影片
更多
2021-10-04
8003 浏览
为庆祝友人生日，今晚一行超多人黎左呢间沙田帝逸酒店既Alva House食自助晚餐。星期日自助晚餐大人每位正价$718另加一，好似汇丰信用卡有折。供应时间系晚上6点至9点半。早左几分钟到，要排长龙入，不过都唔算等好耐既。一入门口就系非常吸引既甜品柜，行入少少就系冷盘区，初头真系长期有人龙。冻海鲜有龙虾，青口，蟹脚，冻虾，同另一款蟹。龙虾好正，啖啖肉，带龙虾既鲜味而爆膏，红色同黄色既膏任君选择，我encore左两转。其他海鲜我就无试。冻海鲜隔离就系寿司区，有杂锦寿司同几款卷物。最正系有海胆卷，而海胆虽然唔够鲜甜不过够滑溜同唔腥。杂锦寿司我见过有鳗鱼，虾，三文鱼，同墨鱼，可能仲有其他款轮流供应。我试过鳗鱼同虾，质素系唔差不过旧饭几大。寿司区隔离系粉面，有稻庭乌冬，荞麦面，同绿茶面。配料自己加，有日式叉烧，蟹柳，青瓜，紫菜，蛋丝，腌萝卜，腌生姜，葱花芥末。正常应该无人会食，长期比生蚝人龙挡住。生蚝长期有人龙，我系到后期见人少少先试下。服务员即场开生蚝同帮你冲洗所以要等。不过其实生蚝好细只，海水味超重但系完全唔肥美，个人觉得唔值得排队，试过就算。生蚝隔离系刺身，刺身有5款，包括三文鱼，立鱼，吞
一入门口就系非常吸引既甜品柜，行入少少就系冷盘区，初头真系长期有人龙。
冻海鲜
106 浏览
3 赞好
0 留言
龙虾
68 浏览
1 赞好
0 留言
冻海鲜有龙虾，青口，蟹脚，冻虾，同另一款蟹。龙虾好正，啖啖肉，带龙虾既鲜味而爆膏，红色同黄色既膏任君选择，我encore左两转。其他海鲜我就无试。
寿司
96 浏览
0 赞好
0 留言
海胆卷
99 浏览
1 赞好
0 留言
冻海鲜隔离就系寿司区，有杂锦寿司同几款卷物。最正系有海胆卷，而海胆虽然唔够鲜甜不过够滑溜同唔腥。杂锦寿司我见过有鳗鱼，虾，三文鱼，同墨鱼，可能仲有其他款轮流供应。我试过鳗鱼同虾，质素系唔差不过旧饭几大。
寿司区隔离系粉面，有稻庭乌冬，荞麦面，同绿茶面。配料自己加，有日式叉烧，蟹柳，青瓜，紫菜，蛋丝，腌萝卜，腌生姜，葱花芥末。正常应该无人会食，长期比生蚝人龙挡住。
生蚝
63 浏览
0 赞好
0 留言
生蚝
55 浏览
0 赞好
0 留言
生蚝长期有人龙，我系到后期见人少少先试下。服务员即场开生蚝同帮你冲洗所以要等。不过其实生蚝好细只，海水味超重但系完全唔肥美，个人觉得唔值得排队，试过就算。
刺身
67 浏览
1 赞好
0 留言
海胆卷，立鱼，吞拿鱼，油甘鱼，三文鱼，鳗鱼寿司，虾寿司
60 浏览
0 赞好
0 留言
生蚝隔离系刺身，刺身有5款，包括三文鱼，立鱼，吞拿鱼，油甘鱼，同八爪鱼，服务员会即刻帮你切。油甘鱼质素唔错，其他就麻麻地，三文鱼就特别差。试左一转就收工。
外围就系沙律区。沙律菜有5款，包括红叶菜，田园杂菜，红毛菜，牛油生菜，羽衣甘蓝。
