Add Some Thai Restaurant

营业中

休息中

觀塘區內美食店林立，大家都會想起有大量選擇的駱駝漆大廈，今日就跑到「Add Some Thai」來試下泰國菜。睇睇餐牌菜式甚豐富，散叫或套餐都齊全。今次點了二人套餐，套餐包括有前荣，湯，小食併盤，炒菜，還可加$100將主菜轉為咖哩炒蟹, 加多$48有芒果糯米飯甜品。青木瓜沙律 大量爽脆青木瓜絲紅蘿蔔絲生菜絲，配上酸酸甜甜的魚露醬汁，還有鮮蝦做配搭，清新又醒胃。椰青雞湯 雞湯肉味又帶點棷青清香，配搭起其他泰國菜式真係剛剛好。小食拼盤 併盤有八款小食中任揀四款，我就選了香口惹味單骨雞翼，香甜燒菠蘿，沙爹雞肉串燒，彈牙爽口手打蝦餅，款款都十分美味，碟旁還配有脆脆蝦片。咖哩炒蟹 這碟咖哩炒蟹，蟹身都大有肉，咖哩醬汁味道温和，用蒜蓉包配食，夾到絕。馬拉盞通菜 通蔡炒到翠綠爽脆，馬拉戔咸香味適中。芒果糯米飯大大片香濃芒果舖在較糯米飯上，店主還配上椰子雪糕，清香甜美。凍檸檬茶飯後來一杯凍檸檬茶，茶味濃郁檸檬味香散， 解膩消暑。總括來講，這個二人套餐cp值高，選擇又多，下次會再來試過其他菜式，相信一定有驚喜。

今晚去左觀塘工廈一間叫Add some Thai食泰菜。呢排天氣悶熱唔係就落大雨，最啱就係食啲東南亞嘢。一入到門口，泰國氣氛好濃，寬敞坐得舒服，喺餐廳中央有個小小的流水池，繽紛的發光波波游嚟游去好得意。見餐牌都好抵食，尤其是二人餐，款式配搭多，加錢再多啲選擇。套餐已包括嘢飲、頭盤（沙律+湯），小食，自選小炒，主菜同甜品。特飲（+$25 )桑格妮亞，材料有芒果，蔓越莓，橙，菠蘿，檸檬。沙灘小子，材料有荔枝，薄荷菜，青檸。兩杯賣相好靚，好有夏日色彩，我個杯沙灘小子甜甜酸酸，有青檸同薄荷好清新。泰式鮮蝦青木瓜沙律好醒胃，有少少辣，鮮蝦好鮮味，加上木瓜感覺清新。椰青雞湯材料足，有雞、菌類和椰青肉，飲落好舒服清新。自選小食拼盤(8選4)紐西蘭牛柳粒串沙嗲雞肉串沙嗲豬肉串招牌手打蝦餅串燒燒得不錯，特別係牛柳粒好嫩滑必叫，加上特製沙嗲醬。招牌手打蝦餅好鬆化，外面炸得好脆，果然係招牌菜。金邊粉配黃金蝦份量好足，唔會太乾身，黃金蝦一上枱已聞到陣陣香味，蝦好大隻，黃金即係鹹蛋黃好惹味。蒜蓉炒椰菜苗鑊氣夠，椰菜苗出邊比較少食，份量足，炒得比較爽身，幾啱我口味。芒果糯米飯（+$48升級）芒果好新鮮，糯米飯煙煙

到駱駝漆大廈血拼後，相約友人到呢間AST 餐廳食個泰西fusion 菜。樓上鋪既好處就係地方大，裝修靚，枱與枱之後好闊落，坐得好舒服🤗好欣賞餐廳整左個流水道裝置，上面有彩色燈飄浮好治癒呀😗叫左個二人套餐加48蚊升級芒果糯米飯做甜品再散叫左兩杯特飲首先上個暖笠笠既椰子🥥雞湯，好清甜好足料，淨係聞都已經feel到佢椰子落左好多椰子肉，雞仲係好滑，湯唔會好油 ，飲哂都冇咩罪惡感😂青木瓜沙律🥗份量十足，蝦好新鮮，唔會雪到凍冰冰，酸酸地好開胃。小食拼盤份量好多，其中炸蝦餅同埋燒菠蘿串值得一試。蝦餅好彈牙同好鬆軟，口感一流。菠蘿冇浸過鹽水，完全無渣，燒完甜上加甜黎到主菜，黃咖哩炒軟殼蟹賣相好吸引，軟殼蟹好鬆脆，我好鐘個咖喱汁唔會好辣、同埋夠杰身 ，可以被手抓餅同其他配料扣住 ， 每口都食到濃厚既咖哩味。馬拉盞炒通菜，唔會好油又唔會鹹，見到冇tune 過色都咁綠就知新鮮啦😗甜品時間連芒果糯米飯都係大份都爆登，仲要好細心咁飯同芒果已經分左做兩份，連雪糕都有兩球omg😱 好有驚喜 認真我好似冇食過跟雪糕既芒糯，其實又幾夾喎，將雪糕夾埋飯一齊食，肯係有食緊雪米糍 既感覺😬之後仲叫多咗個好少地方有得食嘅🎃南

