Mini Friday (The Wave)

营业中

休息中

放工食好西想起依間，環境舒適有情調，美食質素中上，好友聚餐或拖友二人世界皆宜。套餐選擇有多款，散叫比較有彈性，甜品好味合我心意。薄脆薄脆口感脆卜卜，沾上美味的千島醬，可以食唔停口。咸蛋黃醬雞翼 $78雞翼四隻大大隻，炸得皮脆肉嫩，均勻沾滿咸蛋黃醬汁，咸香美味好好食，仲有新鮮沙律菜中解下膩。溫泉蛋菠菜大啡菇 $88原隻大啡菇厚肉多汁軟彈口感，上層有芝士菠菜碎，夾心温泉蛋切開蛋液流出，簡單好味，伴有好多沙律菜唔錯。明太子忌廉帶子手捲粉 $178手捲粉外形有點似長通粉，中空的但就冇封邊，粉皮比較薄，口感嚼勁好掛汁。明太子忌廉汁好creamy，加咗少少三文魚籽咸甜美味，主角三粒刺身級帶子大粒肥美，輕煎一下口感軟味道鮮甜彈，咬啖令人好滿足。蘋果金寶 $78面層金寶焗到脆卜卜又香又甜，內裡果肉焦香軟甜，外脆內軟加埋冧酒雪糕冷熱交融，好立體的味覺享受，作為餐後甜品，成件事係好完美的。

開心星期五🥳的晚餐到Mini Friday，位於觀塘興業街4號The Wave 3樓。之前試過這裏午餐， 今次感覺晚餐也不錯。 星期五晚上都比較多人， 所以枱與枱之間客人距離都較近。晚餐✨ ～ 薄脆、 水牛城雞翼$98、 明太子忌廉帶子手捲粉$178、芝士牛肉漢堡$168、 椰香菠蘿沙冰$78、 House Red $58。 🔹薄脆🫓 ～ 坐低不久，店員為我們送上這款小食， 脆卜卜的口感。 🔹水牛城雞翼🍗 ～ 味道辛辣，偏鹹。 🔹芝士牛肉漢堡🍔 ～ 牛肉漢堡味道比較淡，粗身薯條🍟香脆好味， 另外還有沙律🥗作配菜。 🔹明太子忌廉帶子手捲粉🍝 ～ 當晚沒有手捲粉， 用長通粉代替， 明太子味道不算突出， 忌廉很濃郁，帶子有三粒，鮮甜美味。 🔹House Red🍷 ～ 易入口，唔會好澀。 🔹椰香菠蘿沙冰🍹 ～ 冰涼口感， 解渴之選。 用 Openrice 訂枱有88折 (單點菜式) ， 都幾抵食。

又到星期五，又可以同朋友相聚暢談一番！呢度環境幾好，今次由6:00坐到差不多11:00😂😂食物都不錯呀！入座就送上餐前薄脆。🔸美式BBQ豬肋排(💰288)(7/10)服務員話單點有六條骨，套餐係四條骨。咁我地就叫單點。但最後黎咗四條骨，跟住幫我地換返，最後俾咗十條骨我地🤭味道不過不失啦。薯蓉有黑松露味，都有蔬菜配菜。🔸辣肉腸帕爾馬火腿薄餅（💰188）(9/10)好味！最出色係個餅底，好脆好香！好多芝士，個底仲有茄醬，配埋Parma ham，好味！🔸明太子忌廉帶子手捲粉（💰178）(8.5/10)呢個都好味！手捲粉嘅口感幾好，又夠長，係幼身嘅窿。啲汁黏滿哂成條手捲粉！明太子忌廉醬夠香濃。帶子煎香都好大粒！🔸心太軟配雪糕（💰78）(8/10)心太軟蛋糕同流心朱古力比例適中，朱古力味道濃，又不會太甜！入面嘅朱古力漿杰杰地好味！朱古力雪糕都雪得好夠凍，唔會溶哂！服務都好好，周圍個個都飲一大渣啤酒，下次再嚟都要啤啤佢先😂🍻Overall評分: 8/10

約咗舊同事去觀塘, 揀咗間西餐廳Mini Friday, 餐廳內環境舒適, 座位清潔企理, 算係個gathering好地方。入座即送上免費小食晚市供應dinner set, 但main menu較為吸引我地。【芝士焗肉醬墨西哥脆片】HK$78 芝士溶於面層, 蓋過了肉醬, 熱辣辣上檯時, 可以拉起長長芝士, 脆脆墨西哥脆片沾了甜酸有肉香嘅肉醬同埋鹹香芝士, 非常惹味。【芝士溫泉蛋焗牛脷薯粒】HK$118同樣有大量芝士, 可以拉起長長芝士絲, 牛脷粒被稍為拖過油, 鎖住了原本肉汁, 而且好林; 篤穿溫泉蛋流出蛋汁, 令凍咗而凝固咗嘅芝士冇咁乾, 薯粒內裡冇咗粉狀嘅質感, 似溝咗d生粉落去, 而且愈食愈鹹。牛脷ok, 但薯粒不討好。【明太子忌廉帶子手捲粉】HK$158手捲粉帶點口感, 整個粉忌廉味重, 極為creamy, 加咗些少三文魚籽, creamy中又帶點點層次同埋鮮香, 帶子表面煎至淡金黃, 入面仲keep到滑滑刺身, 食到帶子本身嘅鮮甜。【焦糖燉蛋 配雪糕】HK$68面層焦糖夠厚, 稍要用少少力敲碎焦糖層, 燉蛋凍食, 很滑, 有淡淡蛋香, 配上焦糖碎一齊食, 食落唔會過甜。 【

