美孚。友樂鮨 (已搬遷) 新店位置

Yu Raku Sushi

4.5

4.5

162 食记

味道

环境

服务

卫生

抵食

|

1423

美孚

$401-800

日本菜

156

2

1

時令清湯

2 已推介

Kimmybbg

等级4

583

0

食Omakase對於一啲大胃口既人黎講真係會怕唔飽，依間位於美孚既隱世Omakase 絕對係可以飽到你食唔落！抵食🥰✨Dinner Omakase：Deluxe$1280/Supreme$1400✨另設加一-🥗 時令前菜3品水雲醋物：酸酸甜甜，海藻爽口👍🏻玉子豆腐：好香滑有蛋香，滑溜到似食緊雪糕🍦鹿兒島蕃茄：微微酸得黎好鮮甜🍅-💕 刺身5品(Deluxe) / 7品(Supreme)日本兵庫縣室津蠔：生蠔肥美鮮甜🦪，配上梅酒啫喱同紫蘇花，醬汁酸甜開胃🥰蜜柑鯛：散發出淡淡的蜜柑味，柔軟滑嫩😍配上啫喱，味道更清新。象拔蚌：好清新爽口，食落「索索聲！」👍🏻深海池魚：好厚切好厚肉☺️火炙後魚皮焦香，肉質細緻，魚油甘香。拖羅：口感柔軟細膩，油香鮮甜😍 (Supreme)牡丹蝦：質感黏口彈牙😍面層加上蝦頭膏同魚籽，味道好夾🍤 (Supreme) 蘋果木煙燻鰹魚：蘋果木香氣撲鼻，鰹魚軟滑厚身，海藻底都充滿蘋果香🍎- 💕 壽司5款火炙金目鯛：肉質細緻嫩滑，火炙後充滿魚油香🥰活北寄貝：肥美厚實，清爽甘甜☺️海膽鬼池魚：甜美油脂含量剛好而不膩，配上海膽，口感極豐富！😍吞拿魚面頰肉：火炙後口感細膩，入口即溶

更多

食Omakase對於一啲大胃口既人黎講真係會怕唔飽，依間位於美孚既隱世Omakase 絕對係可以飽到你食唔落！抵食🥰
✨Dinner Omakase：Deluxe$1280/Supreme$1400
✨另設加一

-

🥗 時令前菜3品
水雲醋物：酸酸甜甜，海藻爽口👍🏻
玉子豆腐：好香滑有蛋香，滑溜到似食緊雪糕🍦
鹿兒島蕃茄：微微酸得黎好鮮甜🍅

-
💕 刺身5品(Deluxe) / 7品(Supreme)
日本兵庫縣室津蠔：生蠔肥美鮮甜🦪，配上梅酒啫喱同紫蘇花，醬汁酸甜開胃🥰

蜜柑鯛：散發出淡淡的蜜柑味，柔軟滑嫩😍配上啫喱，味道更清新。

象拔蚌：好清新爽口，食落「索索聲！」👍🏻
深海池魚：好厚切好厚肉☺️火炙後魚皮焦香，肉質細緻，魚油甘香。

拖羅：口感柔軟細膩，油香鮮甜😍

(Supreme)牡丹蝦：質感黏口彈牙😍面層加上蝦頭膏同魚籽，味道好夾🍤

(Supreme) 蘋果木煙燻鰹魚：蘋果木香氣撲鼻，鰹魚軟滑厚身，海藻底都充滿蘋果香🍎

-

💕 壽司5款
火炙金目鯛：肉質細緻嫩滑，火炙後充滿魚油香🥰
活北寄貝：肥美厚實，清爽甘甜☺️
海膽鬼池魚：甜美油脂含量剛好而不膩，配上海膽，口感極豐富！😍
吞拿魚面頰肉：火炙後口感細膩，入口即溶🥰
(Deluxe)海膽壽司：海膽多到完美蓋過飯，甘甜順滑絕對唔腥！❤️
(Supreme)海膽鹿兒島A4和牛壽司：海膽杯造型好吸精，甘甜海膽面放上金箔，下層放上重點A4和牛，肉質柔軟多汁，油脂四溢，超滿足！🥰😍

