Chatterbox Express

营业中

休息中

今日收工今晚想食下啲重口味嘅嘢，膽粗粗同朋友一齊過咗去太古搵吓好嘢食，意外發現咗一間新加坡過江龍，地點都算易搵，價錢又唔貴㗎～喺太古站大概行5分鐘左右就已經會到，門口非常光猛好易認，俾人一種好warm嘅感覺入到去店內環境好舒適，燈光光線十分充足，店員亦都勤於清潔，所以坐得非常舒服文華海南雞飯作為呢間餐廳嘅招牌菜，海南雞肉質鮮嫩，咬落口非常質感細滑，重點係餐廳好貼心幫我哋去咗骨，所以十分方便實用；附贈的蔬菜雞湯味道濃郁，配料亦很足夠；油飯的油香和雞香味十足，並不會過分油膩。新加坡肉骨茶麵線肉骨茶的精髓在乎於湯底，餐廳的湯底有濃烈的胡椒味，藥材味不會過分濃烈所以容易入口，飲完之後成個人都好似即刻暖左一下咁樣啦; 配料都好足夠㗎，肉骨充足，並且每一嚿都非常綿，直頭好似化骨綿掌咁樣；入面嘅豆卜金針菇同埋油炸鬼非常入味，值得一讚🫶🏻🫶🏻凍美祿哥斯拉千祈唔好以為呢杯只係平平無奇嘅美祿，上面加咗好好味嘅雲呢拿雪糕，同埋朱古力脆脆波波，三重口感加埋一齊甜，到入心入肺🥰🥰凍四季柑汁呢杯飲品，簡直係我嘅私心推介，酸甜嘅比例啱啱好，飲落去之後好開胃，亦都有少少似我哋嘅鹹柑桔，飲完之後喉嚨好舒服

約左朋友嚟太古食晚飯，朋友推介之下就嚟試下呢間新加玻菜。文華海南雞飯雞皮好滑，肉質非常鮮嫩，亦無多餘既碎骨。米飯充滿雞油香，粒粒分明，唔會好重油膩感。特別鐘意個秘製既黑豉油，味道好濃郁。新加坡肉骨茶麵線有豬骨、蒜頭、豆卜，仲有另上既油炸鬼。湯底既胡椒味好重，好似飲緊胡椒豬肚湯咁；豬骨肉質偏淋，份量都唔少；麵線則十分掛湯，成碗麵都做得好出色。黑醬油炒蘿蔔糕本色見到蘿蔔糕咁深色以為會好濃味，點知食落又唔係想像中油膩感咁重，反而帶點點甜味之餘亦Keep到蘿蔔糕本身既味道。蠔油小棠菜跟餐加$15就有碟清清地既菜，蠔油唔會加得太重同太鹹，都幾值得一試。椰子雪糕咖央三文治每件三文治既其中一片麵包都搽滿咖央醬，再加啲椰子雪糕一齊食，真係一流。凍美祿恐龍上面除左有美祿粉之外，仲有埋美祿波波，夠哂甜又夠哂邪惡。

呢間餐廳始於1971年新加坡文華大酒店🏨以快餐形式提供傳統新加坡菜式外，仲加入創新甜品同「打卡」特飲🇸🇬💗文華海南雞飯 ($108)走地雞以50分鐘慢煮，再去骨同切走多餘脂肪。雞皮爽滑，雞肉軟滑鮮美🐔；油飯特意選用泰國舊米，煮得軟硬度適中，粒粒分明，充滿雞油香🍚；佐以一碗雞湯，師傅係浸雞嘅湯水加入蔬菜同嫩豆腐，飲落清爽鮮甜🍲；調味方面有新鮮磨成嘅薑蓉、新加坡總店秘製嘅辣椒醬同黑豉油💗新加坡肉骨茶麵線 ($108)肉骨茶以豬骨🦴、蒜頭🧄、白胡椒🧂同藥草🌿提味，湯頭濃郁鮮甜，胡椒味重帶辛辣。一字排骨肥瘦適中，肉質軟腍有彈性，點少量辣椒黑豉油吊起肉鮮🍖麵線幼身滑溜，吸湯力十足🍜配料仲有金針菇、豆卜同油條💗雞肉沙嗲(+$48/ 4串)雞肉串燒至外層焦香，肉質嫰滑多汁🍢配上惹味香甜嘅沙嗲粒粒花生醬🥘💗椰子雪糕咖央三文治(+$28）鬆軟嘅牛油厚多士夾住濃郁嘅椰子雪糕同幼滑嘅咖央醬🍞再加脆脆美祿波波，口感一熱一冷，味道甜美融合🥥

餐廳使用電話掃QR CODE自助落單 夠晒方便 又岩晒急速嘅生活節奏仲要唔洗十分鐘就上齊晒餸 果然夠EXPRESS!🔖招牌文華海南雞飯 很重要講三次! 必試! 真心好好食!!花足心思烹調嘅海南雞🐥特登挑選優質的雞肉 並以五十分鐘慢煮而成令肉質保持鮮嫩滑溜 又保留到雞嘅鮮味嫌唔夠重口味嘅話可沾上秘製辣椒醬/黑醬油/薑蓉..刺激下味蕾～再將薑蓉撈混由雞湯&雞油炮製而成嘅香米飯真係好食到停唔到口呢🔖新加坡肉骨茶麵線直接以肉骨茶嚟做麵嘅湯底 真係好特別!白胡椒肉骨茶主要以白胡椒、蒜頭熬製而成啖啖湯都係帶少許微辛嘅胡椒味 非常濃郁而且無馬來西亞肉骨藥咁重藥材味 GOOD!!再配上肥瘦適中嘅一字骨 有啲肉咬下無咁悶雖然啲肉已經無乜肉味了～💬小小提議: 個肉骨茶湯好快已經凍咗 無咁好飲如果煲底下面可以放個小蠟燭坐熱住就好了🕯️🔖 咸蛋黃雞翼必推❤️ 超濃嘅咸蛋黃香 岩晒鍾意濃味嘅你雞翼仲要係預先炸過 所以更加脆口 呢點加分!!🔖 黑醬油炒蘿蔔糕略略有啲咸得濟 同埋蘿蔔糕一夾就爛咗

