新肥泉海鮮大排檔

营业中

休息中

不嬲有去開官涌街市買凍肉但一直冇上過去熟食中心食嘢嗰晚經過見到明明街市閂咗門都仲有一堆人行上去於是跟埋上去熟食中心度望下原來上面係有幾間餐廳其中一間好多人食嘅大排檔於是就bookmark咗諗住有機會去試下嗰晚同老公響佐敦附近搵嘢食於是決定去試下佢！估唔到大排檔而家都用qr code去掃碼落單非常方便👍🏻👍🏻去得大排檔一定係要食小炒或者炸嘢第一樣想食嘅係椒鹽九肚魚但係老公最愛嘅係椒鹽鮮魷所以唔好爭喇溝埋嚟做椒鹽雙拼（$168）啦😂然後就嗌咗另一樣我大排檔必點嘅黑椒薯仔牛柳粒（$138）最後仲嗌咗個小炒王（$118）椒鹽雙拼率先上枱，非常熱辣辣！！擺落口仲係會辣嘴九肚魚好厚肉非常好味😋😋黑椒薯仔牛柳粒都非常大碟最鍾意食佢嘅薯仔脆卜卜咁有層蜜糖包住非常惹味🤤小炒王要炒得佢夠香都唔容易呢個小炒王都做得非常有鑊氣！👍🏻送飯同啤酒都一流！👍🏻其實佢除咗小炒之外仲有得打邊爐遲啲等內地啲親戚嚟香港玩時帶佢哋嚟試下先因為響高鐵站行過嚟都係十分鐘左右，十個正👍🏻👍🏻👍🏻°°°°°°°°°°°°°°°°°°°°°°°°°°°°°°新肥泉海鮮大排檔 (佐敦) @新肥泉大排檔📍佐敦寶靈街17號官涌市政大廈2樓

新肥泉海鮮大排檔，好多朋友知我鍾意食大排檔菜、鑊氣小炒就推薦俾我😌位於官涌熟食中心，咩小菜都有咁濟，主推海鮮，環境乾淨企理，好大好闊落既，連大排檔都係QR code落單😆🍻大排檔梗係啤啤佢先，好啱feel既感覺！椒鹽九肚魚，食排檔必食之一，上枱好大碟，魚塊大大舊，椒鹽好香好濃味，脆既👏🏻食落魚肉好滑，味道相當唔錯😆送酒好正，肥泉小炒皇，食排檔必食之二，好豐富，鑊氣十足🤘🏻蝦乾炒得好香好出味，魷魚又鮮，樣樣加埋係一個好好味既小炒皇✨涼瓜豉蒜炒牛仔肉，見到牛仔肉就想叫，炒得好香好入味，但肉質又好嫩好滑😋一啲都唔油，充滿醬汁，涼瓜好腍好入味，䜴蒜炒好惹味🐻勞蘇食🐻推介 —— 邪惡黃金大蝦🍤上枱已經聞到好香既咸蛋黃香，掛晒係啲蝦球上面，肉質好彈好爽，非常好味🤤點估到係一個熟食中心會有間正到咁既大排檔，環境正，鑊氣夠，超好味，愈成愈爽💕真心正既無敵小炒皇👏🏻

【氣氛一流｜新肥泉海鮮大排檔】今晚與老闆食飯啦！豪邁啲，我哋去咗官涌街市政大樓內食大排檔！比想像中爆場，好彩有提早訂位。🍺手機落單點菜很方便🍺椒鹽九肚魚炸得金黃脆口，但又唔會好多油，好好食呀！🍺菠蘿咕嚕肉咕嚕肉大大舊，汁偏甜，適合怕酸嘅朋友。如果菠蘿再多少少就好啦！🍺味菜炒牛百葉味睇佢其貌不揚，其實好好食😋味菜係咸酸菜，酸酸甜甜好開胃，牛百葉用豉汁醬爆過，索晒啲汁好惹味，而且好爽口，一啲都唔會靭，洋蔥又甜，我鍾意呢味菜！呢間大排檔好近高鐵站，啱晒成日坐高鐵嘅朋友💪🏻🚄新肥泉海鮮大排檔📍九龍佐敦寶靈街17號官涌市政大樓2樓

