遊園

营业中

休息中

呢間餐廳比較隱蔽，喺路面行經戲曲中心，要經條大斜路行上一層先見到，如果你以為喺呢啲地方食嘢一定貴價唔飽，咁就錯喇。我第一次就係為咗佢好出名嘅芫茜湯麵嚟食午餐。好滿意，今次就同朋友嚟試晚餐！七味金磚豆腐調味適中，唔會太鹹太濃味，豆腐夠滑又有啲脆口。文昌雞煮得夠入味之餘雞肉又夠滑。梅菜蒸菜心梅菜味道剛剛好不濃不淡，令到菜心都好惹味。芫茜湯拉麵呢款招牌菜當然要點啦，佢啲芫茜夠曬多又新鮮，成碗湯都係綠色嘅，好夠味，我連湯都飲曬！飯後叫咗幾個甜品全部都好出色。下次想食芫茜一定會諗起呢度😆

係戲曲中心欣賞完粵曲後落去「遊園」食返餐飯！裝修上同戲曲中心融為一體！菜式上都好多元化。今晚食左8樣嘢連埋甜品第一道「焦糖菠蘿西班牙🇪🇸黑豚叉燒」，叉燒係半肥瘦再用焦糖去燒制🍖，同埋每舊叉燒中間加塊菠蘿🍍，用菠蘿🍍嘅酸甜味去中和返焦糖同埋叉燒嘅油膩，十分好食😋「姬松茸燉水鴨湯」，飲落清甜不油膩，鴨肉🦆鮮嫩！燉湯材料會另上。「辣子雞」，如果食得辣🌶嘅你或者你係鍾意食勁辣🌶🌶🌶嘅就啱晒啦，呢個辣子雞🐓雞肉外脆內嫩，每件雞都非常香辣！「濃湯酸菜龍躉球」，一般酸菜魚係用草魚去做，但遊園用龍躉球製作，肉質非常鮮味嫩滑，再加埋酸菜麻香香味口感一流🫠「金牌燒鵝」，食落去皮脆肉香，食完齒頰留香。「梅菜蒸菜心」，呢個家鄉風味係用醃製過嘅梅菜咸味🧂提升配搭清脆嘅菜心，清新口感！「台山手工黃鱔煲仔飯」，廚師悉心將黃鱔肉切碎，將肉同飯撈勻一齊煮，食落每啖飯都會食到黃鱔肉。「桑寄生蛋茶」，配有蓮子紅棗，每啖都有甘甜味，落材料同足心機時間去製作，值得一讚！👍🏻總括比分係有4分，真係最值得一讚係個焦糖菠蘿西班牙🇪🇸黑豚叉燒同桑寄生蛋茶真係可以一試。

🎭戲曲中心都有美食！夜晚時段都有好多人啊🌙呢間「遊園」重現《牡丹亭》中《遊園驚夢》明媚春光亦真亦幻嘅感覺，餐廳提供精緻粵菜饗宴🍲🍖　焦糖菠蘿黑毛豬叉燒　🍍表面有酸酸甜甜菠蘿蓉、中和返西班牙黑毛豬嘅油膩感，叉燒半肥瘦超厚肉好入味！🍲　姬松茸燉野生水鴨湯個湯好清無油份！鴨味超級濃郁！散發著陣陣香噴噴嘅姬松茸味道～仲可以食埋湯料！鴨腳同鴨肉都燉到好軟腍～🌶️　四川歌樂山辣子雞🍗🍗四川辣嘅炸雞！辣子雞外脆內軟，超級辣啊🥹辣到好刺激辣到喊！食開五小辣同十小辣嘅話食咗一啖就要爆飲水😂　食完成個咀都麻哂🤣🍲　濃湯酸菜龍躉球🐟超大盤酸菜魚！裡面好多餡料啊：有龍躉魚球、魚肉厚得嚟夠嫩滑；透明寬粉入口即化；大量酸菜味道好開胃唔太辣丫～🍗　遊園明爐燒鵝每日新鮮明爐烤出嘅五斤半黑鬡鵝，外皮烤得色澤油亮，鵝肉肉質軟腍味道濃郁，配上自家製作冰花梅子醬，超級惹味！🥬　梅菜蒸菜心用上蒸籠上嘅梅菜蒸菜心，菜心每條好粗大又夠滑身，表面梅菜酸酸甜甜味道好夾～🍚　招牌台山黃鳝煲仔飯煲仔飯仲有飯焦咖！煲仔飯粒粒分明好有口感，仲有一絲絲黃鳝好惹味！🥚　桑寄生蓮子蛋茶食完成餐飯梗喺食埋甜品先走啦！中式甜品當中養生系列之桑寄生蓮子蛋茶