点心代表 (已結業)

是晚朋友比我任揀食乜，講真，食飯有時5係最重要，同朋友影下相同見面吹水先係重點。為左見到傳說中嘅蛋黃哥嘔奶，跟朋友來到<<點心代表>>一趟！叫了好多5同花樣嘅蛋黃哥，價錢5便宜，明顯食個個公仔影相價~😂😂😂順便upload下相上fb呃like黎得到呢度 就緊係要叫關於蛋黃哥嘅食品所以貴少少都5怕而茶位係計人頭既，$10/1位，飲落5錯，淡淡香的。舖面5係好大，店員亦5係好多但舖內燈光夠猛，通透！之後店員陸續送上點心...梳乎蛋蝦餃 $49樣子好晶瑩剔透，貼上可愛的蛋黃哥咀臉，吸引人一口咬下去吃落蝦蓉及豬肉比例不是平均，但味道還不錯，5會太咸。但個皮好差，好難咬開，太厚，粉太重。 蛋黃流沙包 $49個包圓碌碌，上面一樣印有好可愛既蛋黃哥樣，而個包金黃色，一篤就會漏咗d奶黃出嚟，味道還不錯，個包夠鬆軟，奶黃比較甜及充滿奶香。白兔蝦餃 $49樣子好可愛，呢個皮易咬D，可稱得上皮薄餡靚細緻考功夫梳乎蛋酥皮叉燒包 $49酥皮很不賴，皮鬆化重蛋味，內面的叉燒弄得咸甜岩岩好加上外型，全場最值得食！！後記: 講打卡係幾不錯，環境靚食物賣相吸引但講食物質素就可一不可再//

卓頭梳乎蛋的餐廳，點心整體味道也屬於中上水平，原隻帶子燒賣和梳乎蛋蝦餃也很好食，梳乎蛋酥皮叉燒飽也不錯。反而有梳乎蛋的飽類就麻麻，好睇唔好食，為了影靚相，一定會叫飽類點心 朱古力及奶王飽內的汁液太稀，偷工減料 而梳乎蛋饅頭非常乾，飽底用旺旺先貝托著，賣$39一碟，未免食水太深。茶水$10一位。對住Q板點心無疑心情也好些，偶爾試一次半次也無防。

我和男友在3個月前曾經光顧過這間餐廳，覺得它的蛋黃哥點心味道不錯，作為蛋黃哥的粉絲，當然要再去光顧。可惜的是，這次點心水準下降了很多，環境和食物質素開始不成正比，開始不值得收取這個價錢。環境方面，餐廳分為室內和室外2個區域，室內環境十分擠迫，完全不會坐得舒服，室外的枱會比較大，而且不用搭枱。枱上面有太陽傘擋太陽。上次由於晚上的關係，我選擇坐室內，今次中午來食，當然試下坐室外拉。今天陰天，天氣清涼，坐在外面不會熱，而且2人坐4人枱，真的很舒服！原本都好地地，可惜在我們正在等待甜品的期間，竟然下大雨，太陽傘完全不能擋雨，雨水弄濕了枱和椅子，真的很狼狽，最後全部坐室外的客人都選擇了離開。食物方面，我們叫了梳乎蛋蝦餃， 梳乎蛋原粒帶子燒賣， 梳乎蛋朱古力流沙包， 梳乎蛋酥皮叉燒包， 梳乎蛋海鮮腸， 梳乎蛋撻，煉奶炸饅頭和芒果糯米滋。茶我們叫了人參烏龍茶。梳乎蛋蝦餃方面，賣相一般， 梳乎蛋的樣子完全不可愛 ， 蝦餃皮太厚，但蝦肉幾好吃，整體都ok。梳乎蛋原粒帶子燒賣方面，帶子很大粒，不過沒有什麼味道，燒賣的豬肉和蝦十分美味，全場最美味的食物只有它。梳乎蛋朱古力流沙包方面，包皮又厚又乾又硬又沒有味