📍香港📍佐敦📍新肥泉海鮮大排檔📍佐敦寶靈街17號官涌市政大廈2樓熟食中心📍星期一至日 12:00~23:45第一次嚟呢個熟食中心感覺幾乾淨，系坐得比較舒服嘅大排檔。地下唔會好污糟濕笠笠☝🏻好多部大風扇夏天去都唔怕熱🌬️但女士最好紮頭髮會食得比較方便。可能太耐冇嚟大排檔，已經進步到用QR code落單😂留意翻有加一服務費。柯士甸站或者佐敦站行過嚟只需要幾分鐘路程幾方便，唔算難搵。🦄 蒜蓉炒通菜 $98最怕出街食菜太油，好彩廚師落嘅份量啱啱好亦唔會太鹹。通菜都幾新鮮。🦄 椒鹽九肚魚 $128炸漿夠薄身👍🏻脆脆嘅口感。即叫即整上枱熱辣辣好香口惹味。魚肉幾嫩滑。系每次嚟大排檔必叫嘅菜式😋🦄 金銀蒜蒸花蝦 $168火候控制得啱啱好，蝦肉唔會過老過韌🦐蝦頭仲有膏食添！粉絲索晒啲醬汁用嚟撈飯好正。好鍾意佢大量蒜蓉。🦄 豉汁蒸白鱔 $168味道非常濃郁，每一件白鱔都好入味。重口味人士會好鍾意，配白飯食啱啱好👍🏻份量都幾多四人或以上分享都冇問題！🦄 可愛BB乳鴿 $52乳鴿皮脆肉嫩，跟配蝦片有啲驚喜。細細隻過下口癮。🦄 可樂 $10買少見少嘅玻璃樽可樂。飲落特別過癮。其實仲想試佢避風塘炒軟殼蟹，黃金九肚魚

今次同友人第一次食新肥泉，位置方便，因為係閒日，人唔算多。蜜椒牛柳薯仔粒經典小炒，一口牛肉粒嘅size加埋薯仔蜜椒，炒得香口，肉質外脆內軟，送酒送飯都一流。椒鹽九肚魚炸漿夠薄，入口酥脆，九肚魚夠滑，配埋炸蒜，食指大動。醬皇燒生蠔第一次食呢味餸，真係相逢恨晚。生蠔飽滿冇腥味，配紅燒醬汁。呢個組合真係一絕，味道鮮甜，又有鑊氣，口感又好。呢次成功搵到呢個出色抵食，位置又方便嘅大排檔，下次gathering 又多個好選擇了。

去大排檔就梗係要食地道嘅港式小炒啦 😮呢晚嚟咗官涌市政大廈上面嘅熟食中心 叫返幾碟鑊氣小炒😉肥泉小炒王呢碟份量好大 仲有好多材料🦐 包括韮菜 蝦乾 銀魚仔 魷魚 果仁 同紅椒 真係夠晒豐富啊🥬椒鹽九肚魚估唔到呢碟有咁多條魚 九肚魚炸到金黃色 但魚肉仲超級嫩滑🐟 不過食嘅時候要小心啲 因為入面有魚骨㗎 如果個椒鹽味再多少少呢就正啦😂黑椒牛仔骨黑椒味道幾濃 好啱送飯食 牛肉好易咬開 唔會好韌🐮 側邊啲配菜例如洋蔥青椒都好入味菠蘿咕嚕肉酸酸甜甜嘅味道 炸粉唔會好厚 啖啖肉唔會有骨🐷 真係咕嚕肉嚟㗎 坊間其他舖頭成日都係好多骨冇肉食🙊食鑊氣小炒配枝裝汽水真係零舍夾🥤 啲店員嘅服務都好好態度 同其他呼呼喝喝嘅大牌檔好唔同呀 最開心係仲有玻璃樽嘅汽水😎

今日就同朋友去左新肥泉海鮮大排檔食野餐廳係官涌熟食中心入面, 都唔算太難揾🤣一上到去就見到新肥泉佔左超多座位, 超大間呢到既小炒整體來講超重鑊氣, 份量仲好大, 啱晒一班人飲住啤酒吹水 🍻 食物選擇都好多, 海鮮都有多種煮法除咗有牛雞豬類既小炒, 仲有得打邊爐🤣海鮮類整體嚟講都好新鮮👍我哋叫咗椒鹽九肚魚同邪惡黃金大蝦仁九肚魚炸得酥脆, 炸粉唔會太厚, 魚夠晒滑身蝦仁都大粒, 鹹蛋黃平均分怖係每一粒蝦仁上面, 夠晒邪惡🤣另外我地都叫咗豬膶啫啫鮮雞煲同黑椒野菌牛柳粒豬膶爽口而且好大塊牛柳粒黑椒味濃郁, 夠晒腍身, 而且D 菇非常嫩滑新鮮👍

