莎樂美餐廳

营业中

休息中

每次路過都想入去，今日終於如願了，環境係比較舊式嘅西餐廳，每張枱都放咗一個小花瓶，入面裝住嘅係新鮮嘅花，好有心思，剛好係午餐嘅時候，因為今日落雨所以唔使等位，入去就叫咗兩個鐵板餐，一個係帶子伴美國雞扒，一個係串燒大蝦皇拌莎地亞雜扒，然之後侍應就開始上菜，先上兩個餐包，再來周打魚湯，之後就開始來主菜，帶子伴美國雞扒，份量超多，底部配有薯菜蕃茄，大大塊雞扒，之後侍應幫手淋上醬汁，醬汁遇上鐵板渣渣聲，好療癒，串燒大蝦皇拌莎地亞雜扒，份量仲多，有大蝦有豬扒有雞扒還有火腿，而且每塊扒都好大，肉質鮮嫩，性價比真係超高，再來兩杯飲品，兩個雪糕，呢個午餐真係超抵食。

從餐廳門口就可以睇得出呢間＂莎樂美餐廳＂歷史悠久，係一間懷舊西餐廳。一踏進餐廳，立即好似進入時光隧道一樣，時光倒流到八丶九十年代。聽到播緊張學友的歌，裝修陳設全部都好有懷舊氣氛，綠白色格仔地磚，呢度有兩層，上層坐位比下層多。燈光比較昏暗。午餐餐牌的選擇唔多，只有幾款。當日點左越式札肉雞絲炒飯＄50丶串燒大蝦皇伴莎地亞雜扒＄64，兩個都係套餐，包一杯飲品丶餐湯丶仲有雪糕，非常經濟實惠。份量十足，保証一定捧腹而回。我選擇飲周打魚湯，配經典麵包。周打魚湯有一塊梳打餅，而且好多西芹。炒飯好大碟。鐵板餐亦都好大份，有雞扒丶豬扒丶串燒蝦丶薯條丶火腿⋯⋯份量驚人。甜品永遠都係一款，就係一球朱古力雪糕。

今日(27-12-2019 Fri)晏晝,老公話想今晚嚟鋸扒,於是放咗工走嚟.咁啱地下有枱卡位客埋單,我哋就坐呢張.呢次應該係我第一次喺地下坐,地下嘅環境光猛啲同闊落啲.睇完menu,我決定要$150.00嘅薯蓉焗海鮮大會餐,老公要$135.00嘅鐵板雜扒餐,大家都要周打魚湯.湯同餐包到嚟喇,餐包都幾熱同軟熟,周打魚湯仍然幾杰,舀起飲,發現有好多蔬菜,真健康.等咗10分鐘,我嘅薯蓉焗海鮮大會到嚟, 燶邊薯蓉脆卜卜,好得意,而焗海鮮係有加芝士焗,材料有兩隻青口,蝦,魷魚仔;一隻帆立貝,蜆肉,幾隻蝦仁同魚柳,成個味道鹹淡適中,都好舒服,呢個我食唔晒,就算老公都有幫手食啲.而仍嘅鐵板雜扒餐好耐至到,成座山咁高,有啲驚會跌落嚟.食物有全隻雞翼,腸仔,火腿,豬扒,雞扒,牛扒同薯菜,同20年前冇乜分別.由於我太飽,根本冇能試,而老公都好好食力,佢食得晒.餐飲我哋要熱檸水同凍檸茶,我嘅熱檸水又有啲澀喇.雪糕方面,今次係朱古力味,有啲脆朱古力塊,好味.服務:明顯好咗好有禮貌.上次喺呢間食嘅食評: https://www.openrice.com/zh/hongkong/review/%E6%98%AF

