奇樂香辣雞煲 (已結業)

火鍋店成行成市，若要討得大衆歡心，材料新鮮是必然，湯頭有特色亦是當然，如果食材上乘更是超然，當然，一分錢一分貨，別奢望人均消費二三百可吃到揀手本地肥牛及海鮮！已經活了人生多個十年的我，現在絕對慎用quota，要quality 唔要quantity! 寧願價錢高啲都要質素好。年初到過奇樂一次，至今依然回味她的椰子雞煲，近日知道她有新款式－韓式泡菜芝士雞煲，是早前旅遊節目介紹過的首爾新興食品，正合心意，於是動員，約了志同道合的，來一頓初秋韓鍋。是半個樓上店的奇樂，入口在山林道中段，走上樓梯方到食堂，以紅白色為主調，沒有甚麼裝潢值得介紹，就是整齊簡潔，亦已足夠。新登場的韓式泡菜芝士雞鍋，設計深思熟慮，配合食品之特性，一套三款，主場當然是用泡菜丶燈籠椒及祕製配方的湯頭，滾煮著半只嘉美雞，用無火電爐煮著，貴為第二主角的半溶芝士分開上，以獨立煎板煮至溶化及保持溫度，另上一碟泡菜，可以淨吃或加進鍋內；這樣做，可以保持各款食品最佳狀態，亦可隨個人口味調節份量，值得一個 like！ 湯頭，是預期中的橙紅色，開蓋散發出期望的泡菜香，入口果然有辣椒度，燈籠椒的功勞不少。嚐一件雞，斬至大大件，每件有皮有骨有

雖然日間還是那樣熱辣辣，但涼風緩送，撲面而來。早晚氣差已經透露一個訊息－－秋季正式來臨。不計什麼節氣的傳統定規，以自身感覺出發，確是需要帶件薄外套出門的時分。踏入秋冬，暫別半年左右的火鍋局、烤肉局及雞煲局等再次湧現。說得如火如荼，也不要讓其無聲無息間消音，快約為妙。　　數月前初嚐的奇樂雞煲為我們的雞煲篇掀開序幕。之前跟友人來過，貴就真會貴，但味道、質量、服務及環境也算值回票價。一直未有再回來，只因上年秋冬季時食滯左，也無意打邊爐食雞煲。這次上來，明明是平日晚上，人流卻比上次多得多了，七八成滿座。放眼看去，大多是剛下班還穿著西裝，一大班跟同事一齊來的上班族。　　餐牌項目琳瑯滿目，新口味新食材五花八門，要選定真有點難度。店方推薦新推出的韓式芝士辣雞煲，說每日只限五份左右，剛好正中我們韓飯的心。不過事先說明沒有辣度可選，而且是為符合港人口味而微調過。聽罷就有點心大心細，到底要試，還是選其他款式？結果我們還是韓飯。話說回來，想要消暑竹蔗茅根，在奇樂Facebook專頁讚好、打卡及分享食物相片即可獲一杯。　　小食每碟$10，又是熟悉的花生，連續幾日吃飯都有花生食。到底箇中原因何如？難道我的樣子真

今日同相識多年嘅好友慶祝生日, 我地三個由細玩到大, 以前放假星期六日就去露營, 一齊參加童軍, 亦試過係天氣如四季嘅飛鵝山露營, 夜晚凍到打冷震, 懶得煮飯就打邊爐解決, 嗰時開始決定每逢生日就打邊爐慶祝!!  餐廳只選用本地新鮮雞, 絕對唔會用冰鮮雞, 雖然價錢相對較高, 但係香港做QC點都好啲, 食都會更安心 6:00pm 黎到已經有幾位客人, 裝修簡約, 牆身以黑白色為主, 座位較疏落, 坐得好舒服!喺等緊朋友期間, 附近客人點嘅雞煲香味已經直入我個胃, 我快暈啦, 朋友幾時先到><各款雞煲都可以選擇唔同嘅雞, 有嘉美雞, 粵皇雞, 泰安雞...由瘦至肥咁排, 亦有香港bb雞, 唔係因為佢細隻, 而係因為肉質比較嫩, 先有呢個名 除左雞煲, 如果朋友淨係想打邊爐, 亦有冬瓜瑤柱豬骨煲, 只係68蚊 German Pieroth Blue Bahe $338依家做推廣, 嗌一支酒送桶蠔set  食火鍋都可以慢慢享受, 有紅白酒選擇泰式雞煲$238 (3.5/5)出面好多雞煲都係麻辣, 我個人就好怕麻嘅感覺, 令嘴唇舌頭麻痺, 好似會試唔清楚其他食物嘅味道,

