Tommy Yummy (翡翠中心)

营业中

休息中

餐廳裝潢超有心思，有打卡位既落地玻璃座位，仲有個風格好夏天feel。餐廳主打泰菜，甜品及飲品必定要點，因為超靚超好食。晚市6點半入座，已經幾乎滿座，可見人氣極高。椰香青咖哩雞配薄餅($98)，咖哩濃稠微辣，雞肉軟而冇骨，方便配搭薄餅食，咖喱入面仲有小圓瓜(?)，口感好特別。薄餅已經分成小塊，烘過帶酥脆。沙爹牛肉串($62)，必配海鮮酸辣汁，酸味突出，好惹味。牛肉口感ok，重點係個杯好靚。芒果乳酪疊疊冰($118)，芒果打爛變成冰花、芒果磚，芒果磚仲要有芒果肉添，多重口感。食到中間就有暖暖糯米飯，黏稠軟糯。仲要有支芒果棒，夏天食涼透心，仲岩哂打卡。面頭仲有芒果棒，仲要好甜。淋上椰奶更香。椰香菠蘿飄雪($55)，超重椰奶味，菠蘿肉已打碎，2種味道超夾，而且點綴既菠蘿片超好食。粉紅椰子水($42)，靚靚粉色椰子水，第一啖飲，原來d冰入面藏住花瓣，啖啖花香及椰子味，完全唔係普通一杯椰子水。有驚喜。整體，餐牌上既飲品選擇非常多，每樣都好吸引，重點係超好飲。大推for約會、打卡，食物質素有保證。而且侍應有禮貌添。

環境5分：位置超級方便，响扶手電梯旁邊。樓上舖花園式西餐廳格局，綠草如茵，牆上D金句搞笑，D泰文歌勁啱聽，令人好自在同放鬆，可以畀滿分。衛生5分：地方包括廁所都非常之乾淨，入門口有集團口罩套自己拎，衛生一樣畀滿分。服務5分： Ｄ服務員好friendly，雖然話係電子自助落單，但都有推介招牌菜，特飲，同做緊Ｄ乜優惠，都係滿分。味道5分：1)      Singha生啤夠凍，個龍杯先有氣勢。2)      同生啤一個組合嘅泰式魚餅食落好香口。3)      泰式蝦餅一碟有四件，每件都係成隻蝦嚟，炸得非常香脆之外，果隻蝦真係超彈牙超爽脆。4)      椰香青咖哩雞個咖哩汁帶少少辣，入面Ｄ雞肉非常嫩滑。配咖哩個薄餅又薄又香又軟熟，點埋D咖哩汁食非常好味。5)      打拋豬肉碎煎蛋飯夠熱，肉碎分量都算多，撈埋隻煎蛋同個飯一齊食，好香好嘢味。跟飯果個蝦片超脆超香口。抵食5分：舒適嘅環境食住泰國菜，有去泰國旅行嘅feel，食到成枱食物都係四百鬆D蚊，非常抵食，中環嚟講價錢合理，值得再去，抵食一定畀滿分。