岳川串揚

营业中

休息中

難得Book到場夜晚喺伊館打波，做運動前先提早食個晚餐。我哋直接喺附近搵食，其中公園仔旁邊轉角位有間餐廳，名叫「岳川串揚」。從外面睇都大約估到係食日本野🎌，入到去確定店舖面積唔大，一眼睇晒，就連廚房都係半開放式，不過佢抽風OK，所以食完個身都無大一浸味。餐廳主打嘅食物係「串揚」，起源自大阪關西，即係沾上炸漿油炸嘅串燒🍢，喺香港真係無幾多間餐廳有得食。凡菜單上有個「揚」字，就係指串揚款式。呢度定價屬合理水平，晚市人均消費約$300，而中午就有午餐供應。北海道帶子三文魚籽(揚)($40)，食物同圖片一樣吸引😍，店員建議我哋要即食，因為帶子耐咗會出水。北海道帶子係刺身級別，所以唔使整到全熟，保持鮮甜。佢另外仲配以三文魚籽同忌廉芝士，成個組合好正。北海道天使蝦(揚)($48)以及紫蘇魷魚卷(揚)($30)，🦐天使蝦本身係靚貨，肉質爽彈唔腥，而且炸完之後連殼都變脆、食得埋，調味用上經蝦提煉嘅鹽。🦑紫蘇魷魚卷比較迷你，有三粒。魷魚質感唔韌，入面包裹一片紫蘇葉，再加埋面頭嘅柚子胡椒，食落清新。我哋另外仲食咗三款串揚😆，分別係雞胸軟骨($35)(揚)、豚肉蘆筍卷($35)(揚)同埋洋蔥($18)(揚)

👍🏻招牌大阪土手燒牛舌 $78人氣日式串燒居酒屋🍶！主打多款日式串揚串燒、下酒菜、鍋物料理等啱晒同三五知己輕鬆飲吓嘢😌土手燒牛舌有啲似燉牛腩咁，睇落好似好鞋好韌，但其實入口軟嫩又有彈性😛湯底混和味噌鹹香、牛香同清甜嘅白蘿蔔味牛舌同蘿蔔都好入味，入味得嚟味噌味唔會過重/鹹，仍然保持牛舌牛香，而且完全唔騷熱辣辣上枱好暖胃，呢個推介必食👍🏻味道：9/10性價比：7/10-👍🏻鹽燒牛舌心 $45 & 鹽燒美國肉眼串 $45牛舌心比起土手燒牛舌更加爽口，軟嫩冇筋，厚薄適中，同樣完全冇牛騷味燒到啱啱好，仍然保持微微粉紅，好juicy肉眼串肉汁就更多，大概五成熟連住少少脂肪同筋位，外脆內嫩，咬落爆汁🤤簡單灑上黑椒同鹽調味，更突出牛味，好濃郁味道：9/10性價比：7/10-👍🏻汁燒黑豚肉 $38肥瘦相間，厚肉爽彈唔乾柴，燒得好有焦香，肥膏直頭焦脆🤪入口肉味香濃，爆哂油充滿油香，極邪惡味道：8/10性價比：7/10-👍🏻自家制免治雞肉串 $42免治雞肉比較乾身，但混咗雞軟骨，咬落爽口口感有層次表面焦香，食落胡椒調味明顯，沾上蛋汁醬汁，味道都唔錯味道：7/10性價比：7/10-👍🏻日式磯煮鮑魚伴蘿蔔 $8