這天晚上我約了朋友在觀塘吃晚飯，經過家人的介紹，我們便決定來到這間位於工業區的Add Some Thai Restaurant試一試，店內環境十分寬敞和清潔衛生，店內客人非常多，證明食物的質素應該都非常不錯二人餐($388)青木瓜沙律栗米粒很清甜，海蝦爽彈鮮美，十分大隻，青木瓜絲爽口微彈，沙律菜十分爽口和新鮮，十分健康，十分清淡小食拼盤菠蘿蕃茄非常鮮甜，牛柳粒稔香軟彈，質素非常高，春卷外脆內嫩，用新鮮蝦肉炸成的蝦餅外脆內軟，炸到恰到好處，金黃色的顏色非常吸引，泰國蝦片很脆口，有沙律醬和沙嗲醬調味，份量非常多椰青雞湯椰子味很香和清新淡雅，很清甜，而且不放味精，十分健康，飲完不會口渴，非常適合小孩飲用，雞肉嫩滑細密，十分新鮮，茹軟彈煙韌泰式炒金邊粉配鹹蛋黃酥炸海蝦金邊粉軟彈煙韌，味道酸酸的，令人十分開冑，食物是即點即炒的，所以温度很夠熱，鹹蛋黃蝦很黏口和爽彈鮮美，蔥，豆腐干，份量很多，賣相很吸引蒜蓉炒豆苗用蒜蓉調味，豆苗十分爽口微彈，非常新鮮，份量很多椰汁千層糕自家製的千層糕十分煙韌，味道恰到好處，不會太甜，椰汁清新淡雅 二人餐款式十分多，有沙律，小食，湯，主食，菜，甜品，兩個人絕對夠吃夠

用餐時間：普通星期5 1500今日特登揀左優惠時段 1430-1730黎食，有7折優惠。(唔包括星期6，日，假期)餐廳環境幾闊落，坐落舒服既。呢個湯比較重味精，不過免費黎講真係唔要求得幾多。炒飯賣相幾靚既，不過味道我就覺得麻麻，平時好少食炒飯會落青椒，黃椒，紅椒嗰啲野，所以我覺得唔係好夾，味道一般。黃咖哩做得幾好食，不過牛肋條味道一般。手抓餅係配咖哩食既，不過因為保唔到溫，所以味道一般。濃心魚腐配一隻類似千島醬既醬黎食幾夾。通菜炒得唔算好入味，而且保唔到溫，所以味道一般。泰式奶茶同一般既港式奶茶味道唔同，我覺得幾新奇又好飲，值得一試。糯米飯外觀好可愛。味道都唔錯，椰汁份量適中，芒果好甜，美中不足係啲糯米飯痴埋曬一舊，好難咬。最後埋單免加一係$199，兩個人平均每人$100。其實性價比黎講真係唔錯，咁平都可以食到咁多野。不過餐廳明顯要提升下食物質素，大多數食物都有好大既改善空間。

之前來過食 dinner 覺得不錯不如試試 lunch  不過以泰國菜 lunch set 來算，價錢都偏高lunch set 的固定餐湯是 椰青雞湯店員將雞湯放下時，聞到有陣好香的甜味飲湯都有陣淡淡的椰青味湯裏面的雞肉十分滑溜如果椰青雞湯煮出來是奶白色的，是有椰奶在裏面若是煮出來是清湯顏色，則就只有椰青而已招牌泰式無骨海南雞配黃油飯好大的一碟海南雞飯不過好睇，唔好食，十分失望海南雞完全無雞味，亦無調味黃油飯還好除了一舊仔菠蘿，還有堆沙律菜蝦片就出奇地份量意外比較多片片都很脆泰式炒金邊粉配泰式豬頸肉wow ... 原來連炒金邊粉都有蝦片這樣擺就可以看到成碟野有什麼豬頸肉份量很多！不過與海南雞一樣，漏了調味食落只有一陣豬肉味，而且沒有香口感金邊粉就十分彈牙估計上菜時間慢，因為金邊粉是即煮，過一個冷河，然後再炒lunch set 的餐飲必揀 泰式奶茶好夠甜，亦都好夠奶味

餐廳裝潢和餐具甚有異國情調, 感覺唔錯。下午市時段免加一之餘, 全單還有七折, 頓時感覺實惠。泰式奶茶冰多味淡, 打了折扣。椰青雞湯偏清淡, 味道不過不失。泰式金邊粉配秘製烤蜜糖雞扒 $78雞扒外表香脆, 肉質偏乾。金邊粉不夠乾爽, 青檸檬偏乾, 勉強只能揸出兩滴青檸檬汁, 與花生碎拌勻, 整體味道只屬一般, 甚為失望。焗紅咖喱鮮蝦海鮮飯 $78海鮮有青口和大蝦, 椰汁味道過濃, 紅咖喱只有少少辣, 整體偏油膩。嗜辣的朋友可加辣椒粉添加辣度。