雪山冰廳

营业中

休息中

今次跟朋友喺深水埗覓食，聽佢講呢間冰廳喺區內好受歡迎，決定下午茶時間入去試吓～🍗<避風塘生炸髀配紅豆冰> $42雞髀都幾大份~生炸髀外皮炸得非常酥脆，並加上椒鹽於表面，雞肉嫩滑，連皮一齊食好惹味❤️；紅豆冰足料，可謂經典港式茶餐廳風味😆🍚<椒鹽豬扒飯 (炒底)> $68呢個飯份量好多🤣雖然係炒飯底但又唔係過鹹，有鑊氣之餘亦都粒粒分明🙌🏻夾埋椒鹽豬扒就啱啱好，抵讚既喺豬扒亦非常細心設成條狀方便進食👍🏻🍜<檳城叻沙摻摻> $60叻沙配料相當豐富，其中包括蝦、魚片、豆卜；同大家講個小知識～摻摻喺油麵mix米粉，湯底帶有椰香味，麵線索曬湯汁且唔會過淋<日本櫻花蝦炒蛋+香酥丹麥多士> $30喺上面個set包埋既，不過朋友單嗌多個，單價就喺$30。小編好鍾意呢碟炒蛋~蛋香嫩滑，加埋櫻花蝦鮮味十足，同多士一起食好適合！

雪山冰廳已經好耐歷史，但係好耐歷史唔代表唔好食，相反，呢度既菜式都幾多元化，除左最傳統港式茶餐廳既菜式之外，仲有漢堡、喇沙、咖喱、酸菜魚呢啲食，而且係都係好食既！好難得🤩好想瘋狂黎呢度食，食曬佢menu啲嘢食！  1⃣️始祖椒鹽豬扒飯（炒底）（$62）勁邪惡呢個😍首先炒飯底啲飯炒得粒粒分明，有蒜香味，仲有啲辣椒粒炒埋一齊，勁惹味🤤然後豬扒大大件，有椒鹽香，成碟飯真係夠曬重口味好正👍  2⃣️檳城叻沙摻摻（$58）呢個係特餐黎，仲有跟櫻花蝦炒蛋同埋丹麥多士。蛋炒得幾滑，有好多櫻花蝦係上面😋然後丹麥多士超香牛油味，烘得夠脆。摻摻係油麵溝米粉，兩種唔同既口感。湯底重椰香味，望落好似好紅咁，但係食落唔算辣，配料好多，有魚片、豆卜、蝦🦐成個餐好抵食！  

深水埗青山道上嘅雪山冰廳歷史悠久，記得以前佢嘅裝修都好舊式，幾年前經過大翻新，依家光猛整潔得多，今日就揀咗嚟咗呢度開餐。港式茶餐廳當然要有常餐同特餐，而呢度仲提供All Day Breakfast，果然與時並進。揀咗特餐「檳城叻沙摻摻」配炒蛋及多士，另加$9就可以轉大大杯嘅特飲，我揀咗港式茶走紅豆冰，入面有勁多紅豆，而且煲得夠林，原來紅豆冰唔用椰奶改用奶茶煉奶又別有一番風味。佢嘅炒蛋就加入左櫻花蝦，食起嚟啖啖都有櫻花蝦嘅味道，加埋綠色嘅蔥花，色彩繽紛簡直可以送碗白飯。而佢嘅多士亦都採用咗丹麥多士，充滿濃濃嘅牛油味。而特餐嘅主角就係呢碗喇沙，所謂「摻摻」其實意指油麵加米粉，將兩款麵底混合埋一齊食，索咗湯底好好味，另外有2隻蝦、魚片、豆卜，配料十足，我尤其鍾意佢嘅魚片，真係爽夾滑！另外叫咗常餐「經典芝蛋牛肉漢堡配德州辣肉醬意粉」，雖然係有兩份食物，但絕對唔係迷你版，大大份好抵食！飲品就揀咗忌廉薄荷朱古力，好香薄荷味，上面仲有好多忌廉，雖然有罪疚感，但係真係特別滑！呢個肉醬意粉嘅肉醬帶點辣，入面有啲紅腰豆，呢個配搭幾唔錯，而且佢仲有勁多肉醬，多到食完個意粉都仲有好多肉醬剩返喺度。呢個牛肉漢堡

今日同男朋友去完嘉頓山，隨意入左雪山冰廳食晚餐。我地都唔太肚餓，叫左個常餐$48同特餐$55。男朋友食1號常餐，有雪山沙茶牛肉公仔麵+頂級雲腿午餐肉炒蛋+香酥丹麥多士，加左$9要樽仔奶茶。沙茶牛肉唔韌易咬，公仔麵正常。頂級雲腿午餐肉炒蛋都係正常貨色。香酥丹麥多士唔錯，幾鬆軟。樽仔奶茶唔特別，早知唔加$9要啦。我食既特餐有檳城叻沙摻摻+日本櫻花蝦炒蛋+香酥丹麥多士，飲熱好立克。檳城叻沙摻摻即係油麵加米粉，好彩米粉份量比較多，因為唔鍾意油麵，湯底幾惹味。日本櫻花蝦炒蛋竟然有蔥，我唔食蔥，所以同男朋友交換左隻蛋食。熱好立克好離譜，有好幾舊結塊既好立克粉，超唔掂！