講起日本炸物 大家可能第一時間諗到天婦羅 但係大家唔好唔記得串揚呀😉 佢都係日本嘅美食之一 呢晚就嚟咗呢間主打串揚嘅居酒屋🏮日式磯煮鮑魚伴蘿蔔鮑魚有微微嘅酒香 仲好腍 好易咬開 蘿蔔放喺鮑魚下面 好入味之餘仲有鮮味😗梅水晶本身就咁睇個名都唔知係咩嚟 睇返介紹 原來係一款佐酒小食 以日本雞胸軟骨取代鯊魚骨 味道有酸酸地 真係幾開胃🥰 雞胸軟骨咬落幾爽口 真係好啱送酒 我就最鍾意呢碟日本海蝦海蝦口感幾彈牙 仲幾鮮味 外面有層薄薄嘅炸粉 好食過普通嘅炸蝦好多🦐 豚肉蘆筍卷蘆筍俾豚肉包裹住 清新嘅蘆筍令到食豚肉感覺更輕盈🐷黑豚肉五花呢個係串揚嚟嘅 五花肉層次分明😎芝士香菇串香菇炸完都仲好juicy 配埋芝士好夾🧀日本小池魚呢個送啤酒一流呀🐟 細細條 脆卜卜 食完一條又一條 停唔到口 如果有埋沙律醬就好啦😚雞皮餃子呢個好爆汁 湯汁好熱辣辣 食嘅時候要小心 雞皮仲好香脆添🐥大蔥豬頸肉豬頸肉好有口感 配埋大蔥好正😝燒豚肉車厘茄豚肉包住車厘茄 咬落口好fresh😻鹽燒美國肉眼串咬落口好多肉汁 亦幾重牛味🐮鹽燒牛舌心呢個食落好爽口 唔會有筋咬唔爛👅招牌大阪土手燒牛舌(小)煮嘅牛舌同燒嘅口感好唔同 呢個好

最近正值Sogo Thankful Week，就陪同媽咪去銅鑼灣行街，一輪血拼後當然喺附近搵野食。步行至摩理臣山道，見到呢間餐廳充滿日本居酒屋風格，於是入去休息吓。<味噌田樂燒茄子> $68茄子外皮香脆，內裏柔軟，味噌嘅調味令茄子肉帶有絲絲甜味。<燒芝士年糕> $25年糕軟糯，芝士鹹香突出。<燒昆布飯團> $30飯糰表面搽上豉油，內裏嘅昆布略作調味，加上用咗日本嘅珍珠米，飯香煙韌，呢啲應該叫平凡的美味。<帶子三文魚籽(揚) > $40帶子裹著薄薄炸衣，帶子熟度剛好，配埋一粒粒的三文魚籽食用，入口爽滑，一咬即破。<日式磯煮鮑魚伴蘿蔔(2份)> $80我地都好鍾意呢款😋第一次將鮑魚同白蘿蔔夾埋一齊食，蘿蔔腍身+煮得好入味，鮑魚都唔會話煮得好韌，一齊擺入口，蘿蔔同鮑魚嘅鮮味喺口腔中融合。<自家製免治雞肉串> $42雞肉串跟埋蛋黃同日式豉油，將蛋黃同埋豉油攪勻而成的醬汁。雞肉串口感特別，入面夾雜咗少許嘅雞軟骨，點埋蛋黃豉油汁更增添風味。<原熟水蜜桃梳打> $38水蜜桃味梳打配埋串燒飲

星期日同老公食日式串揚，香港比較少有，我搵到呢間岳川串揚，當日去食晚飯。首先叫左三款冷盤。日式辣酒煮東風螺螺肉幾彈牙，味道辣辣地，好惹味。日式磯煮鮑魚伴蘿蔔鮑魚同蘿蔔一齊食都係第一次，蘿蔔夠腍同埋好入味，鮑魚都好彈牙。酒盜芝士即係將cream cheese切成細細粒，送酒一流。串揚叫左三款。紐西蘭牛柳牛柳好腍，即使炸左都有牛味，靚牛。鹿兒島黑豚肉五花黑豚肉唔會鞋唔韌，都好好食。秘製年糕食落煙煙韌韌，唔會黏牙。再叫左四款燒物。豚肉車厘茄車厘茄爆汁，正。燒白鰻幾肥美，調味唔錯。鹽燒紐西蘭頂級羊架無羊羶味，而且肉質軟腍。燒日本蠔蠔好大隻，鮮甜多汁。主食叫左兩款。和風冷烏冬(冷)烏冬唔會一夾就斷，用上日本烏冬。櫻花蝦湯蕎麥麵(熱)天氣開始凍，食返碗熱既蕎麥麵，好舒服。最後仲有甜品: 蜜桃雪葩。蜜桃雪葩質感無冰粒，好幼細，口感似軟滑既雪糕，好好食。當然唔少得叫支細清酒(300ml)黎飲啦，好易入口。