民聲冰室

营业中

休息中

平日比較少食中菜不過今日好想揀餐廳可以送飯就諗起呢間好出名嘅蒸肉餅飯夜晚嘅大坑普遍都較為寧靜反而民聲都幾full house去到要等大概5分鐘先有位店舖環境老實講係做街坊生意得大概4-5張枱比較適合同朋友/屋企人食個Casual飯叫咗兩個餸加兩碗白飯($10碗)佢最出名嘅鹹蛋蒸肉餅外型蒸到好似座山咁🗻今日反而有啲似比薩斜塔🗼豉油係甜豉油送飯一流講返個肉餅真係好多肉我完全低估左佢嘅份量兩個人食個椒鹽豬扒未上我已經飽左肉餅鬆軟唔會好實的的加埋個汁不知不覺我已經食咗大半碗飯椒鹽豬扒又係好好食肉質鬆軟唔硬椒鹽惹味份量真係好多最後食咗兩舊飽得滯要外賣拎走如果唔係大食可能3個人都夠食下次都係唔好眼闊肚窄或者其中一個轉蒸蛋好D題外話老闆收錢好隨心幾個客都收少D齊頭數好有以前細個街坊生意感覺

同事話黎大坑一定要試民聲，今次係第一次食。午飯時間都好多人，要排隊~就算好忙老闆都好nice！JoyJoy子一行五人安排坐出面張細檯，迫係迫但為左美食冇辦法啦！本來叫蒸魚，但係冇晒叫左五個小菜，都算上得幾快~大家都清晒d野，食得好飽啊！總括而言，口水雞同蒸豆腐唔輸俾肉餅，下次可以再encall

年廿九晚放工，約了幾個朋友去開餐。要等齊人先入得，餓到扁了。好彩入到去即叫餸，都好快上枱！- 招牌咸蛋蒸肉餅外型雖然不太漂亮，但肉質鮮甜嫩滑，蒸肉餅的精髓在於用上半肥瘦的豬肉，蒸至淋身。堆成一座山去蒸，火侯一定要控制得宜，加上甜甜的豉油汁，可以送兩碗飯呀真係！（明顯晚飯的肉餅比午飯的肉餅份量多）- 炒豆苗菜，唔少得既！新鮮就好味呀！- 芝麻手撕雞芝麻夠多夠香！手撕雞都係堆到一座山咁，份量ok，肉質都嫩滑。- 豉汁帶子蒸豆腐 $62抱歉忘了拍照帶子煮得啱啱好熟，唔會「鞋」。豉汁送飯又係好好味，豆腐配上個汁真係生色不少！- 椒鹽豬扒唔夠喉再追加一個椒鹽豬扒，香口惹味。- 飲品、白飯另外計錢多幾個朋友一齊食既好處就係可以試多幾樣，又抵食啲！p.s. 原本說只吃半碗飯的朋友最後也忍不住加多左個白飯滿足了，飽肚了，去維園行返個年宵先！

平日下午2點多到民聲, 不用等位, 每人有最低消費$38, 所以就一人點一個lunch, lunch set包括一個餸一碗飯一杯飲品咸蛋蒸肉餅, 肥肉頗多, 易入口, 加上甜甜的豉油, 送飯不錯, 但細味品嘗, 肉質也不算很嫩那種, 另外, lunch的肉餅是mini版吧? 沒有像座山般肉餅塔那麼震撼嘩,椒鹽豬扒炸得很乾硬,很難咬,吾不欲吃之凍檸茶少甜了亦偏甜,很大杯,喝不完