呢間係幾出名既荃灣扒房，所以是日就同朋友慕名而來。餐廳保留住懷舊既裝修設計。朋友先到，不過店員要求齊人先上得去坐，原先安排左4人枱，後來卡位有位，所以就轉左枱，甘就坐得舒服好多。甘同朋友一人點左一個是日晚餐A餐即蒜蓉牛扒。先上左餐湯，我揀左周打魚湯，湯其實幾多料，好似紅蘿蔔同西芹甘，仲有一小塊魚，但好離奇咁有一塊疑似梳打餅或酥皮既野，同朋友都好一頭霧水，其實湯本來幾好既，但因為果塊不知名野都幾影響整體食感。然後跟餐有個沙律，個沙律一黎我完全估唔到，居然有甘多生果，通常食親都係菜沙律多。沙律除左上面啲生果，仲有一個好多沙律醬既沙律墊底，入邊有西芹紅蘿蔔同薯仔，覺得呢個沙律都幾港式同好小朋友口味，真係好多年冇食過呢款沙律。可能人大左，所以我唔太中意食呢種沙律。到主角蒜蓉牛扒，講真黎得呢到當然會對扒有期望啦，點知食完都幾失望。可能因為係餐關係，原來唔係鐵板上架。扒兩大塊真係好大份量，不過質素就真係差左啲，先唔講肉質，而係食物溫度問題，扒同薯菜都凍既。。。側邊啲伴菜更加唔洗講啦，係冇味加凍，果蒜蓉汁亦冇咩味。真係好令人失望。估唔到最後有彩蛋，果朱古力雪糕真係為成件事加左唔小分，雖然我唔太食朱古

今晚和老公選擇西餐作晚餐，選擇了歷史悠久而味道都保持水準的莎樂美。我叫了一個西冷牛扒，七成熟，和羅宋湯。羅宋湯熱辣辣，而雜菜的料很充足，十分好味，十分推介！西冷牛扒明明叫了七成熟，卻是上了三成熟。告訴了侍應，他立即幫我將塊扒拿入廚房再煎過。牛扒肉質很冧，很入味，真是大件夾抵食！套餐附送咖啡奶茶，而凍飲不用加錢。套餐亦附送雪糕一球，非常抵食！可惜我覺得衛生仍有待改善。事緣在我們吃雪糕的時候，有個侍應在我們附近剪指甲！！！雖然有一米多的距離，但這關乎衛生的問題，怎可能在乘客面前剪指甲呢？十分嘔心！

呢間扒房荃灣好出名，攞位係需要人齊先可以入座而且呢間吾會需要限時，所以坐得耐之餘又可以同朋友吹下。我地幾個人每人叫吾咗同既餐，什扒餐，西冷牛扒同雞扒餐什扒餐味道吾錯，入面有雞全翼，雞扒，豬扒，牛扒，火腿加腸仔，份量好大雞扒好香又厚，一切開重有雞油流出雞全翼好大隻, 牛扒吾會太薄，而且一入口有香香既牛味，口感新鮮之餘有又肉汁重點係配上燒汁，燒汁味道比較鹹，配肉重可以中和鹹味。什扒餐係超大份之餘，食完係超飽~~西冷扒五成熟，切開入面扒超多肉汁(五成熟岩岩好，完全鎖住啲肉汁，又吾會令啲肉老)雞扒雖然好普通，但本身雞味重之好重之餘，廚房煎得兩面都好香，雞扒本身有肥膏，所以好多汁最後上甜品，每人一杯朱古力雪糕，呢杯雪榚入面有一粒粒朱古力粒係入面，好好食

見今日有時間，就同個同學出黎呢度食飯。其實呢間野都食過好幾次，味道都唔錯。而且個鐵扒餐lunch賣既價錢都幾合理，有時間都會黎呢度體驗一下懷舊既扒房既美味。呢間舖就無乜燈光，真係夠哂懷舊feel。羅宋湯幾鍾意飲呢度既紅湯，因為呢度既湯茄味好夠。而且真係有舊牛肉個湯到，因為正宗既羅宋湯係咁整架。而且佢地加左小小辣椒仔，飲落去更添惹味。而個餐既餐包都暖暖地，加上軟滑既牛油更美味架。黑椒牛柳餐個份量其實都幾多，只係友人既雜扒餐份量還要多。個牛柳其實都唔錯，已經算幾有肉味同好juicy。而且無乜野可以奢求，而個黑椒汁就惹味相當。而個配菜就係普通既薯條，遺憾既係，只係比我手指還要幼既薯條。但整體上都算唔錯，個份量呢個價位真係好。朱古力雪糕呢個做甜品已經算唔錯，有個甜品作總結。為呢個午餐劃上句號。整體上都ok，服務都算幾有禮。價位都算幾合理。值得一提既係，我杯凍咖啡比平時既酸，佢地好樂意同我換杯凍奶茶。

