Casa Pennington (已結業)

同好姊妹慶祝生日，食豪啲都唔介意，於是揀咗呢間西餐廳試吓。之前睇過食評都知唔係平，不過勝在畫師會喺甜品上面為客人畫畫，而且食物質素都高。當日有幾款生蠔係半價，所以我哋每款叫咗兩隻。由於食蠔，所以我就叫咗杯白酒，另外之前上網睇到有人介紹佢哋有個蠔湯，我見幾特別而且第二度未必有機會飲到，所以亦都叫咗一碗，而味道的確唔錯，鍾意食蠔嘅人都會鍾意呢個湯。主菜方面我哋叫咗個澳洲M5西冷扒，四百幾蚊得三件仔，雖然好食但係實在貴得太離譜！另外叫左一個海膽蟹肉寬條麵，呢個二百零蚊嘅價錢我覺得可以接受，加上味道唔錯忌廉汁好creamy，一個人都食得晒!(即係份量唔多🤣)最後甜品我哋叫咗個梨撻，由於打電話嚟訂枱嘅時候已經同餐廳講咗朋友生日，所以想畫畫，而畫師真係好用心去畫，因為我只係話俾佢聽我朋友鍾意嗰隻公仔，而畫師竟然自己上網搵，呢個真係超讚👍🏻👍🏻，除咗畫工要讚之外，其實個梨撻都非常好食，而且仲另外喺我隻碟畫左隻細細嘅公仔（雖然裏面嘅字串錯左🤣🤣）。

環境衛生各4：高級餐廳格調，偏暗，又有柔和英文歌音樂，周圍非常乾淨，所以畀四分。服務5分：侍應生非常殷勤，每次食完都主動換碟換刀叉，非常整潔，滿分。味道5分：1)     免費送嘅橄欖有黑色同綠色，兩種顏色一樣都係冇咗粒核，非常之細心，非常簡單就可以食到，唔使理粒核，橄欖油浸住感覺非常之健康。2)     生蠔睇住佢即叫即開，冇花假，每隻都好肥好鮮好甜，買一送一果下先抵。3)     燒虎蝦沙律有兩隻大大嘅虎蝦，用香草醬汁一齊燒過之後非常之香，虎蝦多肉之餘都算彈牙，配上幾款不同嘅新鮮沙律菜，食落非常配合。4)     西班牙黑毛豬上枱時，塊黑毛豬有成隻手板咁大，非常之厚身，睇落應該唔止成吋厚，但食落非常之煙韌，好有肉汁，同好香嘅豬扒味，配埋啲雜菜，包括有意大利青瓜，法邊豆，蕃茄，細薯仔，粟米仔同原條紅蘿蔔，又好食又好睇，所以畀五分。5)     甜品梨撻好大份，用左兩隻梨開邊烤出，個酥皮超脆，最正就係Ｄ梨好夠熱，又甜又爽。抵食4分：高級西式餐廳主動提供免費水或暖水，值得加分，部份生蠔買一送一，塊黑毛豬真真物有所值，所以畀四分。

銅鑼灣既Casa，聽朋友介紹食海鮮好出名，今次趁朋友生日就黎試下。呢間餐廳既新鮮生蠔都非常出名，有10幾種唔同國家既生蠔比客人選擇，而且仲有買一送一優惠。叫左Black Pearl同Mermaid。新鮮爽口，有淡淡的海水味。美國Rib Eye 10oz我們點了7成熟既Rib Eye，肉質嫩滑而且多汁，中間仲係粉紅色，就咁點海鹽已經帶出牛扒既鮮味，而且份量十足。其實本身想叫龍蝦，可惜賣曬，下次要早D訂定先得。飯後甜品唔少得，叫左梨撻，即場焗製雖然要等一陣，但係值得既，因為酥皮鬆脆，個梨又夠清甜，既然個撻底做得, 6出色，不妨考慮下做埋其他生果，好似蘋果，一定好好味。

我是 Casa 系列的長期粉絲，好多朋友敍會或節日慶祝都會揀 Casa 餐廳落腳。今晚又去了 Casa Pennington。海鮮頭盤蠔 - Namibia - 來自南非。肉身飽滿肥美，蠔肉填滿蠔殼。口感爽滑，帶少少creamy。味道是3者之中最清淡的，剛好醒胃。蠔 - Tara & Gillardeau - 同樣居住法國。Tara 較薄肉，蠔味介乎3者之間，故未能令我留下深刻印象。Gillardeau 咸味重，海水味充斥口腔良久依然未退。其味雖鮮，但我覺得略為「霸道」，我還是喜愛柔和的Namibia。紐西蘭龍蝦仔刺身 - 一般海鮮拼盤都係 serve 熟食嘅小龍蝦，第一次嘗試小龍蝦刺身。龍蝦肉約有掌心般長，顏色晶瑩，口感爽嫰，帶少少黏，味道甜美，似牡丹蝦。加拿大翡翠螺 - 中等大小，螺肉彈口香甜！蘇格蘭蟶子 - 是日精選，餐牌係冇嘅！等一次食煎蟶子！廚師在蟶子上灑上調味料（我認為係七味粉），微微煎香蟶子表面，裡面還是爽嫰的。蟶子味道鮮甜，肉身中挺厚。食起來暖暖的，外熟內生。我還是喜歡中式的蒜蓉粉絲蒸蟶子！前菜 蟹餅 - 廚師好有心思，將蟹餅呈現成蟹形上碟，賣想精緻可愛！蟹餅外皮薄脆，