-
💕 清酒煮北海道赤鮑魚(Deluxe)
鮑魚口感彈牙爽口😍鮮甜得黎有清酒香。另外仲配上鮑魚肝醬，醬汁好濃郁，連埋飯一齊食就剛好了。

-

💕 廚師特選一品料理(Supreme)
鵝肝多士
鹿兒島既鵝肝，油脂感重入口即溶😍
多士烘得好香脆，依個配搭真係一絕！
-

碎蔥吞拿魚腩手卷

💕 碎蔥吞拿魚腩手卷
師傅先烘一烘熱紫菜，再毫不留手放滿哂吞拿魚腩蓉😍同黃瓜絲，形成手卷，紫菜食落香脆，吞拿魚腩蓉口感綿密，入口即溶🥰，配埋黃瓜絲，中和油膩感。

-
💕 蟹肉茶壺蒸
蟹肉味鮮甜，蒸蛋好滑溜
暖笠笠飲落好舒服

-

💕 時令清湯
舞茸白魚清湯(Delux)
清湯用金目鯛敖製而成，加上舞茸，味道好清香，解膩一流。
鯛魚濃湯(Supreme)
奶白色既濃湯冇落仼何味精，只用鯛魚熬製而成，口感順滑香濃。

-

💕 甜品
雪糕可以簡香蕉/咖啡/薑🍦

香蕉雪糕🍌
香濃得黎清甜，唔係好假既香蕉味😍質地綿密！
咖啡️雪糕☕
咖啡味濃郁，食後仲有餘韻香氣🥰

日本兵庫縣室津蠔

海膽鹿兒島A4和牛壽司

火炙金目鯛

(以上食记乃用户个人意见 , 并不代表OpenRice之观点。)

分享
推介

已推介
检举

张贴

评分

味道

环境

服务

卫生

抵食

用餐日期

2022-07-29

等候时间

20 分钟 (堂食)

人均消费

$1500 (晚餐)

推介美食

山區麵包王

等级8

2.8K

236

「廚師發辦」（Omakase）晌香港都盛行咗一段長時間，所以，都唔需要多作介紹，市面上有以平價作招徠，有以質素、口碑見稱，可謂百花齊放，總之各有各精彩，各有各客源。傳統搵食旺區故然有好多呢一類餐廳，但一啲非旺區亦有一啲卧虎藏龍，今晚跟住個年年至少去一次日本嘅鐵粉，嚟到美孚嘅「友樂鮨」，大嘆一頓高質素嘅「廚師發辦」。同區有家「友樂亭」，形式走居酒屋路線，多年前曾幫襯過，感覺好唔錯，單睇名字，相信都喺姊妹店，所以，無形中多咗份信心。門面已喺一派好和風嘅風格，淺木色條形為主調，少少條形窗可以窺探到內裡嘅環境，唔會搞到好神神秘秘，高不可攀嘅感覺。而踏進餐廳，地方唔喺好大，但你會感覺好寬敞，因為枱櫈可以講喺低密度排列，加上柔和嘅燈效，感覺寧靜盎然。一張L形板前席，喺食「廚師發辦」嘅指定最佳位置，因為可以睇到師傅切魚生嘅刀功、揑壽司嘅手勢，以及跟佢哋嘅互動。再者，啲梳化椅背墊夠厚，坐得好舒服，櫈下亦可以放雜物、背包。人少當然揀住吧枱就最好，人多啲亦有四人枱供選擇。由於防疫關係，枱面已備有消毒啫喱自由取用，唔好見佢哋無放啲隔板，而喺寧願做少幾個客嘅生意，唔使等啲隔板影響晒成個場嘅美觀，將客人安排隔開

更多

「廚師發辦」（Omakase）晌香港都盛行咗一段長時間，所以，都唔需要多作介紹，市面上有以平價作招徠，有以質素、口碑見稱，可謂百花齊放，總之各有各精彩，各有各客源。傳統搵食旺區故然有好多呢一類餐廳，但一啲非旺區亦有一啲卧虎藏龍，今晚跟住個年年至少去一次日本嘅鐵粉，嚟到美孚嘅「友樂鮨」，大嘆一頓高質素嘅「廚師發辦」