另外，沙律区仲有红腰豆，杂果，青瓜，粟米，车厘茄，沙律汁有4款。我试过红腰豆同车厘茄，质素正常。
隔离仲有杂菇沙律，水牛芝士配番茄，同薯仔沙律。
热食区既外围有冻肉同芝士。芝士有红波芝士，车打芝士，羊奶芝士，伴有青提子，红萝卜棒同青瓜棒。另外都有1款海胆三文鱼子和风沙律。冻肉有烟三文鱼，巴马火腿，沙乐美肠。
热食区分两部份。
天妇罗同炸物
49 浏览
0 赞好
0 留言
冷盘区隔离既热食有天妇罗同炸物。我见过有吉列蚝，吉列虾，炸饺子，紫薯，野菜天妇罗（包括秋葵同冬菇）。质素系唔错既，炸皮香脆而虾同蚝都好多汁同鲜甜。
天妇罗同炸物隔离就系少见既即制炉端烧，款式轮流供应，包括鸡肉，鸡肾，鸡皮，鸡软骨，甜薯，茄子，粟米，翠玉瓜，车厘茄，南瓜，冬菇，秋葵。我试过鸡肾，鸡皮，车厘茄，南瓜，菇，秋葵，茄子，大葱。其实味道就正常，唔系话特别好食，特别系大葱同菇太难咬。不过鸡皮都脆口既。
鸭肝
59 浏览
0 赞好
0 留言
炉端烧隔离系即制鸭肝。鸭肝虽然细细件，不过整得超好，外脆内滑，正！下底垫底既面包都非常香脆。虽然厨师系上面特别加左黑醋，不过食左两件就好腻。
和牛粒
46 浏览
1 赞好
0 留言
有时会出即制和牛粒，伴有洋葱丝。不过和牛太硬，唔好食。
隔离都有A4和牛鸭肝海胆炒饭，同大阪烧。
斧头扒，烧肉眼
46 浏览
0 赞好
0 留言
另一边既热食区有斧头扒同烧肉眼，配烧汁同黑椒汁。
斧头扒
60 浏览
1 赞好
0 留言
斧头扒既骨头位d肉系特别正，识食就识食呢部份。不过黑色部份太咸，同埋好难先问到服务员攞。服务员态度都麻麻地。
羊髀，斧头扒，烧肉眼，扒杂菜
45 浏览
1 赞好
0 留言
斧头扒食落好嫩，烧肉眼就粗少少。隔离仲可以自己攞羊髀同烧乳猪。羊髀都可以，烧乳猪就超脆皮同肉质好嫩！
隔离仲有杂锦肠，扒杂菜，炸鸡块同薯格自己攞。
西式热食隔离就有面包同汤。面包选择少，中汤系冬瓜薏米煲猪肉，西汤系意大利黄瓜忌廉汤。
隔离就有越南汤河，配料有鱼蛋，贡丸，牛丸，肥牛，时菜，扎肉，萝卜。
越南汤河隔离就系鸡粥，应该无人会食啦？
鸡粥隔离有上汤浸时蔬，同药膳鸡脚。药膳个汤好浓药材味，虽然油腻左少少，不过好好饮。
片皮鸭
52 浏览
0 赞好
0 留言
片皮鸭既皮真系好脆又薄，肉就硬左少少，不过以自助餐黎讲质素算唔错啦。
片皮鸭隔离有海南鸡饭，卤肉同卤水豆腐。
之后就系一系列既中式同西式热食，包括猪脚姜，碧绿杭州骨，白酒煮青口，峇里烧鱼，红酒烩羊肉，德国咸猪手，芝士蟹肉酿蘑菇，时菜（西兰花，椰菜花，红萝卜），素菜千层面，南瓜意大利饭。猪脚姜味道几好又淋！芝士蟹肉酿蘑菇既蟹肉味道几浓，味道唔错。其他就无特别，碧绿杭州骨特别硬，羊肉好稣。
最后既热食区就系甜品区隔离既Pizza同印度美食。印度美食有印度烤饼，印度薄脆饼，印度鸡咖喱，印度米，同杂菜咖喱。Pizza个样非常唔吸引，个批底好厚。