終於同朋友夾到時間黎點心代表呢度食蛋黃哥的點心了，好開心～有時星期六、日經過都好多人等緊位，今日當然唔例外，差不多半小時左右先入座，不過為了蛋黃哥，等一陣都值得了。雖然有很多點心都想食，但我們最後都挑選了蛋黃哥的朱古力流沙包、蝦餃同蛋撻，還叫了一壼玫瑰普洱茶，準備飲啖茶食個包。好快玫瑰普洱茶就黎到，飲落茶都算幾香幾滑，但就沒咩玫瑰味。飲飲下茶蛋撻首先登場，哇～好可愛啊！好似有隻太陽蛋造型的蛋黃哥放左係蛋撻皮上面。呢個撻係牛油皮，香甜脆口，勁有牛油味。蛋就唔係咁甜而且又滑。最後黃色部分原來係芝士令到成個撻有啲鹹鹹地，味道都幾豐富。而呢個黃澄澄，圓滾滾，十足十是蒸熟左的蛋黃，其實是蝦餃。蒸的時間剛剛好，蝦餃皮薄又煙韌，蝦肉爽口彈牙，好食。壓軸出場就是我期待已久的蛋黃哥朱古力流沙包。包係蛋黃哥的造型，熱乎乎，軟趴趴咁，真的好想篤篤佢。呢個包最有趣的地方就是係蛋黃哥的臀部開一個洞，之後用力吱蛋黃哥，咁個洞會流出朱古力，就好似......嘻嘻大家明啦。食落個包又嫩又軟，朱古力香甜，中式包包朱古力涵都幾夾幾好食。但我略覺得蒸得唔夠，因其中一個流沙包流得唔夠順。

因為女朋友鍾意試新野，而我自己亦喜歡飲茶,依間蛋黃哥點心店直情係為我地而設，去到拎左飛冇耐，下一個輪到我地既時候，我地見到入面角落有個吉位，但係竟然等成分鐘都無一個侍應去帶位，甚至問佢地幾時有位，得到既回答係：答唔到你，客人幾時交枱我都唔知～OK,fine 我明佢地都要照顧下冥世既客人既🙈過多分幾鐘，終於有侍應帶我地去果張吹風多時既冷板凳，行到去迎接我地既竟然係一粒西蘭花，都算，叫左六碟點心一杯野飲一壺茶一個甜品，賣相係唔錯既，一個籠入面三粒蝦餃可以放到少左粒咁，一個奶凍可以唔比匙羹我地食，最接受唔到係收茶介一位$10既茶可以係唔熱既～個人認為一壺茶送到客人手上之後倒出黎會出煙先係一壺合格既茶，結果係冇煙同偏凍，一間點心店最Standard既茶既品質都搞成咁，包身硬蝦餃皮厚果D更令我大失所望，作為創意食店，我覺得值得一試，但要食品質，我建議你食其他點心舖了~

近來最人氣爆燈的莫過於蛋黃哥，雖然香港採立的譯名為梳乎蛋，但我還是喜歡蛋黃哥之名，十分貼切其懶洋洋又有些「寸」的表情！ 蛋黃哥在香港已經開了三間主題餐廳，日前有朋自遠方來，留學時的朋友初次到香港旅行，記得我留學時大力推介香港必食廣東點心，又剛好知道在尖沙咀開了一間蛋黃哥的主題點心店，所以我們三個小女生是日一起到THE ONE找蛋黃哥飲茶～ 蛋黃哥點心餐廳的熱潮不算強勁，週六的中午只需等約20-30分鐘便可用餐。點心餐廳內到處都遍佈蛋黃哥與點心的特別裝飾和掛畫，很可愛！我最喜歡當中蛋黃哥坐在蒸籠那幅！ 以蛋黃哥造型作賣點的點心比預期多，當中包括了多款為人熟悉的廣東點心，燒賣蝦餃等一應區全，茶芥方面點了玫瑰普洱茶 每位$10，頗清香。 是日午餐以吃蛋黃哥點心為主，第一款是梳乎蛋蝦餃 $49。黃色的蝦餃皮上印有蛋黃哥的樣子，三張懶洋洋的面孔朝著同一個方向，小巧的蝦餃一口便吃完，不過蝦粒餡料都算足料，只是略嫌蝦餃皮太厚。然後是梳乎蛋蛋撻 $39。應該是當天所點多款蛋黃哥點心中擁有最可愛賣相的一款，有點像太陽蛋，然而出色的賣相不代表味道有相應水準，牛油撻皮明顯不夠脆，整體質地軟腍，中間的蛋