。同區有家「友樂亭」，形式走居酒屋路線，多年前曾幫襯過，感覺好唔錯，單睇名字，相信都喺姊妹店，所以，無形中多咗份信心。

門面已喺一派好和風嘅風格，淺木色條形為主調，少少條形窗可以窺探到內裡嘅環境，唔會搞到好神神秘秘，高不可攀嘅感覺。而踏進餐廳，地方唔喺好大，但你會感覺好寬敞，因為枱櫈可以講喺低密度排列，加上柔和嘅燈效，感覺寧靜盎然

一張L形板前席，喺食「廚師發辦」嘅指定最佳位置，因為可以睇到師傅切魚生嘅刀功、揑壽司嘅手勢，以及跟佢哋嘅互動

。再者，啲梳化椅背墊夠厚，坐得好舒服，櫈下亦可以放雜物、背包。人少當然揀住吧枱就最好，人多啲亦有四人枱供選擇。由於防疫關係，枱面已備有消毒啫喱自由取用，唔好見佢哋無放啲隔板，而喺寧願做少幾個客嘅生意，唔使等啲隔板影響晒成個場嘅美觀，將客人安排隔開啲嚟坐。

順帶一提，除環境以和風木系為主之外，近玄關仲有個清酒櫃，嗰時晌「友樂亭」都見到有同樣嘅設定，清酒中有唔少掛住個名牌，原來喺遜客嘅，可見小店甚受歡迎。

此外，酒櫃下面仲模造咗一個「迷你」日式庭園嘅砂石丘，而餐廳內仲有少少日式嘅小擺設，都喺令到餐廳整個氣氛都更日系！

晌呢啲中高檔餐廳，除咗環境，餐具及服務都喺值得留意嘅一環。一碟、一杯都好古雅，就連筷子托都特別別緻，之後盛載之食物嘅器皿亦都賞心悅目

；而服務方面，好熨貼，侍應落單時會先問問有無嘢唔食得，或食物敏感，態度既有禮，又不時為我哋添茶及收拾餐具。師傅上菜嘅速度，亦喺恰到好處，令人用餐感到悠閒唔急促

雖然，一大本餐牌有唔少菜式供選擇，沙律呀、酢物呀、刺身呀、卷物呀、壽司呀……等等，但相信大多數人嚟都喺揀套餐。分別有3個價位，「友樂晚餐」（$580）、「廚師精選Omakase」（$1,180）、「廚師精選Omakase」（$1,300），有平有貴，豐儉由人。而小弟今次喺試試$1,300的「廚師發辦」套餐，因為事前唔知會食乜，但往往食材都帶嚟好多驚喜，喺一次奇妙嘅體驗

飲品方面，清酒、燒酎、生果酒、啤酒、汽水……一應俱全，反轉後面仲有幾款特飲提供！

晌影吓環境、影吓餐牌，不經不覺師傅就預備好幾款前菜，除有啲薑片外，仲有醃漬嘅牛蒡同蒜頭，前者入口爽爽哋，細嚼後有陣陣甘味；後者入口喺好爽脆，有別平常食到咁軟軟腍腍，有種食緊「酸蕎頭」嘅感覺，非常得意。

時令前菜三款

一切準備就緒，就上第一道菜，亦喺食「廚師發辦」嘅典型安排，三款特色前菜：北海道粟米、青瓜漬配松葉蟹、蓴菜配水母。以日式便當小木盒一次過送上，單喺賣相已有啲先聲奪人嘅感覺，非常精緻而富雅氣，貫徹日本菜一向嘅匠人精細。

時令前菜三款

師傅更特意提醒，享用都有其次序，先食嘅喺北海道粟米，咪睇佢好似好白會無乜味，食過北海道粟米都知，甜度非常高，而且，粟米味突出。

時令前菜三款

第二道要試喺青瓜漬配松葉蟹，伴有少少啫喱醋，青瓜配上啫喱醋入口十分清爽，而松葉蟹肉鮮甜無比，以質取勝。

時令前菜三款

最後喺蓴菜配水母，好在有個哈日朋友，先知蓴菜（音：純）喺啲乜，喺啲浮葉性水生植物，有層透明薄膜包住，口感滑潺潺，好得意。而水母咬落似海蜇，爽爽脆脆，伴以酸醋汁，好清新嘅感覺。

