，我係到後期見人少少先試下。服務員即場開生蠔同幫你冲洗所以要等。不過其實生蠔好細隻，海水味超重但係完全唔肥美，個人覺得唔值得排隊，試過就算。
刺身
67 浏览
1 赞好
0 留言
海膽卷，立魚，吞拿魚，油甘魚，三文魚，鰻魚壽司，蝦壽司
60 浏览
0 赞好
0 留言
生蠔隔離係刺身，刺身有5款，包括三文魚，立魚，吞拿魚，油甘魚，同八爪魚，服務員會即刻幫你切。油甘魚質素唔錯，其他就麻麻地，三文魚就特別差。試左一轉就收工。
外圍就係沙律區。沙律菜有5款，包括紅葉菜，田園雜菜，紅毛菜，牛油生菜，羽衣甘藍。
另外，沙律區仲有紅腰豆，雜果，青瓜，粟米，車厘茄，沙律汁有4款。我試過紅腰豆同車厘茄，質素正常。
隔離仲有雜菇沙律，水牛芝士配番茄，同薯仔沙律。
熱食區既外圍有凍肉同芝士。芝士有紅波芝士，車打芝士，羊奶芝士，伴有青提子，紅蘿蔔棒同青瓜棒。另外都有1款海膽三文魚子和風沙律。凍肉有煙三文魚，巴馬火腿，沙樂美腸。
熱食區分兩部份。
天婦羅同炸物
49 浏览
0 赞好
0 留言
冷盤區隔離既熱食有天婦羅同炸物。我見過有吉列蠔，吉列蝦，炸餃子，紫薯，野菜天婦羅（包括秋葵同冬菇）。質素係唔錯既，炸皮香脆而蝦同蠔都好多汁同鮮甜。
天婦羅同炸物隔離就係少見既即製爐端燒，款式輪流供應，包括雞肉，雞腎，雞皮，雞軟骨，甜薯，茄子，粟米，翠玉瓜，車厘茄，南瓜，冬菇，秋葵。我試過雞腎，雞皮，車厘茄，南瓜，菇，秋葵，茄子，大葱。其實味道就正常，唔係話特別好食，特別係大葱同菇太難咬。不過雞皮都脆口既。
鴨肝
59 浏览
0 赞好
0 留言
爐端燒隔離係即製鴨肝。鴨肝雖然細細件，不過整得超好，外脆内滑，正！下底墊底既麵包都非常香脆。雖然厨師係上面特別加左黑醋，不過食左兩件就好膩。
和牛粒
46 浏览
1 赞好
0 留言
有時會出即製和牛粒，伴有洋葱絲。不過和牛太硬，唔好食。
隔離都有A4和牛鴨肝海膽炒飯，同大阪燒。
斧頭扒，燒肉眼
46 浏览
0 赞好
0 留言
另一邊既熱食區有斧頭扒同燒肉眼，配燒汁同黑椒汁。
斧頭扒
60 浏览
1 赞好
0 留言
斧頭扒既骨頭位d肉係特別正，識食就識食呢部份。不過黑色部份太鹹，同埋好難先問到服務員攞。服務員態度都麻麻地。
羊髀，斧頭扒，燒肉眼，扒雜菜
45 浏览
1 赞好
0 留言
斧頭扒食落好嫩，燒肉眼就粗少少。隔離仲可以自己攞羊髀同燒乳豬。羊髀都可以，燒乳豬就超脆皮同肉質好嫩！
隔離仲有雜錦腸，扒雜菜，炸雞塊同薯格自己攞。
西式熱食隔離就有麵包同湯。麵包選擇少，中湯係冬瓜薏米煲豬肉，西湯係意大利黃瓜忌廉湯。
隔離就有越南湯河，配料有魚蛋，貢丸，牛丸，肥牛，時菜，扎肉，蘿蔔。
越南湯河隔離就係雞粥，應該無人會食啦？
雞粥隔離有上湯浸時蔬，同藥膳雞脚。藥膳個湯好濃藥材味，雖然油膩左少少，不過好好飲。
片皮鴨
52 浏览
0 赞好
0 留言
片皮鴨既皮真係好脆又薄，肉就硬左少少，不過以自助餐黎講質素算唔錯啦。
片皮鴨隔離有海南雞飯，鹵肉同鹵水豆腐。
之後就係一系列既中式同西式熱食，包括豬脚薑，碧綠杭州骨，白酒煮青口，峇里燒魚，紅酒燴羊肉，德國鹹豬手，芝士蟹肉釀蘑菇，時菜（西蘭花，椰菜花，紅蘿蔔），素菜千層麵，南瓜意大利飯。豬脚薑味道幾好又淋！芝士蟹肉釀蘑菇既蟹肉味道幾濃，味道唔錯。其他就無特別，碧綠杭州骨特別硬，羊肉好穌。