身為太古區嘅常客，要嚟試吓新開來自新加波嘅過江龍；簡潔裝橫，用咗光鮮嘅黃丶白丶綠為主調，好醒晨；呢度係半自助形式，可先搵位，再點餐及俾錢，將「傳呼機」放於枱面指定嘅貼紙上，店員會送餐到客人枱中。文華海南雞飯 $108  (升級雞髀 +$10)去骨海南雞髀，約有十件肉，油飯丶湯丶有齊三款醬料，雞肉肉質嫩滑，雞皮下無乜脂肪層，食落唔會覺得油膩。新加坡肉骨茶麵線 $108新加坡肉骨茶比馬來西亞嘅較重胡椒味，湯底顏色比較清；肉質軟腍，點黑醬油食，可將肉味提升；而油炸鬼好脆，只係油咗少少，依家呢個天氣食就啱哂喇～可以驅寒暖胃。雞肉沙嗲 4串  (跟餐+$48)雖然雞肉串份量比較小，但沙嗲醬好味！！配埋青瓜丶紫洋蔥，惹味 凍Cappuccino (跟餐+$10)只記得要少冰，唔記得嗌少甜，但出嚟個甜度適中，奶味濃滑，唔錯！凍美禄哥斯拉 (跟餐+$16)美祿恐龍即美祿朱古力，加上未溶嘅美祿粉＆朱古力脆脆波，美祿哥斯拉其實係美祿恐龍嘅進化版，多咗一球雲呢拿雪糕，估唔到個雪糕，向我食晒成餐飯都未溶哂，好滿足！

最近太古開左一間海南雞餐廳，上網一睇先知原來係鼎鼎大名新加坡文華大酒店旗下嘅傳奇海南雞餐廳品牌Chatterbox。我哋先喺收銀下單，然後將傳呼器放喺座位貼紙上面，職員就會將食物送到我哋面前！餐廳設計風格充滿趣味，尤其係牆上嘅英文句子，例如Rice to Meet You！- 文華海南雞飯雞肉全部去晒骨👍🏻，雞皮充滿光澤，肉質軟稔，油飯充滿香氣，而且飯粒乾爽，另外附送埋黑豉油、辣醬同薑蓉，相當周到。- 新加坡肉骨茶麵線肉骨茶有分星加坡同馬來西亞兩種，今次叫咗你星加坡肉骨茶，胡椒味較重，裏面總共有五件一字排，肉質唔算太嫩但分量搭救。油條非常香脆，浸落去肉骨茶有另一番風味。不過麵線同我想像中有啲出入，而且唔係太吸湯🥲- 蒜蓉炒小棠菜呢排太熱氣所以要食啲蔬菜，蒜蓉炒菜只係加$15。- 鹹蛋黃雞翼雞翼均勻地抹上鹹蛋黃醬，而且夾集既鹹蛋黃蓉，口感沙沙地好正😝原先期待香脆既口感，不過濃郁既鹹蛋香彌補返！- 椰子雪糕咖央三文治🥪估唔到呢個組合幾正，抹上咖央既鬆軟麵包夾住椰子雪糕，甜而不膩。海南雞飯絕對物有所值，椰子雪糕咖央三文治幾創新，一定會再幫襯！

新加坡過江龍除咗喺尖沙咀有，終於喺港島有一間啦！室內嘅格局好整齊，而且光線十足，比人感覺好乾淨😀點餐方面可以好似快餐店咁到收銀處，或者手機QR code落單減少接觸~首先唔少得文華海南雞😙我加咗$10轉雞髀，啲肉好嫩，同埋我好鍾意佢個醬汁，仲有啲菜絲增加咬口~每一件雞我都沾佢唔同嘅醬，別有風味🤩套餐跟一碗豆腐生菜湯~幾清甜😙細心嘅應該見到佢有足足半嚿蒜茸！令個湯更加香蒜味~ 仲配埋油炸鬼食更jeng！ 鍾意食蒜茸嘅我加多咗碟蒜蓉炒生菜 🥬 💗超足料厚切五花腩🤤層次分明，一咬落去啲油香出哂嚟💗小食有唔少選擇，跟餐價好抵食😛可以試到新加坡嘅特色三文治，麵包勁香牛油味好鍾意🤤仲有就係點少得美祿恐龍🦖超級richhhh只係套餐加$10 冇理由唔加！面頭落咗好多美祿粉，攪勻左變美祿漿，鍾意朱古力嘅朋友一定要試😍呢一杯好驚喜，茶底係錫蘭茶，混合左好濃稠嘅嘢漿，首先飲到好重嘅椰奶味，後韻有茶香味，好新奇😯