時令前菜三款

北海道雪解蠔

第一道刺身喺雪解蠔，好陌生嘅名字，所以，絕對喺第一次享用，蠔形偏長，師傅處理得好乾脆，亦唔會有蠔殼碎，面頭仲加咗梅酒啫喱，平衡番個海水味。雪解蠔肉質飽滿，入口蠔味重，質感脆身，海水味唔算太重，喺好有質素嘅生蠔。

北海道雪解蠔

鮫鰈魚薄切

又喺一道極少接觸嘅魚類，第二道刺身喺鮫鰈魚薄切，盡顯師傅刀工，每一片厚薄均一，並且薄至透光，加一朶菊花，灑上點點柚子青作點綴，感覺立時好唔同。魚肉有少少爽爽哋，魚味唔算好濃，但佐以柚子醋，有一份小清新嘅感覺。別忘了菊花下仲墊有不少昆布，都好好食架。

鮫鰈魚薄切

深海池魚

第三道刺身喺比較常遇到嘅深海池魚，相信大家都唔陌生，色澤晶瑩而帶淡粉紅，保持一貫光澤亮麗，足見其新鮮度。師傅特登晌刺身上鎅幾刀，増加美觀感，並搽咗醬油，加咗芥末，一啖放入口就得喇，食落肉質嫩得嚟帶爽口，魚鮮味頗突出。

新鮮北寄貝

第四道刺身喺北寄貝，但當然唔喺平常晌迴轉壽司食嗰啲紅紅哋嘅平價貨莓，而喺新鮮貨色，外觀已明亮光澤。咬落去質感軟腍，帶少少爽口感，味道喺非常之鮮甜，輕輕沾丁點醬油，真喺鮮味盡出。

新鮮北寄貝

北海道牡丹蝦

牡丹蝦以往都食過好幾次，不過，今次呢隻算好大隻吓，介紹時，師傅仲話蝦膏煮過仲深番上面，味道帶甘甘哋，再襯上蝦籽，而且蝦身本身色澤光亮紅潤，可謂顏值高，新鮮度已搶晒分。一啖入口，肉質黏黏哋卻又帶有爽身嘅口感，非常好食。

北海道牡丹蝦

炙燒北海道帆立貝

食刺身最緊要喺夠新鮮，咁就已經差唔得去邊。第六道刺身喺炙燒帆立貝，刺身級嘅帆立貝既大粒，又厚身，炙燒後以紫菜捲起嚟食，香脆嘅紫菜搭上軟滑綿綿嘅帆立貝，嗰份嘅感覺，的確令人印象深刻，真想再要多件呀。

炙燒北海道帆立貝

中拖羅

轉眼間，已嚟到最後一道刺身，即喺刺身中嘅常客中拖羅。中拖羅比赤身油份重啲，但又唔會好似大拖羅咁好多油脂，可以講脂肪適中。跟深海池魚一樣，已搽咗醬油，加咗芥末，睇到油花細緻，油分充足，入口確喺柔嫩味鮮，滲有少少油香。

金目鯛壽司

一輪刺身已有好奇妙嘅體驗，跟住落嚟嘅壽司又會喺點？先登場嘅第一道壽司喺金目鯛壽司，師傅三手就捏好壽司飯，飯粒鬆軟唔會死實，卻又唔會一夾就散，並已加入赤醋作調味。金目鯛嘅溫度剛好，入口肉質細膩，味道鮮甜，油脂唔太重。

金目鯛壽司

石垣貝壽司

第二道壽司喺用上嚟自沖繩嘅石垣貝，又喺未接觸過嘅食材，嘩！唔喺講笑，隻石垣貝仲郁郁吓，大力拍落去仲會有反應，足見新鮮到不得了。雖然都喺貝，跟北寄貝又好唔同，口感比較軟滑，搽上醬油，提升其鮮味嘅層次。

石垣貝壽司

鰤魚壽司

第三道壽司喺鰤魚壽司，第一次聽鰤魚覺得好陌生，其實，鰤魚就等同油甘嘅大人，咪以為大條咗就會肉質嚡，其實佢算喺頂級食材，而且，好講時令。泛紅嘅魚身無暗啞，食落口感鮮滑細膩，油脂豐腴。