最後既熱食區就係甜品區隔離既Pizza同印度美食。印度美食有印度烤餅，印度薄脆餅，印度雞咖喱，印度米，同雜菜咖喱。Pizza個樣非常唔吸引，個批底好厚。
之後就到甜品區啦！其實係一入門口就見到既大雪櫃！甜品種類繁多！
甜品
49 浏览
0 赞好
0 留言
白桃法式杏仁撻既撻底又厚又脆，上面既黑莓又大又新鮮，正！
芝士蛋糕香濃又夠厚身同滑溜
三重朱古力蛋糕真係有好濃既朱古力味，又夠濕潤
另外無試到既仲有意大利芝士餅，芒果芝士竹炭蛋糕，柚子蜜蛋糕，雲呢拿奶凍，白桃果凍，草莓奶凍
甜品
56 浏览
0 赞好
0 留言
隔離個雪櫃仲有朱古力蛋糕，藍莓芝士蛋糕，忌廉乳生卷，綠茶忌廉蛋糕，果凍糖，草莓玫瑰盆栽蛋糕，沖繩黑糖豆腐布丁，同埋無名牌既另外3款蛋糕。藍莓芝士蛋糕就好麻麻，而草莓玫瑰盆栽蛋糕造型夠殺食，可惜味道就麻麻。
自家製意大利雪糕
58 浏览
0 赞好
0 留言
隔離就有自家製意大利雪糕，口味包括菠蘿椰子雪糕，白桃雪葩，青蘋果雪葩，無糖杏桃雪糕，要專人筆比你。我試左菠蘿椰子雪糕同白桃雪葩，其實唔太得，一定係名牌雪糕好食d，下面會介紹！
甜品
50 浏览
3 赞好
0 留言
自家製意大利雪糕隔離仲有室溫甜品，包括巴黎甜圈，朱古力心太軟，楊枝甘露布丁，迷你鮮果撻，法式焦糖燉蛋，蘋果金寶，布朗尼朱古力餅。中式糖水得1款，係360牛奶桃膠。
360牛奶桃膠好多料，味道甜甜地，鮮奶夠滑溜，好味道！
法式焦糖燉蛋都夠滑溜
蘋果金寶夠脆口
布朗尼朱古力餅同巴黎甜圈無特別
朱古力心太軟其實就只係普通朱古力蛋糕
自製沙冰區
42 浏览
0 赞好
0 留言
呢度居然有自製沙冰區！首先請專人幫你攞碎冰，然後有超過15款配料比你任意配搭，包括蜜綠豆，迷你棉花糖，仙草凍，朱古力脆脆珠，寒天QQ條，愛玉凍，芋圓，龍眼，椰果，蜜紅豆，金柚肉，雜果，另外有4款糖漿，包括藍莓，芒果，青蘋果，士多啤梨。我見小朋友不斷攞碎冰食。
新鮮水果有菠蘿，西瓜，哈蜜瓜，選擇比較少，質素普通。
哈根大師雪糕杯
52 浏览
0 赞好
0 留言
最後我真係從未去過任何自助餐係會有異常多既哈根大師雪糕杯自己攞，簡直係無得頂！口味包羅萬有，包括士多啤梨，芒果，藍莓，咖啡，曲奇忌廉，朱古力，哈密瓜，雲呢拿，焦糖脆餅，夏威夷果仁，綠茶，芒果紅桑子。可惜口味係唔會添加，攞完就無架啦！我有幸食到最後兩個夏威夷果仁同士多啤梨。
甜品黎個小總結，雖然無pancake，窩夫等等，不過哈根大師雪糕杯，自製沙冰區，同若干蛋糕既質素都令我感到滿意！
飲品係自助，分開左兩個counter放，除左咖啡茶水，仲有自助既蝶豆花檸檬水同荔枝紅茶，蝶豆花檸檬水個紫色又吸引又好飲，可惜飲完係唔會再添。
座位方面，今次我地人多，被安排左係餐廳中間既房入面，雖然有其他人，但係基本上比我地霸嗮，而裝飾擺設係書櫃既樣，影相非常正！如果要坐出面就好似好逼，雖然有窗口位，夜媽媽都無景架啦。服務員既服務態度就麻麻地，絕對有改進既空間。
總結，呢度有龍蝦，生蠔，海膽卷，鴨肝，片皮鴨，燒乳豬，特別係異常多既哈根大師雪糕杯自己攞，呢個價錢絕對係值得黎試。
张贴
