勇記海南雞

营业中

休息中

📍勇記海南雞上環蘇杭街102號江寧大廈地舖招牌去骨泰式海南雞飯(油飯) $66-椰子雞湯今日去搵女朋友食lunch，去咗呢間好多人排隊嘅勇記海南雞。去到門口就已經有大約10個人排緊隊🥶不過好彩啲位都多，所以都唔洗等好耐🤣女朋友話係佢食過最好食既海南雞飯，沒有之一，果然冇介紹錯😋滑溜溜嘅海南雞加埋香濃嘅油飯，仲有佢地特製嘅醬汁，唔怪之得啲人食得咁快🤣至於椰子雞湯，一個字，好鮮甜！😍店員話飲唔飲到要睇你同佢有冇緣份，因為數量有限架😱呢間勇記海南雞真係冇得傾，一定要Encore!❤️#bunnytummy_港島#bunnytummy_上環#yungkee_hainan_chicken#香港foodie #食好西 #香港美食 #hkfoodblogger#hkfoodie #hkig #香港好去處 #拍拖好去處#海南雞 #椰子雞湯 #海南雞關注組

之前lunch都嚟過食佢哋嘅海南雞飯個飯好香好好味，冇油雞膩感，雞又滑又嫩如果覺得罪惡感大可以轉白飯另外重有送椰子湯或桂花烏龍茶個椰子雞湯真材實料，香甜冇味精桂花烏龍茶都好飲今次我叫咗外賣，因為lunch time實在太多人排隊試新野，辣麻醬涼伴海南雞米線好多青瓜絲，撈埋花生、蒜、辣麻醬好夾不過有少少油因為有麻醬海南雞好滑好出色如果下次食我都係會揀番海南雞飯因為有埋個海南雞醬送飯惹味d

除了泰式海南雞飯以外，其實勇記的餐牌上，還有不少其它主食及小食，就如今夜吃的－碗椰香海喇沙及早幾天吃的香辣牛腩飯，今次先介紹椰香海鮮喇沙。 上月尾食過勇記的椰香海鮮喇沙，留下不錯的食物記憶，好歌不厭百回聽，好粉也不厭百回吃，今夜便再來回味。 在鮮橙色的湯底内的配料唔少，有已剝殼鮮蝦兩隻、白魚蛋兩件、魚片頭兩件、流心蛋半隻、豆卜、芽菜及唐生菜，食客可選米線或加五元轉金邊粉，湯汁表面雖然看見不少紅油，實際上卻不算很辣，辣度應該是小辣以上中辣未滿的程度，相信大部份朋友都接受到這辣度，因此名字也強調椰香為主，今晚保持上日水準，足以令我回味。 其實我也吃過記的海南雞椰香喇沙，個人感覺兩樣都好食，但兩樣拼在一起，海南雞的香味會被濃味的喇沙湯底掩蓋，所以我個人還是喜歡吃配上油飯及三合－泰式酸辣醬的海南雞。店方主打供應的是泰式海南雞飯，奇怪地它卻只做喇沙卻不做冬陰功湯粉，相信以他的功底，應該不難做一碗出彩的冬陰功湯粉，期待日後店東開發多一至兩款冬陰功湯粉，以祭我們一眾餓俘的五藏廟。

🇭🇰勇記海南雞·呢間我哋想食好耐㗎喇 不過一路都聽講佢地紅磡店好早賣曬 所以一路都未有機會食🥹前排我地weekend去上環 就決定試下佢😌佢上環店唔算好多人 我地大概12點9去到 等咗15分鐘就有位😎不過大家都唔好太遲去 因為我哋食到一半嘅時候就聽到佢話椰子雞湯已經送晒🫢🫢😂·2人餐 $195佢呢個餐超級豐富 2人餐係有半隻雞 2碗油飯 1個粟米墨魚餅 麻辣手拍青瓜 同椰子雞湯 超級抵食🥳🥳佢既雞排得勁靚 光澤好好 而且佢係起晒骨既 食落好方面 之後佢既雞肉都超嫩 肉質好好 無論雞髀定雞胸都好好食🐤😍而且佢雞皮都處理得好好 完全唔會過肥 連埋一齊食都好正 食完完全明點解佢咁受歡迎🤤🤤之後佢個油飯都做得好出色 佢係香得黎完全唔會油膩 食落好夾🍚之後佢送嘅椰子雞湯都好有驚喜 佢係雞味好濃 濃得黎唔會油膩 超級清甜 椰子味都好出 我哋勁鍾意🥥😍😍佢另外嗰麻辣拍青瓜調味都好好 辣辣地咁好開胃🥒最後個墨魚餅都好彈牙 入面幾多墨魚 不過佢呢個唔知係咪無用吸油紙 所以食落就偏油少少🫢🤣·#rbyeat#rby港式#rby上環 #rby紅磡·📍上環蘇杭街102號江寧大廈地舖📍紅磡馬頭圍道23-35H號

