海陽。居酒屋

营业中

休息中

將居酒屋跟酒吧融合，氛圍跟一般居酒屋截然不同。樓底高而且裝潢時尚有格調，感覺讓人耳目一新。味淋雞泡魚干 ($78)甘香可口，煙韌軟腍，口感一流，令人難以忘懷！燒牛脷 ($68)香咸適口，軟嫩厚度足，富有彈性，入口爽脆又有嚼勁。月見雞肉棒 ($58)雞肉棒內含雞軟骨和洋蔥，口感相當有層次。享用前再沾點蛋黃，肉質更嫩滑。碎蔥吞拿魚腩卷($118)料多過飯的碎蔥吞拿魚腩卷上面鋪滿了吞拿魚腩蓉，十分澎湃，簡直令人亢奮！入口幼細香滑，軟綿綿的，每一口都是魚脂濃香的滿足感！

自從K11 Musea 開了之後， 我很喜歡到這裏逛街和吃飯， 商場裝修風格創新，場內有很多各式各樣的商店， 還有多元化的餐廳可供選擇， 今次來到Kaiyo 海陽。居酒屋， 雖然是居酒屋， 但餐廳裝修風格西式化， 格調高貴， 一入門口有一個小酒吧， 酒櫃放滿不同種類的酒， 一眼就望見我最喜歡的清酒和日本威士忌 。餐牌上更提供多樣化的居酒屋美食， 例如有壽司刺身，天婦羅，串燒，丼飯和涮涮鍋， 如果不喜歡散叫， 也可以選擇廚師發板和精選料理套餐。 我就比較喜歡散叫， 今次點玉子卷$38， 燒煙肉萵筍卷$38， 燒白鱔$78，Kaiy 招牌壽司$308， 燒和牛鵝肝丼$268， 月見雞肉棒$58。玉子卷～ 清清地試一試這裏的玉子卷， 只是簡簡單單一個卷物都可以做得很出色， 玉子幼滑好味。Kaiy 招牌壽司～ 店員推介的， 賣相相當精緻， 用一個金色的器皿載住鮮甜晶瑩通透的三文魚籽， 甜美新鮮的海膽和油香軟滑的吞拿魚蓉， 頂層還有魚子醬和金箔， 所用的優質上等食材令到整個菜式高貴起來。燒和牛鵝肝丼～ 和牛入口即溶， 油脂分佈平均而 軟熟， 配上日式燒汁， 充滿牛肉的香味， 加上香濃的鵝肝， 絕

K11 Musea自開業以來，吸引不少人前往打卡。喺咁靚嘅商場入面，餐廳嘅裝修都唔執輸。好似呢間《海陽。居酒屋 KAIYŌ》咁，打造高級日式居酒屋風格，走高檔路線，用嘅材料都十分上乘。食物種類多，刺身、壽司、伴酒、串燒少不免，另外仲有shabu shabu、烏冬等等。雖然話用料質素高，但價格偏貴，性價比唔算高。以地段嚟講，算係可接受。餐廳店面好大，頭一part係酒吧設計，亦有坐位；中間部份有堂食位置，可以坐吧檯，望住師傅用心製作；後部更有VIP room，方便一群朋友嚟聚餐。不過可能係因為容納咗太多客人，令到廚房同樓面都不敷應付。聽到好多客人追單，而我哋都係其中一檯要追單嘅客人。另外，服務方面實在有待改善。叫侍應幫手加茶，佢叫我等等，等完唔見咗影；問佢某樣材料係咩，佢話問問廚房，然後又冇咗影。另一位侍應問我哋啲嘢食到齊未，我哋話仲有邊幾樣，佢就幫我哋跟。然後又有第二位侍應過嚟問同樣嘅問題，證明大家嘅溝通不足。不完美，可接受，要改善🤗🤗刺身、壽司就好多人講咗啦，我就focus喺熟食方面。（個人覺得刺身嘅價格又唔算貴，好似三文魚刺身咁，$58一碟三片，新鮮肥美油脂四溢，幾抵食👅）日本豚肉涮