朋友聚會去左佐敦寶靈街既官涌熟食中心到食大排檔🤣估唔到依到都用qrcode落單😳，仲有哂圖睇咁方便👍🏻。✨另收加一-💕 椒鹽軟殼蟹 $138👅好味指數：7.5/10上網見到佢既相有軟殼蟹就吸引左我🥰，有椒鹽同避風塘版本，軟殼蟹🦀大概有6-7件，即叫即整，香香辣辣真係好正🥹，一咬就爆汁😍，椒鹽炸蒜味都好重🥰好惹味👍🏻。-💕 椒鹽九肚魚 $108👅好味指數：7/10份量超多❗️ 九肚魚炸得香口唔厚粉☺️脹卜卜，唔多軟骨，椒鹽味都夠香。-💕 菠蘿拔絲咕嚕肉 $98👅好味指數：6.8/10醬汁酸甜味好夠，質感都夠濃稠，感覺濕潤，而咕嚕肉肉質超腍身，整體感覺有啲似中式牛柳🤣-💕 黑椒薯仔牛柳粒 $128👅好味指數：6.8/10牛柳粒質感超軟腍入味，同咕嚕肉好相似，都係感覺濕潤啲，配埋腰果有加分😚❗️-💕白飯$10

呢間熟食中心位於佐敦今次試左四款常見嘅小炒～全部份量都好多 同價錢絕對成正比！環境方面 寬敞乾淨👍🏻多人去都夠位！𓂃𓂃𓂃𓂃𓂃𓂃𓂃𓂃𓂃𓂃𓂃𓂃🍍菠蘿拔絲咕嚕肉（$98）每一嚿肉都好大塊肉嘅份量遠比菠蘿、洋蔥同青椒多！掛汁得嚟唔會太膩🍍🫑🧅🐟椒鹽九肚魚（$108）啱啱炸好嘅九肚魚外脆內軟！椒鹽味唔會太鹹～夾啲炸蒜一齊食會更正！🥔黑椒薯仔牛柳粒 （$128）牛柳份量勁多 蜜糖味頗重個人就比較鍾意薯仔😆應該係烚過再炸 所以做到明顯嘅外脆內軟！🐚招牌豉椒炒大蜆（$138）每一隻大蜆都沾滿汁冇沙 而且全開😉 如果豉椒味再重啲會更好～𓂃𓂃𓂃𓂃𓂃𓂃𓂃𓂃𓂃𓂃𓂃𓂃✎ 環境: 6.5/10 ✎ 服務: 7/10 ✎ 會想再食：7/10𓂃𓂃𓂃𓂃𓂃𓂃𓂃𓂃𓂃𓂃𓂃𓂃店家資訊✎ 店名: 新肥泉海鮮大排檔 (佐敦)✎ 地址: 佐敦寶靈街17號官涌市政大廈2樓熟食中心𓂃𓂃𓂃𓂃𓂃𓂃𓂃𓂃𓂃𓂃𓂃𓂃

又到糧尾以為今晚要捱老麥🙈🤣放工時男友話帶我上街市食大排檔，我個心又驚又喜，但都驚驚地大排檔唔太衛生⋯點知一上來佐敦呢個大排檔即刻心情放鬆哂，因為呢度都叫乾淨企理同光猛、而且坐得一啲都唔迫！枱同枱之間隔得都好闊下、完全唔會覺得環境好嘈咁👏🏼👍🏼個「開放式」廚房都好整理，起碼畀得你睇佢後鑊👍🏼🍳睇餐牌又好多野食添，都唔知點揀，咁男友就話叫得海鮮大排檔都應該要叫個海鮮既，我地就叫返支大啤、再加碟乳鴿、金錢鱔同埋九肚魚！唔肥唔叫🤣🤪🙈先黎隻乳鴿，睇黎細細隻、果然好BB🐣! 正因為佢夠BB，所以啲肉特別嫩、而且炸得好甘香又唔會過龍，啲肉仲係好多汁、一啲都唔乾！加埋支啤酒🍻、滿分💯再黎個椒鹽九肚魚真係不得了，點解我地兩丁友都咁食法！？🤣🤪但真係炸得好靚、炸粉同魚既比例好好、享受到油炸既惹味但又唔會搶左九肚魚🐟🐟鏡！仲要粉同魚痴得好埋，食落唔會好周圍跌啲炸粉！又一個完勝呀👏🏼👏🏼👍🏼不過、我都係建議三人或以上先好叫、因為實在太大份啦！再來埋個魚露煎金錢鱔🐟更加不得了，我本身係麻麻地食鱔既、但呢個煎鱔真係好值得食！因為佢加左魚露煎好香好夾、最緊要啲肉一啲都唔實、超脆！男人話因為呢啲鱔唔係食蠶豆、所以