做完運動後體力透支極度肚餓， 見到有茶餐廳就諗都唔諗就即刻衝入去食嘢，入到去就叫左勁多嘢食， 值得一提嘅係竟然畀我搵到有喇沙食， 雖然你睇佢賣相一般， 但係味道絕對係一流！！！除咗呢個之外當然要提一提個炸雞髀😁😁😁因為我男人話要食炸雞脾 打出嚟香口唔在講啲肉汁咁鬼死咁juicy另外，個個 茶走紅豆冰 又係勁好味 紅豆冰加奶茶呢個組合簡直冇得輸 重點係成間茶餐廳性價比極高 價錢合理 食物美味！ 畀個讚佢

接近下午茶時間諗住會少d人慢慢點味下呢間茶記既誠意之作，點知一個人都等左陣位，就知呢間野吸引到幾多人黎食啦😂😂所謂誠意之作就係呢個檳城特餐，摻摻即係油面加米粉，聽落配合度唔高但其實食落正正吸收到兩者既樂處，配試米線會冇咁滯，油面就可以吸下湯，仲可以有兩種口感👍🏻至於湯底係叻沙湯底，食落堅係香同濃同時唔會話有辣味，食落真係忍唔住飲幾啖湯🤤面頭兩隻蝦都仲樂彈牙，十分不錯👍🏻👍🏻套餐仲跟左丹麥多士同埋櫻花蝦炒蛋，絕對唔係平時既多士跟炒蛋咁簡單！炒蛋夠滑之餘配料都十分豐富，櫻花蝦增添左口感，加試蔥花令成件事更香🤪另外多士同樣唔一般，丹麥多士比普通多士更加鬆化，一個普通既特餐都用試最頂尖既材料令成個餐非一般同埋好食，滿足番對食充滿要求既大家😤跟餐嘢飲就加咗$9配呢個樽仔咖啡，平時叫嘅凍咖啡都係配冰，但冰一溶嘅話就會影響咖啡嘅味道，樽仔咖啡就係一早雪定喺雪櫃唔會比冰影響到質素。而的確呢樽咖啡依然保持到咖啡香，唔會偏酸或苦，真係飲杯咖啡都要講究d👍🏻👍🏻👍🏻

收藏了很久的雪山冰廳，今晚終於有機會去食啦。6點幾去到，唔洗等位，座位之間都夠寬闊。同男朋友點左2個餐share食。日本櫻花蝦炒蛋配多士櫻花蝦為一份炒蛋帶點咸香，蛋亦炒得嫩滑。檳城叻沙摻摻呢個叻沙湯底好有驚喜！夠濃郁而又唔覺膩，粉麵同豆卜都索哂個湯，我同男朋友都爭住食。魚片爽彈，唯獨係隻蝦扣左d分，食得出唔係新鮮蝦。芝士焗波士頓龍蝦海鮮飯一直好期待呢個龍蝦焗飯，見openrice好多人推介。大大隻龍蝦的確係吸睛ge，而且都好足料，裡面仲有魚柳、青口、蟹柳、尤魚等。可惜就係個芝士醬汁好普通，質素都係同一般茶記無差別，的確係有d失望。印象最深刻係呢到d員工服務態度好好，主動而又親切。

行完美荷樓就落深水埗醫下肚仔見到餐廳寫住自1956，應該係有啲歷史嘅老冰廳，就同朋友入去一齊試下啦雖然唔算好大，但店裡面環境都算乾淨整潔，見到有油畫牆我諗應該係裝修翻新過，感覺唔錯我哋大約係2:45pm入去，2個女仔喺未食午餐嘅狀態下，我哋叫咗3樣嘢試~首先係 檳城特餐($50) 有檳城叻沙摻摻+日本櫻花蝦炒蛋+牛乳厚多士，再跟餐加 $9 試吓店裡面姐姐推薦嘅樽仔奶茶。叻沙摻摻係油麵加米粉2樣混合一齊，亦都可以淨係叫一樣，叻沙湯聞落幾香，味道亦啱啱好唔會太濃或太淡，飲落唔會好重椰奶味，同埋摻摻一齊食嘅口感都幾豐富，不過如果可以多啲湯就好了！叻沙有蝦有魚旦片同豆卜，建議唔好拖咁耐食如果唔係啲麵會索湯㗎！啱啱嚟熱辣辣嘅時候就最好味！而厚多士比想像中好味，麵包邊脆卜卜而中間就好軟腍腍，每啖都有牛油香都幾邪惡㗎！炒蛋都滑身但櫻花蝦味就唔算太出～樽仔奶茶我個人嚟講好鐘意啊！一嚟唔會有茶嘅苦澀味，而奶都幾香滑！甜度係中等偏甜，想試嘅可以就咁買樽拎走飲避風塘生炸雞髀 配紅豆冰 ($35) 炸雞髀魅力沒法擋啊～ 炸髀面頭嘅炸蒜同埋雞皮都係脆卜卜！有好小好小嘅辣但相信大部分人都接受到（本人譚仔食清湯哈）