莎樂美，是荃灣老牌扒房。對上一次食，是和一班中學同學的午餐懷舊派對；今天，是和老婆來的晚上鋸扒。很傳統的舊式扒房，跟花園餐廳差不多的燈光格局。連招牌也是廚師在做鐵板餐。侍應服務只是一般，好聽一點是一副久經戰陣的樣子…餐牌其實很多選擇，最後兩人決定一鐵板一咖哩飯，兩樣都試下。先叫了一客鐵板莎樂美什扒餐配肉汁，這裡的扒餐，轉黑椒汁竟要加$3，我都係第一次見，到底值唔值$3？今次唔試了，留待下次吧。餐跟湯和餐包，點了羅宋湯，夠濃味也夠辣，菜也足料，蕃茄、青椒、洋蔥都有，算是不錯。餐包夠熱，也足夠熔掉牛油。什扒鐵板異常大碟，一個人應該未必食得晒。腸仔、火腿、雞翼、牛扒、豬扒、雞扒，是真正什到唔什的什扒。鐵板肉汁夠濃也夠味，但就略嫌少汁了點。腸仔、火腿正常，雞翼本身是炸過的，牛扒有點像快餐店貨色，豬扒、雞扒是整碟板最出色的，煎得香也有豬味雞味。整碟什扒沒失準，如果如此價錢份量的確是超值的。鐵板跟薯條，如果跟飯或意粉也是加$3。我地因為另叫左咖哩飯，所以這個加了意粉。意粉令人失望，凍 + 碎，送都未必想要，更何況要加$3。咖哩牛舌飯不錯，咖哩汁很香，撈飯一流，配菜有蕃茄、青椒、洋蔥，但唯獨欠了薯仔

o係fd介紹之下來食o左餐叫o左個set西冷牛排@五成熟平時好少叫咁生又ok喎...我叫五成，佢真係俾五成，舊肉好大塊中間紅仆仆，林林地，肉汁鮮嫩紅酒雞排1st impression: 個皮煎得好香脆!!雞肉嫩滑，淡淡肉其他component:餐包應該係自家制，好鬆好軟包甜品(雪糕)、沙律唯一麻麻地o既係個餐湯，俾得七八十蚊，quality未到家，忌廉湯唔夠香濃，味道略廉偏淡，服務態度一般，侍應講野都幾大聲，雖然知道係佢地o既習慣，不過都唔係咁好

之前已經食過莎樂美,今次帶愛好鐵板的媽媽來試試餐廳有二層,一入去,被下層侍應叫上樓上上到去又被上層既侍應叫落樓下,被人點到陀陀擰@.@終於安頓好,是次點了二個鐵板餐$43: 1)帶子拼雞扒配白菌蒜蓉汁 2)大蝦皇拼什扒配肉汁1)帶子拼雞扒配白菌蒜蓉汁羅宋湯:個人點了羅宋湯,味道十分濃,但又不會過辣或過鹹,不錯主菜:白菌蒜蓉汁相對起肉汁味道偏淡,可以說只有淡淡的蒜蓉味與雞扒未能做到相輔相成,但汁是固定的不能改至於雞扒除了大真是無特別可言,眼見只有二大塊雞扒放在鐵板上雞扒沒有鮮味,局部地方還不夠熟帶著淺淺的粉紅色和丁點兒的血水一山還有一山低-正是萎縮的帶子一眼便看出是急凍的帶子,當然沒有鮮味,放落口好像爛泥般的質感粗薯條吸收了汁是此餐中最為可口之物還有一點要投訴是塊鐵板-擁有一條長長的裂口令我切雞扒時,成塊鐵板郁下郁下不但做成不便,還有衛生的問題!!拜託快換了老化的鐵板2)大蝦皇拼什扒配肉汁周打魚湯:湯上放了兩小片梳打餅,與白湯出奇地配合湯內有小小的魚粒帶起整個湯的鮮味,而湯亦沒有重重的忌廉味主菜:此餐包含了:巨型豬扒雞扒各一,普通腸仔和火腿各一,大(頭)蝦皇一隻豬扒顯然比雞扒好味,至少是