K11 Musea 開幕後，唔少嘅食肆進駐咗，都要用上一段日子先可以食哂咁多間。今日我就去咗「KAIYO Beyond Izakaya 」依間日式餐廳食晚飯。店面俾人一種高貴典雅嘅感覺，服務員態度和藹親切。食品選擇多元化，壽司、刺身、小食、燒物、炸物、串燒、天婦羅、壽喜燒、拉麵、烏冬、丼飯，各式各樣，應有盡有。飲品方面亦都係咁多元化，啤酒、烈酒、燒酌、以至無酒精飲料都一應俱全。燒白鱔：一串三件。白鱔燒得好香口，燒好嘅白鱔口感QQ。月見雞肉棒：看似一條台灣腸嘅雞肉棒。內裡係雞肉，雞軟骨同洋蔥。本身已經好香口好味，再點埋生蛋漿，非常之好味道。慢煮小牛排：入口可以感覺到塊小牛排嘅油脂分布，肉香油香鮮明。小牛排先慢煮再把面頭煎香，肉質鮮嫩，外脆內嫩。依道菜嘅好食，價錢又合理，真係誠意推介大家呀。Kaiyo壽司：點餐/菜式最好玩嘅地方，就係唔知道菜會係咩嚟。依個Kaiyo壽司確實係好有驚喜，吞拿魚蓉、海膽同三文魚籽，連同調咗味嘅壽司飯，好精緻咁放喺一個魚子醬盒裡面，面頭仲有魚子醬同金簿做裝飾，賣相精美到唔捨得食呀。依道菜叫做Kaiyo壽司，因為附上了紫菜，俾你包住嚟食。吞拿魚蓉、海膽同三文魚籽好

今次同朋友去咗新開嘅K11 Musea，呢到啲裝修真係好靚，而我今次嚟食嘅呢間居酒屋，入面嘅裝修都好有格調。位置方面我坐咗喺吧枱，可以睇到壽司師傅點樣去整，見到壽司師傅喺到不停咁整壽司，好吸引嘅情況下，我都叫咗兩款。上壽司 $328 入面有九件，包括咗赤身、燒左口魚邊、油甘魚、深海池魚、三文魚、牡丹蝦、帆立貝、三文魚子等，左口魚邊油香突岀，赤身魚味濃郁，帆立貝厚切肥美，各樣都好新鮮。Kaiyo特色卷 $328 齋睇賣相都為之一振，好澎湃嘅份量，滿滿嘅海膽、吞拿魚蓉、三文魚子，好豪華，入口又肥美又creamy嘅感覺，夠哂鮮美。北海道十勝豚肉丼 $198 份量十足，肉質鮮嫩，口感一流，兩個人share份量啱啱好。月見雞肉棒$58 汁燒得好入味，配上流心蛋做醬 ，令到雞肉棒有更豐富嘅味道層次。燒煙肉萵筍卷 $38 蒿筍爽口，可以一解煙肉嘅油膩感。玉子燒 $68 好可愛嘅版本，雖然價錢有點貴，但食落比平時嘅玉子燒更有層次，口感更嫩。西柚冰茶 $58 餐廳會畀埋半個西柚你，等你可以再添果汁，自己調節酸甜度，好貼心。富士山柚子梳打 $68 味道清甜，但感覺上鮮榨果汁好似抵飲啲。需加一服務費，埋單2

最近最矚目嘅就係尖沙咀嘅K11musea新商場，我同爸爸都唔執輸朝聖一下，商場裏面都開咗很多食肆！簡直會令人有選擇困難症。其中我哋見到一間海陽居酒屋！就人左去試下。居酒屋裝修很有格調，入到去令人好放鬆，服務員很有禮貌，專業嘅態度令我對餐廳好感度加分。我哋叫咗北海道帆立貝壽司，鯛魚壽司和火炙比目魚邊壽司。首先帆立貝厚肉鮮甜，絕對對得住價錢。而火炙比目魚油脂豐富，比目魚邊入口即溶，令人驚艷。月見雞肉棒（$58) ：雞肉棒皮薄肉嫩，鷄肉味濃郁!!原來餐廳使用了日本的走地雞肉，再加入洋蔥粒，雞軟骨碎等等攪拌而成。雞肉棒口感香脆可口。蘸上日本北海道雞蛋吃，滋味無窮。北海道十勝豚肉丼（$198）：十勝豚肉丼每塊都肉質鬆厚，味道帶點鹹鹹甜甜的。厚實但軟嫩的豚肉味道濃郁，豬肉的甜味在口中慢慢散開，帶有一少少油脂很適合下飯也非常美味！靜岡蜜瓜（$98)：店員先將蜜瓜平均切好再上碟！蜜瓜爽甜多汁，甜度很討好！簡直令人一食愛上！這蜜瓜為這頓晚餐錦上添花，令人好滿足。