冰廳周街都係，間間都好似差唔多，但係今次去左呢間♥雪山冰廳♥令我覺得幾特別，幾深印象。夜晚黎食都幾多人，差不多都坐滿客，整體環境都不錯，幾光猛，坐得幾舒服，同埋都好乾淨。餐牌野食選擇都好多，除左港人最愛既碟頭飯，常餐等等，佢仲有唔同既粉麵小食，例如有喇沙米線，海南雞飯～芝士焗波士頓龍蝦海鮮飯 $108賣相好靚呀既一個海鮮飯，成個感覺都好豐富，最重要既係佢隻龍蝦比想像中大隻，而且仲有好多芝士鋪係面！除左有波士頓龍蝦，仲有唔同既海鮮係入面，包括有青口，蜆，仲有魚等等，材料真係相當豐富，一百頭可以真係咁多料，係值既！流心榛子醬西多士 $25西多士就食得多，流心再加榛子醬就真係第一次食～味道都幾驚喜，唔似出面一般既味道，甜甜既榛子味道，配上牛油，都唔會覺得太肥！櫻花蝦炒蛋配牛角包我覺得呢個小食也值得推薦！炒蛋上明顯地見到有好多既櫻花蝦係入面，啖啖都食到櫻花蝦既味道，同埋聞起黎都好香蝦味。牛角包唔好以為佢普普通通，佢係內有圪坤～入面搽左啲牛油，令成個牛角角都特別好食！檳城叻沙摻摻 $48呢個叻沙摻摻同樣豐富，首先解釋一下摻摻既意思，摻摻=油麵加米粉，兩種麵混合一齊，都幾得意～叻沙味道好重好濃，入

檳城叻沙摻摻配日式櫻花蝦炒蛋加奶油牛角酥($48)-摻摻嘅意思姐係油麵加米粉，個人認為叻沙湯底配油麵好食好多，但配米粉都唔會太差，因為叻沙味真係好濃，而且入面材料都好豐富，有魚片之餘，仲有鮮蝦。而日式櫻花蝦炒蛋更加冇得輸，啖啖櫻花蝦，炒蛋仲好滑tim。而我最中意嘅就係奶油牛角酥，牛角酥新鮮出爐，再加埋奶油冰火交溶，真係令人回味無窮！日式照燒雞翼撈公仔麵配黑松露炒蛋加牛油多士($42)-瑞士汁撈公仔麵真係無得輸，仲有兩隻雞全翼，黑松露炒蛋雖然唔係撈好咁樣上，但都一樣咁好味。紅豆冰(+$7)

有關茶餐廳的研究，多如牛毛，近幾年復古思潮和本土意識興起，兩股洪流匯流，催生了冰室的再生。至今未有統一名稱去稱呼此種食店，我稱作「現代冰室」，以便和老店冰室（沒有粉麵飯）有所區別。「現代冰室」號稱傳承冰室的傳統，其實與茶餐廳類近:供應茶點，常餐，早餐，快餐，晚餐，粉麵飯……。為了探索「現代冰室」與茶餐廳的關係，比較兩者異同，特以此店為研究對象。此店在1956年開業，是著名的茶餐廳，得到影視人的青睞，常有港劇來取景，是典型的老派茶餐廳。它陪伴我成長，是我最熟悉的茶餐廳。近月光顧多次，感慨良多。記得當年收到結業的傳聞，人人湧去「瞻仰遺容」，想不到……。🤔現在是「借屍（茶餐廳）還魂（冰室）」。🤔歸納起來，「現代冰室」有「四化」和「兩大主義」。1❄明淨化/古早化茶餐廳最被人垢病是不清潔和不「企理」。「現代冰室」的裝修表面是現代主義，十分光猛和清潔，並且有格調，不會令中產和年青人卻步。此店顏色分明，白色為主色，配以黑色桌椅，對比強烈，多射燈以照明。更大特色是懷舊的包裝，刻意塗抹上60「年代感」和一種香港的「尋常感」。此店保留了「上手」留下的「粉麵飯」畫，並沿用手寫是日快餐內容的黑板（以前是白板）