午飯時間，和同事一行五人來到大坑食LUNCH！為食的同事介紹這間民聲冰室！她說早兩天才來這兒吃過，想不到那麼快便再ＥＮＣＯＲＥ！！由於有衛生幫掃場，今天不能開門口的枱，於是只可以等位，大約等了１５分鐘，我們五人便迫入細細的舖內了！共點了五個餸，另加個菜啦！開房式廚房，員工全部著紫紅色制服可樂係大支裝再加冰底啊！！有誠意呀下！先黎係呢個最出名的咸蛋肉餅，肥瘦比例剛剛好，而且係用上甜鼓油！呢個真係一試難忘，以我咁鐘意食肉餅，呢個都真係極高分了！誠意推介！豬扒，街坊小菜貨式，ＯＫ！咖哩雞，我只食薯仔，咖哩汁唔太辣，岩我口味～叉燒炒蛋，感覺就無乜特別，我地後來先諗，唔知點解呢隻餸反而最貴？唔通係用日本有機蛋？另外有個梅菜魚唔記得影相，條魚好重味魚頭好大，雖則我唔太好魚都覺得幾好～～聽聞呢度夜晚都有其他類別菜式，不過主打都係個肉餅；大坑真係好多野食，有機會再試埋周圍的幾間！！

其實一向都不愛吃一些絞碎的肉類，所以每次上茶樓，極少會點甚麼山竹牛肉、免治牛肉、或者肉餅之類的點心，總覺得那些肉入口像一團粉般，全無口感可言。不過聽聞位於大坑的一間開業已有 50 多年的平民冰室，其鹹蛋蒸肉餅被譽為全港最棒的肉餅之一，所以雖然本人對肉餅興趣不大，總是心思思想找天去朝一朝聖。這天早上，原本天氣預報為密雲有雨，豈料回到公司後，竟發現室外陽光普照。見難得風和日麗，決定相約友人，午飯往大坑「民聲冰室」走走。甫踏進浣沙街，視線已被一間以鮮橙色為主調，襯托著一個圓圓招牌的店舖所吸引。由於到達餐廳時已是中午一時過後，店內早已坐滿顧客，店員著我倆坐在門外一排膠凳稍等。幸好輪候時間不長，只需一會兒，店員已領我們進店內就坐。先細意看看四周環境，原來這間食肆，店裡面積頗為細小，連通道也非常狹窄，幸而室內樓底特高，故感覺上仍不太侷促。其實進店前已先看過門外地上的餐牌，知道這裡午膳時份，只得幾款家常套餐供應，選擇著實不多，不過既然我一心只為鹹蛋蒸肉餅 ($38) 而來，其他食物，就交由食友發辦好了。據說這裡做的肉餅，每日要用上接近百斤鮮豬肉，而肉與脂肪的比例約為 6:4，其製作過程則簡單地以油和

虎豹別墅，對太公來說有點陌生；因為太公比較年青. (哈~哈哈哈~!!) 小時候家人沒有帶太公到虎豹別墅玩，中學時期又只顧讀書過海機會近乎零。(需知道太公係新界人) 待到大學時，懂得去探索老香港，想去虎豹別墅一探究竟時，SORRY, 已然關門大吉。是以，今次虎豹別墅重開，雖然不見十八層地獄浮雕，虎塔變成唔多覺，背景仲有幾大幢礙眼豪宅有礙觀瞻，面貌已全非，但爛船總叫做有三分釘，總算一還到虎豹別墅的心願，兼就當與好食友們借機"郊遊"胡作非為一下，都總算樂事。既然要胡作非為, 梗係去探完虎哥同豹哥之後就落山喪食~!!!! 首先就去大家都一致讚好的民聲冰室；自從首次光顧後, 太公一直對其肉餅山念念不忘，今次有三位美女同行, 可以試更多的菜式, 更妙.1點未到, 民聲已有已有人龍. 還好, 等兩張枱已到我們, 還可以坐在室內, HORRAY~少不了的是咸蛋蒸肉餅, 民聲的這個蒸肉餅的肉很鬆化, 肉香豐富, 肥肉入口即化, 連平素不喜肥肉那奇怪滑SANSAN口感 (對, 肥肉除非是入口即化, 要咀嚼的話, 我是不吃的) 的太公也覺得好好味; 咸蛋有點流心, 配上帶甜味的鼓油和豬肉同吃, 送飯真的一流