Chatterbox Café (K11 Musea)

营业中

休息中

出尖沙咀唔知食咩好，又要搵位泊車，最尾揀咗去K11 Musea，貪佢有免費泊車～ 個商場平日泊車真係好抵玩之前已經食過呢間出名食 #海南雞飯 嘅餐廳， 同朋友叫咗一人一個 #文華海南雞飯 ，lunch set $143 包杯嘢飲。佢個雞係滑嘅，但我覺得個油飯好似唔夠味🤔對呢間餐廳最有印象其實係佢個 #椰子雪糕 ，食過翻尋味，有時路過都會買🤭 椰子味重之餘，食落有少少椰子蓉，好食坐得係舒服，不過個價錢偏貴少少🤏🏻 性價比唔高。

我真係要同Chatterbox講聲唔好意思：一間我經常去的餐廳，但咁耐以來都無出過post講吓佢，作為一個愛飲愛食的牛仔來說，實在太失真、太不負責任了🙇🏻 有幾經常去？這樣演繹吧：去K11 Musea 10次，起碼有5-6次都會來這裡食飯，對我來說，這是非常「經常」了！這裡給我的不只是Comfort Food，直頭是Comfort。他們以「文華海南雞飯」聞名，我不需要去形容他們的雞特別鮮或飯特別香或湯特別清或醬特別濃。我會說，在這裡吃個海南雞飯，滿足指數到頂。海南雞墊底的豉油略帶甜味，基本上點不點醬都非常滋味。5、6餐之中，總會有一餐我點他們的海鮮炒貴刁，極惹味、極滿足，吃落稍油，但事後又不覺口喝，極贊！我太太每次都會點喇沙，有時大蝦有時帶子，每次都滿足而回。經常掛住的，反而是他們的椰子雪糕和美祿恐龍 (可能因為吃慣了知道他們的水準很好很穩定，已經take things for granted了🤗) 他們的椰子雪糕$48兩大球，夠椰子鮮味又有點渣，我估是椰絲碎吧，令到成件事好立體。美祿恐龍就純粹情義結，為了個名稱而點。在繁忙的生活中，走來吃一餐，直情有減壓作用。這裡客似雲來，不用我推介

K11睇戲散場後，朋友想食海南雞飯～但我們又唔想行咁遠🫣即刻上網搵下商場有什麼推介！終於搵到這間食新加坡菜，出名食海南雞飯，仲要”打正旗號”新加坡文華大酒店😍文華海南雞飯$133✨招牌菜之一，無理由唔試下，我地+$10要脾位，海南雞份量好充足，無骨兼肉質嫩滑😍仲有最愛的油飯配豆腐清湯👍馬來特色炸豆腐$68外皮脆卜卜，熱辣辣食最香口，再沙嗲醬一齊食出色特色鹹蛋雞翼（6隻）$95✨好特別，第一次食呢個配搭，鹹蛋香味非常出，雞翼外皮炸到金黃色，外脆內嫩👍好食沙嗲串燒併盤$118豬牛雞各兩串，唔會燒的過熟，再配合沙嗲醬，非常惹味凍美祿恐龍 $48✨朱古力控要試，好濃～仲有美祿脆波波+美祿粉😍凍斑蘭牛奶咖啡$$48✨咖啡味不算多，反而每一啖都有食緊斑蘭蛋糕的感覺😊招牌椰子雪糕（雙球）$48✨好香嘅椰子味，雪糕裏便仲有椰絲幾特別，唔會太甜👍❤️價錢屬於比較中價,但係份量足夠👍❤️服務態度非常好，環境舒服，座位闊落❤️位置方便，在K11 Musea地層 ，返地鐵站

原來是新加坡文華大酒店的味道～這家店每次行過都好香，但都經常排長龍呀！難得平日行過嘛就進去吃吃吧~最吸引人的是蘿蔔糕！星馬的炒蘿蔔糕真的是非常好吃的～這兒炒的不錯，夠乾夠軟糯，調味就係要十足黑黑的才好吃！真的是一口接一口停不下來呀🤩咖哩豬肋骨有好多條！真係要讚美下，菜同肉份量都好多，咖哩夠香，很下飯😙說到新加坡當然少不了美碌恐龍！亦配上一個椰子雪糕，造型已經夠打卡able，味道也好濃，如此濃味的主菜之後來一個清新的椰子～😊🥥椰同奶都夠香！唔好睇個椰子細細，入面啲雪糕都有好多，仲有椰子肉夾埋一齊食，起清爽，食完咖哩真係要叫返個！

Chatterbox係新加坡過江龍，佢嘅海南雞飯我都想試好耐喇~今日黎開K11 Musea就順便黎朝聖。佢地嘅Lunch Set基本上都有晒佢地大部份嘅招牌菜，仲包左咖啡茶，亦可以加錢轉其他特飲，另外逢一至五，仲可以加$15食埋佢地個椰子雪糕。文華海南雞飯($133) - 我地加左$10要脾，海南雞本身已經去晒骨，啖啖肉方便食，雞肉真係好滑，肥瘦適中，我自己就鍾意蘸黑豉酒食。油飯好香，而且粒粒分明，唔會煮得太腍太黏。清湯入面有豆腐。白胡椒肉骨茶配白飯($122) - 肉骨茶可以跟白飯或者麵線，佢另外仲有油炸鬼。肉骨茶胡椒味適中，唔會太辣，入面都幾多豆卜同排骨，排骨煲到好腍，骨肉好易分開，肉亦唔會太鞋。玫瑰咖啡 & 四季柑檸檬薄荷梳打(跟餐加$18) - 玫瑰咖啡上面有幾塊玫瑰花瓣做點綴，飲落其實冇乜玫瑰花味，不過咖啡都幾香唔會過苦。四季柑檸檬薄荷梳打味道就酸酸甜甜好清新。椰子雪糕(跟餐$15/球, $28/2球) - 如果仲有肚量，一定要食埋哩個椰子雪糕，因為真係好香椰子味，而且仲食倒椰絲喺入面，一球都幾大球。總結，海南雞飯真係冇令人失望，雖然價錢比出面嘅雞飯貴，不過份量都好足，絕對交