近兩日天氣轉涼，春雨紛紛，最宜三五知己聚一聚，滾一滾，暢飲一番。為添點新鮮感，特意挑選一間從未去過而又有特色主題的火鍋店：奇樂香辣雞煲。火鍋店裝潢格調悠閒，有點似咖啡廳，部分牆身餐椅用上鮮紅色，顏色甚為搶眼奪目，亦增加了時尚感。見名知意，比火鍋店以雞煲聞名。餐桌紙上亦印有香港養雞業的歷史及餐廳供應的鮮雞簡評，邊吃邊增進冷知識。簡單來說，餐廳有四款新鮮雞供應，分別是嘉美雞、粵皇雞、泰安雞及香港BB雞。依據店員介紹，全部鮮雞皆產自本港，雞齡約九十日大，肥美度依次增加。湯底方面同樣有四款，分別是麻辣雞煲、椰子新鮮雞煲、鮮雞冬瓜粥鍋及冬瓜瑤柱豬骨鍋，鮮雞湯底任意拼選。因同檯友人不嗜辣，最後點選了椰子新鮮雞煲配香港BB雞作是晚湯底。椰子湯與鮮雞分開端上。椰子湯底顏色潤白，以椰青水及椰奶作主要食材，味道清甜，椰香撲鼻。香港BB雞以紹興酒及杞子醃製，賣相新鮮肉滑。店員先把椰子湯煮滾，再放下鮮雞大火煮上數分鐘，再熄火焗上十分鐘即成。為保品質，店員更用上計時器計時，製作考究認真。因BB雞相較其他雞種肥美，烹煮後的湯底留有少許油份，份量可以接受。雞件雞香鮮味濃郁，肉質腍滑，尤其是雞脾部分，十分滑溜可口，值

積積埋埋，今年都食咗唔少雞鍋，上品花雕雞鍋、鮮人參藥膳雞鍋、椰青嘉美雞煲、黃金芝士雞煲……等等，不得不佩服當中層出不窮嘅創意，只要肯動腦筋，創意無界限。一向喜歡試新嘢嘅我，從食友嘅食評得知一款「鮮雞冬瓜粥鍋」，清甜下火，就帶同老婆及朋友拜訪，一嚐「奇」味 。位處山林道近尾嘅奇樂香辣雞煲，門面大大個霓虹燈「奇樂」二字，好易認。餐廳環境有點點似飯堂 ，粗獷水泥地，木枱膠椅，可謂無乜太多餘嘅裝修，但乾浮企理，而且設計窩心實際，如餐枱下有充電器，樓梯口有多組衣櫃，就連冷氣也刻意調低少許，不怕一邊吃一邊冒汗啦！如果你喺怕凍之人，餐廳又有披肩供應，心思處處 。餐廳嘅口號就喺「食雞煲一定係食隻雞」，故此，佢哋主打3款鮮雞：泰安雞、嘉美雞及粵皇雞，重點均在於油脂少、雞味濃、無添加餵飼 。3張點菜紙分門別類，包括牛肉、其他肉類、丸類、餃子、海鮮、瓜菜、豆品、粉麵……等等，最有趣就連小食、串燒都有，但唔知會有幾多人會嗌。 麻辣青瓜、脆炸花生 $8餐前小食，合共先收$8，都喺像徵式收費，青瓜醒辣爽脆，花生鹹香甘脆。 竹蔗茅根 $48除啤酒、汽水以外，自家製嘅竹蔗茅根或洛神花都喺上佳嘅健康選擇，揀