沙甸魚壽司

沙甸魚？當然唔喺講罐頭嗰啲，第四道就以沙甸魚做成壽司卷，呢段時間沙甸又喺幾時令，裡面仲捲住一啲鹹菜及幼蔥條，整體口感及味道幾唔錯，沙甸嘅油香都幾突出。

沙甸魚壽司

海瞻壽司

嚟到最後一件壽司，雖然選材海瞻，但做法可以不一樣。以一個方形小碗盛載，擺上一小花束紫蘇，如藝術品般美。北海道嘅海瞻，向來都喺高質素，外表有光澤，入口果然喺甘香豐腴，綿密細膩，仲有種甘甜嘅餘韻。

碎蔥吞拿魚腩手卷

之前食過好幾次「廚師發辦」，臨近尾聲都會有一道手卷，唔知喺咪啲師傅情有獨鍾，都好鍾意用上吞拿魚，並捲成長條形，今次亦喺。將吞拿魚腩刴成蓉，加入蔥碎、一啲漬物，食起嚟有吞拿魚嘅油潤，但就令口感唔會太膩，增添少少清爽感。

碎蔥吞拿魚腩手卷

廚師特選一品料理

究竟喺咩料理呢？師傅賣關子，到最後一刻先送出嚟，原來喺一道煎靜岡金目鯛。賣相有種清灑脫俗嘅意景，因為以海苔做成「翠綠嘅湖泊」，墊上一件薄豆腐，再放上煎香嘅金目鯛。魚肉非常嫩滑，而且，非常鮮甜，豆腐亦滑溜，充滿豆香。

廚師特選一品料理

廚師特選一品料理

蟹肉茶碗蒸

加入咗蟹肉，自不然令個茶碗蒸升咗兩級啦，而且，個陶瓷碗亦都好別緻。睇到表面蒸得好平滑，滔一羹試試，蟹肉落得唔少，蛋漿蒸得滑溜無比，兼且甚有蛋香，正呀。

蟹肉茶碗蒸

蟹肉茶碗蒸

蟹肉茶碗蒸

玉子蛋糕

突然間，師傅捧咗個玉子蛋糕出嚟，話請我哋試吓，突然令小弟想起有次食「廚房發辦」，又類似喺咁，師傅捧咗條伊達卷出嚟請客人食。雖然，只喺一小件玉子蛋糕，但蛋味勁濃，卻喺好清甜。仲有少少印象，有師傅話過，食壽司，最尾喺蛋，有句號嘅意思添。

時令清湯

食日本嘢，佢哋喜歡最尾先嚟飲湯，今次嘅清湯喺舞茸白身魚清湯，而白身魚用上時令嘅真鯛。師傅話先飲個湯，個湯應該喺鰹魚湯，味道比較清，而再食啲舞茸同真鯛，前者頗有香菇味，後者肉質纖維比較細嫩，食起嚟比較清爽。

豆腐雪糕配柚子柿卷

直到最後，都仲有驚喜，豆腐雪糕嘅豆腐喺十二分濃郁，口感柔滑富奶香，而伴碟嘅柚子柿卷喺日本農民婆婆嘅手作嘢，口感軟軟腍腍，柿味清甜，真正為今餐有個完美作結。本應，仲包一杯咖啡，但都已經好飽，同埋，今朝早餐、晏晝，都飲咗兩杯，用晒是日嘅配額喇！

豆腐雪糕配柚子柿卷

全程除咗一位Billy師傅直接招呼之外，另一位侍應嘅招呼亦非常熨貼，如收碗、換碟、添茶（頭段喺玄米茶，尾段喺抹茶，都無問到有無咩特別意思呢），都喺恰到好處；而師傅刀功了得之外，所有刺身、壽司，啲魚生晌溫度上嘅處理，均值得一讚，因為入口時唔會太凍，亦唔會好似擺耐咗攤暖咁。環境舒服，又有少少輕鬆嘅音樂襯托，真叫人樂在其中，渡過咗一個愉快、稱心嘅晚上

。

(以上食记乃用户个人意见 , 并不代表OpenRice之观点。)

分享
推介

已推介
检举

张贴

评分

味道

环境

服务

卫生

抵食

用餐途径

堂食

人均消费

$1430 (晚餐)

推介美食