每次經過Chatterbox Cafe，都會聞到油飯的香氣，加上次次門口都排滿人，本着羊群心態，今日終於忍唔住試一試。非常喜歡餐廳的室內設計，除了壁畫點綴牆壁，餐廳內亦有不少綠色植物🌿🐿。文華海南雞飯絕對是必食菜式，強烈建議加$10轉雞髀，肉質非常嫩滑肥美，連雞皮都非常好味。油飯粒粒乾身，香而不油膩。星洲炒貴叼貨真價實，帶子大粒，鮮蝦大隻。還有臘腸的鹹香，鑊氣十足。白胡椒肉骨茶相對重口味，白胡椒香辣暖胃，肉排啖啖肉。👍👍👍椰子雪糕🥥椰香味重，雪糕裡還有椰絲。Chatterbox Cafe食物足料大件夾抵食，最重要是好食，非常推介！今次排隊用了20分鐘，有興趣的朋友，建議使用K11 HK App 在App 預早遙距取票，節省排隊的時間！

今日嚟到尖沙咀商場入面見到新裝修好光猛嘅星加坡餐廳就入去食啦叫咗個垃圾我本人係驚幾辣嘅但係佢係少少辣好濃郁好濃厚嘅湯底我叫姐姐係帶子喇沙有三個好大嘅帶子湯底唔算多不過因為佢阿仔好傑嘅緣故其實都會好飽湯底料好最幼魚蛋呀其他配菜咁樣飯碗精緻裝修都好別字所以食得好舒服應該點鐘個椰子雪糕 兩球真係好新鮮 新鮮椰子味 真係好滿足呀 另外飲品就叫咗個掘仔嘅果汁都好特別好有星洲風味園公好親切有禮所以我都好鍾意你食嘢㗎地方大坐得舒服 下次試埋佢 炒貴刁先

好幾年沒有踏足新加坡,其中一樣最懷念是他們煮雞的確有一手~原來新加坡文華酒店的Chatterbox Cafe在K11 Musea開張 ,久仰他們的海南雞飯大名,沒想過在香港可以試到!今天中午未到12點餐廳已排了長長的人龍,十分墟冚!新開張的店子走別緻風,我們點了兩份午餐,不用等太久一盤海南雞飯就送上枱,賣相和我們平時見到的沒有多大分別~招牌文華海南雞飯,我先喝口湯清一清喉嚨,把雞點了三色醬（不喜歡太多）,咬一口雞肉就明白他們揚名的原因!三款醬料是由新加坡運來的,雞肉肉質特別鮮嫩,肥瘦剛好,可以輕輕咬開肉絲,雞的香味充斥着我的味蕾,配合軟硬適中的油飯,實在很高質!然後另一個午餐招牌珍寶帶子喇沙到了~ 喇沙湯底又濃又香,還有超大隻的帶子,米線把喇沙精華完全吸收,最後我把每一滴湯都清了!甜品不用考慮肯定點招牌椰子雪糕🍦道地的雪糕是有椰子肉在裏面,還貼心的用冰坐鎮,吃到酒店級數的食物, 埋單每人只需$200 ,我們離開時見到門口仍排了二十多人,這餐廳人氣一時無兩!

六十四回上回提到要跟我家寶寶吃盡所有musea的餐廳，今次就來到chatterbox，感受一下新加坡的滋味。餐廳內外（5/10）哇，很多人，一條條人龍在餐廳外，完全覺得十分大驚，排隊尾的到我們吃完也未能進內。餐廳的環境並不太好，商場的勁歌熱舞很嘈吵，完完全全遮蓋了說話的聲響，並且令我家寶寶頭很痛。食物方面點了1）文華海南雞飯；2）海鮮辣沙湯麵；3）椰子雪糕。先嚐了文華海南雞飯，目測相當不錯，海南雞飯全部去骨。好，吃下去有份清香的感覺，小編覺得應該用雞湯加雞油烹煮，海南雞全部去骨，所有雞件也是滑溜溜，十足十是龍崗雞。初嚐，小編覺得滴汁不沾也覺得好吃。但我女朋友只把雞皮沾上黑醬油、蒜蓉和辣椒醬，反而是另一味道。後來了海鮮辣沙湯麵，材料來說算是足夠，辣沙湯底喝下去，也有一陣陣海鮮清香。但性價比不高。最後來了椰子雪糕。此店的雪糕十分吸晴。原個椰子上的鋪滿了雪糕，吃下去陣陣椰香味撲入了我的鼻，當中新鮮椰肉也混進入內，口感一流，也是最佳的消暑佳品。值得一來，儘管可能只是一次。