Season Oyster & Wine Bar (已結業)

之前就親得閒少少約左個foodie 姐姐去食飯😋 🦐烤焗海鮮拼盤 $298身為芝士控， 見到咁多cheese真的很興奮～興奮過屯馬開通🤣 所有海鮮加左芝士焗真係香勁多，搞到唔太鍾意食海鮮嘅我都覺得好吸引佢個焗芝士原隻龍蝦都幾多肉，肉質彈牙又唔霉，仲鋪上焗到燶燶地嘅芝士喺面，真係好惹味佢個螺仔都唔錯，唔會好似東風螺咁冇乜味😍又冇腥臭味，用蒜蓉黎調味嘅螺真係好唔錯～焗扇貝都好大粒好好味～ 啲芝士多到蓋過哂成粒扇貝，同埋食得出佢入面都有用牛油同蒜蓉燒嘅最鍾意都係佢個芝士焗大啡菇，好多芝士又重菇味，仲要好juicy😆上面仲有啲黑松露添，味道超多層次🤤🐮日本一口和牛粒 $88不愧係一口和牛粒， 和牛味超重，啲肉又嫩～咁多位牛魔王真係唔可以錯過～🍝牛油蒜香蜆肉意粉 $128啲蜆肉真係勁多，份量好足夠～成個意分真係好重蒜蓉牛油味，意粉同蜆肉都入哂味😋 覺得最抵食都係個海鮮拼盤😆 因為真係唔貴又有勁多樣野食，又多芝士😍 係芝士控嘅天堂～

朋友約我去銅鑼灣食飯，但行極都未到😅，原來係近天后嗰邊。我心諗「Season Oyster & Wine Bar」位置唔喺大街，應該唔會好多人掛。點知一入餐廳發現係全場爆滿Full House👏。餐廳原來仲有二樓的，因為坐後面先知，下層有一邊係座位，另一邊係廚房。我覺得整體都算坐得舒服☺️。烤焗海鮮拼盤($298)，海鮮拼盤好豐富，有好多款海鮮，仲要每款都好鮮味😋，包括龍蝦、扇貝、翡翠螺同虎蝦。佢比起其他餐廳定價真係平好多，有啲餐廳得龍蝦都可能賣二百蚊啦。芝士焗原隻龍蝦，龍蝦品種係波士頓龍蝦🦞，有兩隻鉗。龍蝦唔細隻，就算佢本身咁過份包裝都幾好肉。餐廳仲提供鉸剪畀我哋將佢肢解。牛油蒜蓉焗虎蝦(兩隻)，🦐虎蝦不愧為虎蝦，大隻過一般海蝦。外表燒到好香脆，有濃濃蝦香，蝦肉亦唔乾身，唔錯。蒜蓉翡翠螺(四粒)，🐚翡翠螺好少食，原來都幾正㗎啵。螺肉大大粒，肉質唔韌，唔怕頂胃。巴馬臣芝士焗扇貝(兩隻)，扇貝就正正常常啦，又係用咗超多芝士焗🧀。芝士黑松露焗大磨菇，本身仲諗住嗌呢樣小食，好彩睇清楚餐牌介紹，原來拼盤包埋的！🍄大啡菇釀咗好多芝士，咬落好多汁。牛油蒜香蜆肉意粉($128)，驚齋食海鮮唔夠飽(其實

難得媽媽放假，就同佢嚟銅鑼灣行街，順便撐枱腳☺️經過見到呢間餐廳都幾有特色，裝修唔錯，感覺幾chill，就決定晚餐喺度醫肚😋餐牌上嘅食物選擇都算多，主打係生蠔同埋酒類飲品，不過今次就食吓啲熟食🤤日本一口和牛粒~先叫小食，日本和牛粒一口size，夠晒方便唔使切，咬落去啖啖肉，肉味濃郁，肉質鮮嫩，肉汁亦夠豐富，感覺juicy，有少量的沙律菜作伴碟，味道幾清新，減少肉膩感~自家製炸爆汁廣島蠔(5粒)~係我同媽媽最愛的炸生蠔，每一粒都係啱啱炸起，外層十分香脆，而且金黃色的外表賣相不錯，咬落去熱辣辣，蠔汁流晒出來好juicy，隻隻飽滿好滿足😙威爾斯羊仔架~主菜叫咗羊架，有四支骨，肉質幾鮮嫩，沒有羊甦味，帶有少量脂肪，增添幾分油香，點埋醬汁一齊食味道好夾，令羊肉鮮味更為提升~薯角亦是啱啱炸起，外皮脆卜卜，內裏薯仔則較為軟滑☺️牛油蒜香蜆肉意粉~新鮮炒製，香蒜味道十分濃郁，食落亦幾惹味，粒粒蜆都幾飽滿大隻，分量適中，加入少量車厘茄為帶來少許鮮甜的感覺，亦增添了少許田園氣息🥰最後以一杯橙汁和蘋果汁作結，清清甜甜的味道可口，為整道晚餐帶來圓滿的結束😙

