叄嵐日本燒鳥串燒居酒屋 (已結業)

食日本料理和食串燒感覺不會太飽肚，料理細細碟，而串燒就細細粒，食完幾串先再叫都無問題，前日同朋友去了一間位於灣仔的叄嵐日本燒鳥串燒居酒屋，雖然在橫街，但都易找到，地點算方便。在這個下午品嚐了多款日式美食，真的很不錯。裝修摩登簡約，樓底高，抽氣強勁，不怕侷促，牆上掛了寫上食物名字的木牌及擺放多瓶日本酒，充滿日式風格，環境整潔舒適。餐牌上有 Main Set 或多款單點食品，海鮮、肉類、蔬菜、甜點、飲品等，而這店是採用日本阿波酢雞，正宗日本味道，選擇種類多，很好的。Main Set (2人)   $298黑松露煙肉沙律煙肉香脆惹味，加入黑松露提升濃濃鮮味，翠綠蔬菜，新鮮爽脆，份量頗多，開胃好開始。唐揚炸雞軟骨咬落粒粒卜卜脆，爽口彈牙，炸得香脆可口，味道少少鹹，鬆脆惹味。火焰釀大磨菇上層是燒烤過的芝士，香味撲鼻。大磨菇釀入蔬菜粒、煙肉碎，口感豐富，內裡多汁，香濃惹味。灼燒鰻魚飯鰻魚以燒烤形式製作，散發陣陣香氣，魚肉香濃四溢，嫩滑多汁，鮮味十足，好吃。朱古力心太軟配雪糕烤焗得外脆內軟的朱古力蛋糕，流出香濃幼滑的朱古力汁，配合冰凍的雲呢拿雪糕，一冷一熱的口感，美味可口，再加上焗得脆脆的牛角麵包，

今日去到灣仔W square ,見後巷有間隱世日本小店，入去試下，一入到去見到一隻貓已迎面向住你叫，就好像歡迎你到來一樣，係一間有貓陪住食飯的日式居酒屋，而且仲有兩隻，一隻白色，一隻有啡色及黑色花紋，佢地完全唔驚人，相信已習慣招呼客人，也感受到老闆是如此喜歡貓及痛錫貓的主人。睇餐牌見到有個二人餐$498，以海鮮為主，岩晒唔洗諗，先來松葉蟹肉沙律，蟹肉都算多，清楚見到拆出的蟹肉，撈埋沙律更鮮甜。燒物有芝士煙肉片的黃金燒蠔，共有四隻，夠多汁。還有酥炸軟殼蟹小食，有兩隻，蟹身有肉有蟹籽，可留著等餸下一道菜-海膽龍蝦尾炒飯，到海膽龍蝦尾炒飯上枱，龍蝦尾開邊，基本上係全隻龍蝦肉都響度，啖啖肉，夠彈牙，面層還有一層海膽，好像龍蝦膏一樣，放在一大碗飯上面，夠晒二人份量。最後還有時令魚-磯燒鯖魚，一大條，非常濃郁的鯖魚魚香味，平時要唧好多檸檬減少魚腥味，但呢度因魚夠新鮮，完全唔唧檸檬也唔會腥，反而有魚的鮮甜味。最後還有甜品，係朱古力心太軟配雪糕，驚喜地還有一個烘熱了的牛角包，這個配搭太妙了，原來三樣一齊食係咁夾。

近日見朋友介紹灣仔有一間小本經營的餐廳，聽了朋友介紹後決定同另一對情侶朋友去試晚餐，因為本人有少許唔鍾意連鎖式集團的食物，就決定去嘗試下小鋪餐廳， 始終小舖餐廳有佢自己嘅特色美食。雖然餐廳在巷仔裹，但好容易畀的燈籠吸引，餐廳叫《叁嵐日本燒鳥串燒居酒屋》入門第一眼就發現兩邊牆身放了大堆日本酒樽好似置身在日本居酒屋一樣環境舒服好似家的感覺，另外有兩隻貓店長好鍾意周圍走，餐廳點餐要到收銀處之後侍應會送餐過黎不收額外加一服務費，最後用完餐後需要盡量自行收拾餐具係指定地方。2對情侶叫了MAIN SET$298×1，少許串燒，少許小食：黑松露煙肉沙律 味道同一般沙律一樣都係用佢嘅沙律醬調味。唐揚炸雞軟骨 味道適合，唔會偏鹹。火焰酿蘑菇 味道芝士配合得好不會過鹹，感覺新鮮灼燒鳗鱼飯 味道不錯，可惜太過淋啲飯如果乾身就會好味啲。朱古力心太軟配雪糕 味道值得推介心太軟，不會整得太過火有流心， 雪糕配合得不錯，值得推介牛角包鬆脆。小食和風炸魷魚鬚 味道不錯，不會炸得太過火 ，金黃色 鬆脆香口。糯米釀無骨雞翼 味道不會過鹹適中，糯米飯剛好不會太濕。串燒（原味) 整體味道平均，食物新鮮，不會過鹹 ，火候剛好