桃子Cafe (已結業)

下班與友人去吃蛋包飯。看餐牌便知這裏以漢堡和鰻魚為主打，小小的店舖坐滿前來品嚐咖喱漢堡和鰻魚的人，晚上七時半，店內將近滿座。留意身旁的佈置，簡單的小手作和擺設，加上暖和的色調，整體給人温馨之感。晚市可點套餐，套餐包括主菜、飲品和甜品，比單點更划算。日式明太子海鮮白汁意粉($98)，意粉汁以忌廉和牛奶煮成，所以比忌廉多了一分柔滑。彈牙的意粉掛汁，加上多款爽口的海鮮粒，滑中帶爽的口。日式咖喱流心芝士漢堡蛋包飯($98)。一般機器做的漢堡硬實，然而這裏漢堡採用安格斯牛肉，並以人手打碎牛肉，令肉質更鬆軟。流心芝士做到很長的拉絲，芝士量多，所以吃到我最喜歡的厚身芝士煙煙靭靭的口感。店員介紹咖喱混和了拌碟內所見的蔬菜煮過後的汁，所以有蔬菜的甜味。大件的紅蘿蔔、翠肉瓜和薯仔煮得軟稔。咖喱味道不會刺激味蕾，而是柔和、沒有分辣度的甜咖喱，很適合不嗜辣的人吃。賣相甚佳的嫩蛋包裹着香軟的飯，拌咖喱、菜粒和飯吃，香、軟、滑，味道甚佳。是日餐湯蘑菇忌廉湯，除了蘑菇，還加了秀珍菇等菇類，把菇類攪碎，部分菇類加入橄欖油炒，再加入牛奶和忌廉煮成，牛奶令湯更香滑而不油膩。凍柚子蜜(+$3)，凍柚子蜜酸酸甜甜，不論配香甜

2019年最後一餐要食好D。朋友好鐘意日本，今日就同佢「返鄉下」，回味下日本美食。呢一間專門食蛋包飯， 黎到當然要試試。晚餐$98有set，包飯、飲品同埋甜品。作為芝士愛好者，好快就諗好叫咩，叫咗咖喱芝士漢堡蛋包飯。日本咖喱偏甜，仲有少少紅蘿蔔做配料，正正常常。隻蛋好滑，仲有少少蛋汁，超級好味。芝士放咗喺漢堡扒上面，芝士嘅份量絕對唔吝嗇，可能食得太耐佢凝固左，可以一細嚿咁樣食。漢堡扒勁厚身，食到好飽，但亦因為厚身所以咁煮落有少少嚡。整體成個飯有好多適合配飯嘅原素，每一樣加埋就令到成個飯都好好味，甚至嫌飯太少。為咗隻蛋，絕對有下一次。