早幾日紀念日同老婆去尖沙咀Season Plus嘆$198生蠔拼盤超好食, 今日老婆話係銅鑼灣訂左枱食飯, 要俾返個驚喜我, 我地係銅鑼灣睇完戲之後佢就帶我去開餐。原來佢book左Season Oyster and Wine Bar呢間Season Plus嘅分店。😍Season Oyster and Wine Bar係中央圖書館附近嘅信德街, 門面同Season Plus好似, 地方唔大不過裝修好有格調, 一幅牆佈滿木酒箱板, 另外有一幅牆則以三葉草裝飾, 木色同綠色嘅配搭感覺好舒服。😙Menu基本上同Season Plus一樣, 都係有$198生蠔拼盤套餐, 不過由於老婆皮膚敏感唔可以食太多海鮮, 所以今晚我地忍忍口冇點一打嘅生蠔拼盤, 散點左四隻較高質嘅生蠔, 另外點左老婆最愛嘅黑毛豬鞍, 鰻魚同其他小食。😋Season Oyster and Wine Bar全部時令生蠔都係空運到港，我地揀左一隻($18)，一隻愛爾蘭 Irish Rock No.0 ($29)同兩隻法國 Gillardean No.0 ($39)，Yellow Stone同 Irish Rock 比較細隻，不過

上次食過season wine其他分店..食生蠔飲白酒...今次沒有點生蠔....決定試試其他食物🤗🍴日本一口和牛粒...沾上伴碟的黑椒&鹽....不得了🤤🍴炸物拼盆....有雞亦...薯條...紫薯波波...炸蠔🤤🍴海鮮冷拼盆....有龍蝦...鮑魚...蝦...青口...螺...味道都好鮮甜🤤🍴牛油蒜蓉焗翡翠螺...一上枱就已經聞到陣陣蒜香味🍴慢煮安格斯厚切牛柳12oz....配士多啤梨醬🍴韓國燒汁魷魚桶...一d都唔乾...好味🤤🍴意大利辣肉腸pizza....

之後去餐廳食蠔都好貴，閒閒地都要40-50蚊一隻，今次有朋友話呢間食蠔好抵，就特登黎試下。成間餐廳都以蠔同酒做主打，成個裝修都係以唔同酒莊酒箱木為主，問番先知原來餐廳以外仲有兩間賣酒店，所以都用番黎做裝修。一睇當然睇蠔先啦，佢做緊生蠔拼盤$198 一打送白酒，原價$298，咁當然諗都唔諗叫左先啦。門身都想睇下散叫，不過又唔係好識分，所以叫左個拼盤試下先唔夠再叫。生蠔新鮮，雖然size 唔算大，不過都幾鮮，海水味較重，不過呢個價錢真係照值，一人一打都抵。而送個枝白酒都好易入口，唔會好澀，唔差。見keep 住都有人買外賣生蠔拼盤，如果住付近買番屋企食都幾chill.食完蠔朋友都想食下熱食，主食選擇唔算太多，大多數都係海鮮，而食肉獸都係鍾意點肉類，就叫左個羊架、小食拼盤同埋炸物拼盤喇。小食拼盤有一口和牛粒，原條鰻魚同魷魚桶，份量都幾多。和口粒都幾出色，入口即溶，鬆化。為左送埋枝酒，所以叫呢個小食拼盤，最鍾意個炸蠔同埋南瓜粒，好鬆脆好香口，而薯條亦都有黑松露醬，最愛黑松露薯條。最後仲叫多左個pizza,都要等一段時間，應該係即叫即極即焗，新鮮滾熱辣咁上枱，皮都算焗得脆口。整體黎講海鮮類比較出色

早幾日約左朋友去銅鑼灣，search下openrice有咩餐廳適合傾下計，格調不錯嘅，最後揀左呢間！位於柏麗酒店隔離，有點隔涉，但唔難搵一入門口已經見到各種紅白酒、whisky、日本酒聽到隔離枱想揀酒，店員因應佢要求一擊即中仲有得試飲！ 服務好好可惜朋友要揸車，我地就冇叫到了頭盤點左帶子刺身， 賣相好高級都好鮮甜，爽口！ 愛爾蘭石蠔$9/隻，本來以為好細仔，呢個價錢太平又驚唔好食，所以只叫左6隻！ 點知黎到size同法國蠔差不多！！法國蠔鮮甜得黎帶點淡淡嘅海水味，清爽；石蠔入口甜，加埋少少嘅蕃茄汁 真係絕配！ 好想叫多打原條鰻魚燒， 鰻魚汁、紫菜，再加埋芝麻，令鰻魚更加香，更加特出佢嘅味道， 而且入口即溶！ 不錯呀日本一口和牛粒， d和牛好juicy!!! 切開一半，令人期待嘅粉紅色，熟度medium夠嫩 ～ 好有牛味！慢煮牛柳配海膽最令人難忘係佢嘅醬汁！ 酸酸甜甜，有士多啤梨嘅味道， 牛柳配呢個汁 好夾，一d都唔heavy! 整個餐廳環境好適合傾計，好安靜!