Lunch hour, 想去試吓馳名嘅海南雞飯人龍唔算好長，十幾人等候👍🏻為免長時間等候，可以轉外賣買返去食於是乎，我哋去問侍應姨姨堂食大概等幾耐佢回應大概10分鐘左右，個心都定少少。等咗15分鐘倒，我哋企到門口第一個位置，即刻去掃咗安心出行，等入座但係等呀等，望一望個app都又已經又過咗十幾分鐘，total 30分鐘up佢哋不停俾1位2位4位入座，遲嚟先上岸，就係唔俾3位入佢話無視我哋企喺度咁耐，成個過程好無奈，等到嬲，將心比心，排隊都唔係跟先到先得嘅，俾籌都係假嘅奉勸各位，除咗1人，單數唔好去食飯，等到傻呀最慘係排到第一，走又唔係😂😂😂呆望住後面班人入去終於入座，大家都點咗海南雞飯同雞湯上枱都幾快好彩只係排隊安排差，個飯嘅質素有保證海南雞冇骨同非常嫩滑飯面有些少炸蒜點綴醬料係辣椒同醋，少辣同酸帶到啲泰式風味出嚟整體係好味嘅而椰子雞湯，濃而不膩入面有好多海底椰，些少紅蘿蔔，好飲今次係幾不愉快嘅經歷，幸而海南雞飯同雞湯力挽狂瀾，加返少少分😥下次堂食，要預先睇幾人再去啦🫠好餐廳，但服務不予置評。

去骨海南雞飯-轉髀(8.5/10)：雞肉非常嫩滑。刀功不錯，連雞髀筋也能起肉。黃油飯帶椰香而不油膩。唯一瑕疵是用的估雞似乎是油脂較多的三黃雞，不過一分錢一分貨，what can you ask for? 椰子雞湯(7.75/10)：真材實料，清甜滋潤———————————————————————————⭕️ig@ fastfoxfoodie 總評：繼紅磡店大受歡迎後，上環店午市一樣大排長龍，不論堂食外賣。海南雞飯的確拍得住>$200水平的名店之作。會翻食 ✅ 💵Budget: $80 pp

近期要推介的必定是這客泰式去骨海南雞飯，是在紅磡打響名號的記海南雞，渡冮過來上環開張的新店。 每件雞肉皮下都有一層薄薄的啫喱，雞肉既有味，雞皮爽彈而肉質嫩滑度是近年少吃到的。 带些香茅氣味的油飯，幼長分明的飯粒表面有雞油的微黃色，入口沒有令人感覺到太油膩。 可能因為成本的關係，店家只提供一款泰式醬醮雞，沒有典型的三色醬，但依然瑕不掩瑜，食味是近年吃過的海南雞傲中最好的水平。 聽說店家採用的是三黃雞，是指毛黃、爪黃、喙黃，肉質嫩滑，皮脆骨軟，味道鮮美。別看三黃雞體型較小，但分量很重，成年雞的體重一般有三至四斤。在農村三黃雞一般是放養的，並且不是拿飼料餵養，所以它的肉質和口感更好，用來煲雞湯更鮮甜。踓然老闆一再強調今天的椰子湯欠了些配料，但我依然要喝這招牌椰子雞湯，今天可能欠了－些椰子肉，所以椰香味較正常薄，但這碗湯絕對比一般例湯要強多了，斯待下次能品嚐到它的理想水平。