今天晚上我和男友去這間餐廳朝聖，晚上6:30分左右到達，都已經有人排隊等位，等了大約30分鐘才入座。我們叫了梳乎蛋煙肉五殼炒飯，梳乎蛋流沙包， 梳乎蛋蝦餃， 梳乎蛋撻， 梳乎蛋雞蛋布丁，震騰騰奶凍，人參烏龍茶。原以為主題餐廳的食物的味道應該一般，但這間的食物很美味。賣相方面，梳乎蛋的點心，甜品都很可愛，全部都有梳乎蛋的圖案，拍照一流^_^味道方面， 梳乎蛋炒飯幾好吃，原以為五殼炒飯應該味道一般，但炒飯比想像中好吃，熱騰騰，炒飯幾乾身。梳乎煎蛋很特別，而且是流心的，又很美味，very good！ 梳乎蛋流沙包方面，上碟時熱騰騰的，果然是即叫即蒸，流沙包內的流心奶黃很美味，和包一起吃很好吃。梳乎蛋蝦餃方面，蝦餃賣相一般，和原圖有小小出入，而且蝦餃內的餡不是原隻蝦，是蝦肉製成的蝦球，但蝦餃都很美味，有蝦味，都算是皮薄餡靚。梳乎蛋雞蛋布丁方面，布丁是芒果布丁來的，味道都ok，布丁很滑，不會太甜，又不酸，幾好吃。震騰騰奶凍是牛奶布丁來的，布丁上有梳乎蛋的公仔，梳乎蛋是芒果布丁來的，很好吃，牛奶布丁有香濃的牛奶味，十分美味！ 梳乎蛋撻方面，熱騰騰的上碟，蛋撻上有蛋黃哥造型的蛋黃。蛋白蛋撻很美味，梳

由於有一朋友是蛋黃哥（或者有些人叫佢梳乎蛋）的擁戴者，見到這crossover 佢邀我們去一齊食（至少可叫多些野食），但估不到在午餐和下午茶中間都要等一小時多才能有位，如是平時的我，一定不會等⋯//不過不得先讚這店老闆有生意頭腦，談到這授權，令不少人原本對這點心店毫無識知而來。加上又從佈置，食物設計和有紀念品賣，真的算花心思。//點了以下食物：梳乎蛋雞蛋布丁：布丁在蛋殼中，味道充滿蛋味，賣相亦吸引一些//真真假假流心布丁：原來係牛奶同芒果布丁，但最礙眼的是竟然蛋黃哥的樣子是一張透明貼紙貼在蛋殼上，真的很假。//梳乎蛋蝦堡：當我見到那油膩的蝦餅，我只好打退堂鼓，不過造型是不錯，蕃茄也算厚切和新鮮。//梳乎蛋流沙包：造型係得意的，又是最符合蛋黃哥的身份特徵的，不過是否一個好味的流沙包？我只覺得流沙較少，外皮較厚⋯//騰騰震奶凍：我覺得是少數較可取的，因為造型和味道都是比較符合主題，蛋黃哥都會無力而震震吓，牛奶奶凍都是有真正的奶味，係比較可取。//梳乎蛋蝦餃：普普通通和皮厚，加上等很久，但因較大粒，蝦都算足料。//梳乎蛋雜菜沙律：可能佢想不夠有什麼中式點心，惟有沙律加隻荷包蛋，不過如果啲菜夠