見到好多朋友食呢間 所以一直都想來試 今日帶媽咪過嚟 行到最入有卡位 座位闊落😆未叫嘢食之前就已經上咗啲脆片 岩哂好肚餓嘅我哋 炸得好香鬆脆 點埋千島醬就perfect👍🏻👍🏻 有dinner set 可以揀 包飲品沙律餐湯加一蚊仲可以叫甜品 我哋叫左一個set 另外加個粉同埋雞翼～ 佢個沙律有爆珠同埋胡麻汁 好夠味🤣 粟米忌廉湯都好濃 有粟米粒👍🏻 澳洲香烤羊架 配薄荷燒汁 $248 🐑叫咗五成熟 有三大塊羊架 每一塊原來都非常厚 起碼2cm 羊架上面佈滿炸蒜 食落口感卜卜脆 外面一層係厚厚嘅羊脂肪 好邪惡同時非常肥美 juicy 到爆！ 嗰陣羊羶味喺口腔漸漸散發出嚟 而且肉質鬆軟 如果你唔想咁勁羊羶味 可以點上隔離嘅薄荷燒汁 蓋一蓋過 個燒汁都好好味 配肉一流 有陣清清哋嘅薄荷味～ 仲有個好creamy 嘅薯蓉 食到好飽😝明太子忌廉帶子手捲粉 $148 呢個係一定要叫！ 超好食 好鍾意個明太子忌廉汁 超級濃味creamy 仲有三文魚籽加埋輕微明太子嘅鹹味 好食！ 估唔到個帶子好大粒又彈牙 同埋感覺好新鮮！ 手捲粉第一次食 可能係捲曲嘅效果 所以醬汁可以捲晒入去 每一個部份都充滿醬

之前一直都知呢間餐廳有唔少好評，見價錢都合理就決定試試。我係經openrice book位，正價餐牌會有88折，但就唔包括套餐。點餐前已經有提供到小食，墨西哥脆片點千島醬都幾好食。Dinner set: 香烤澳洲羊架配薄荷燒汁 $238隨餐會有田園沙律、餐湯及飲品。餐湯係紅菜頭忌廉湯，味道好濃郁。而沙律個組合上就有啲奇怪，會有埋平時台式飲品會飲到嘅爆爆珠。而個羊架係絕對有驚喜，本人係好怕臊味，但今次個味道係完全可以接受到，可能係因為薄荷燒汁蓋過咗羊嘅臊味，而且啲肉都好嫩。飲品就揀咗熱情蘋果蘇打，飲落去係勁甜，真係會覺得自己係飲緊糖水，要再另外叫多杯冰溝淡返個味。明太子忌廉帶子手捲粉 $148手捲粉其實就係長通粉，而呢個粉嘅好處就係可以捲住好多汁，食落唔會覺得乾。帶子即大粒又彈牙，手捲粉面都有魚子作為點綴。水牛城雞翼 $78雞翼表面炸到脆脆地，裡面都依然保留到啲肉汁。而且個汁酸酸辣辣，非常惹味。整體來講，呢間餐廳都好推薦大家去食，食物質素都幾好，成個環境同氣氛都令人覺得好舒服。

我對觀塘The Wave大廈並唔陌生，因為呢度有唔少餐廳，之前嚟食雞煲多，但天氣開始熱，所以都想轉轉口味。呢晚我哋就轉場過咗隔離嘅🍽西餐廳「Mini Friday」，好彩有訂枱，有88折之外，仲確保唔使等位，估唔到平日晚都咁爆場。餐廳有做晚市套餐，由$168至$258不等，有齊前菜、湯、主菜以及加$1有甜品，其實幾豐富，不過我想食嘅不在此列，唯有散嗌🙈。主菜單選擇幾多，有薄餅同小食等，價錢就中矩中舉啦。餐前小食係墨西哥脆片配芝士醬🌮，脆片好鬆脆，芝士醬好濃，夾埋食好正，仲要係免費㗎。芝士溫泉蛋焗牛脷薯粒($108)，呢個小食一啲都唔小，熱鍋上放滿牛脷粒同薯仔，上面再鋪芝士拎去焗，熱辣辣送上不得了，🧀芝士拉絲效果好澎湃！薯粒其實好大粒，應該係新薯嘅一半，🥔夾夾埋埋可能有成十嚿，食完呢碟已經飽咗七成。牛脷細細粒，口感好淋👅，食落有啲似午餐肉味🤣。明太子忌廉帶子手捲粉($148)，明明有DIY Pasta餐嗌，我都唔要，係因為明太子醬同手捲粉實在太吸引😍。醬汁超濃超Creamy，不過無乜明太子嘅辣味，手捲粉造型有啲似長通粉，但係冇封邊的，口感則非常有嚼勁，兼且好掛汁。餸料有三文魚子同三大粒帶