之后就到甜品区啦！其实系一入门口就见到既大雪柜！甜品种类繁多！
甜品
49 浏览
0 赞好
0 留言
白桃法式杏仁挞既挞底又厚又脆，上面既黑莓又大又新鲜，正！
芝士蛋糕香浓又够厚身同滑溜
三重朱古力蛋糕真系有好浓既朱古力味，又够湿润
另外无试到既仲有意大利芝士饼，芒果芝士竹炭蛋糕，柚子蜜蛋糕，云呢拿奶冻，白桃果冻，草莓奶冻
甜品
56 浏览
0 赞好
0 留言
隔离个雪柜仲有朱古力蛋糕，蓝莓芝士蛋糕，忌廉乳生卷，绿茶忌廉蛋糕，果冻糖，草莓玫瑰盆栽蛋糕，冲绳黑糖豆腐布丁，同埋无名牌既另外3款蛋糕。蓝莓芝士蛋糕就好麻麻，而草莓玫瑰盆栽蛋糕造型够杀食，可惜味道就麻麻。
自家制意大利雪糕
58 浏览
0 赞好
0 留言
隔离就有自家制意大利雪糕，口味包括菠萝椰子雪糕，白桃雪葩，青苹果雪葩，无糖杏桃雪糕，要专人笔比你。我试左菠萝椰子雪糕同白桃雪葩，其实唔太得，一定系名牌雪糕好食d，下面会介绍！
甜品
50 浏览
3 赞好
0 留言
自家制意大利雪糕隔离仲有室温甜品，包括巴黎甜圈，朱古力心太软，杨枝甘露布丁，迷你鲜果挞，法式焦糖炖蛋，苹果金宝，布朗尼朱古力饼。中式糖水得1款，系360牛奶桃胶。
360牛奶桃胶好多料，味道甜甜地，鲜奶够滑溜，好味道！
法式焦糖炖蛋都够滑溜
苹果金宝够脆口
布朗尼朱古力饼同巴黎甜圈无特别
朱古力心太软其实就只系普通朱古力蛋糕
自制沙冰区
42 浏览
0 赞好
0 留言
呢度居然有自制沙冰区！首先请专人帮你攞碎冰，然后有超过15款配料比你任意配搭，包括蜜绿豆，迷你棉花糖，仙草冻，朱古力脆脆珠，寒天QQ条，爱玉冻，芋圆，龙眼，椰果，蜜红豆，金柚肉，杂果，另外有4款糖浆，包括蓝莓，芒果，青苹果，士多啤梨。我见小朋友不断攞碎冰食。
新鲜水果有菠萝，西瓜，哈蜜瓜，选择比较少，质素普通。
哈根大师雪糕杯
52 浏览
0 赞好
0 留言
最后我真系从未去过任何自助餐系会有异常多既哈根大师雪糕杯自己攞，简直系无得顶！口味包罗万有，包括士多啤梨，芒果，蓝莓，咖啡，曲奇忌廉，朱古力，哈密瓜，云呢拿，焦糖脆饼，夏威夷果仁，绿茶，芒果红桑子。可惜口味系唔会添加，攞完就无架啦！我有幸食到最后两个夏威夷果仁同士多啤梨。
甜品黎个小总结，虽然无pancake，窝夫等等，不过哈根大师雪糕杯，自制沙冰区，同若干蛋糕既质素都令我感到满意！
饮品系自助，分开左两个counter放，除左咖啡茶水，仲有自助既蝶豆花柠檬水同荔枝红茶，蝶豆花柠檬水个紫色又吸引又好饮，可惜饮完系唔会再添。
座位方面，今次我地人多，被安排左系餐厅中间既房入面，虽然有其他人，但系基本上比我地霸嗮，而装饰摆设系书柜既样，影相非常正！如果要坐出面就好似好逼，虽然有窗口位，夜妈妈都无景架啦。服务员既服务态度就麻麻地，绝对有改进既空间。
总结，呢度有龙虾，生蚝，海胆卷，鸭肝，片皮鸭，烧乳猪，特别系异常多既哈根大师雪糕杯自己攞，呢个价钱绝对系值得黎试。
张贴
