Rakuraku 樂拉麵 (康怡廣場北座) (已結業)

🇭🇰 Rakuraku 樂拉麵 (康怡廣場) (太古)太古康山道1-2號康怡廣場北座1樓F10號舖星期一至五及公眾假期前夕11:30-22:00星期六至日及公眾假期11:00-22:00味道: 8️⃣環境:7️⃣性價比:7️⃣推介度:7️⃣-🍜櫻花蝦龍蝦湯拉麵餐•HKD118+10%...小食4揀1本身揀咗Jumbo海老薯餅但店員話冇貨要改做章魚燒3粒, 配汽水或是日野菜沙律...龍蝦湯底都算濃郁好香龍蝦味🦞😍再配埋大量櫻花蝦乾一齊食幾鮮甜👍🏻幼身拉麵軟硬適中但唔彈牙🤔每碗拉麵有兩片薄叉燒冇咩特別😂糖心蛋做到糖心效果好正😋其他配料有木耳絲大蔥絲蔥粒同炸蓮藕片🥰口感豐富🤤章魚燒新鮮熱辣外皮香脆但入面嘅麵粉漿口感一般😐不過龍蝦湯比想像中出色-

由這餐廳開張至今，一直未試是因為之前大部分食評都不是十分樂觀，後來再想，可能人人口味各有不同，還是自己試下比較公平。.餐廳內座位以日本拉麵餐廳來說是十分寬廣，空間感較大，坐得比較舒服。.午飯時間有套餐，除拉麵外，也有石鍋飯等。午餐包沙律或汽水。也有追加優惠。🎈散叫也有不少選擇。🏮落單紙方便客人選擇，清楚揀麵的硬度、走葱等要求。.成餐印象最深刻是他們非常有禮貌，而且服務周到。我同朋友一入座正研究想叫什麼時，突然聞到一陣榴槤味，我好怕榴槤味，而且特別敏感，離遠好細味都會聞到。仲要我食飯聞到這陣味，只感到想反胃，我問侍應聞唔聞到那味道，他們完全沒有嫌我煩，還讓我改坐另一枱，亦周圍嘗試找出味道的源頭。後來味道沒有了。我懷疑是有食客在附近超市買了開了的榴槤，雖然已有多層保鮮紙包住，但嗅覺靈敏的我再加上我對榴槤味特別敏感，都是聞得到的，相信是那食客走了所以沒了味道，多謝店員體諒。💖🙏😊.櫻花蝦龍蝦湯拉麵午餐 $89叫這個因為有頗多食評讚好。一上時見到好多櫻花蝦，亦好大櫻花蝦的味道。.糖心蛋有足兩個半隻，即有成隻蛋🥚😋 一般都是只得半隻。麵的配料頗足，有兩片炸蓮藕、大量雲耳片。.好視乎各位對櫻花蝦的

最近期都係太古一帶工作，所以都係附近不斷發掘下有啲咩地方好食，今日就嚟到AEON康怡廣場嘅「樂拉麵」.好彩啱啱嚟嘅時候唔係太多人，等咗一陣間就安排入座，店員都好有心去介紹今日有啲咩特色嘅食品。香港平時食到嘅拉麵主要有豚骨湯、雞湯、沾麵等等，而呢間拉麵主要做嘅湯底就係豚骨湯、雞白湯.&龍蝦湯.今次我就叫左櫻花蝦龍蝦湯拉麵，龍蝦湯底濃郁加上櫻花蝦既香味，估唔到一間小店都可以做得咁出色，而且價錢便宜，午市期間仲送汽水

去太古行街，一直都以為太古附近啲餐廳食物品質應該都唔會差得去邊，見到日本拉麵就走入去試試。中午時間去，我叫咗個"石頭鍋龍蝦湯海鮮泡飯"，見到主要得3個飯，應該係主打菜，點都會ok，但係點知個飯好淡味，海鮮好少，湯冇味，飯泡到"粘"嗮，完全唔好食。我身邊嘅人點了"櫻花蝦龍蝦湯拉麵"。網上見啲人話值得一試，點知湯係有味嘅，不過唔係好味，櫻花蝦香，但系冇肉食，個叉燒定係唔知咩肉，都好淡，一句講嗮我唔會再嚟。最好食嘅竟然係前菜嘅沙律。係對面仲要坐咗一家三口，個小朋友得4、5歲，個媽媽不停咁教訓個仔，要佢食野，可憐個小朋友，啲食物質素咁差，唔想食仲要被啊媽逼同鬧，唔食唔得。搞到我哋都食得唔安寧。

行開Aeon唔知食咩好，就去咗康怡廣場搵食。好耐無食拉麵既關係就試下呢間樂拉麵。中午有set lunch，包沙律或者汽水。一坐低就比龍蝦湯既香味吸引住，所以就毫不猶豫揀咗 櫻花蝦龍蝦湯拉麵 HK$89 。同其他拉麵店一樣，係有得揀麵既軟硬度，我就揀咗適中。而叉燒就揀左豚腩。拉麵一到，就見到有滿滿既櫻花蝦！食麵前飲啖湯，個湯有啲油，但充滿龍蝦味，配埋軟硬適中既拉麵，令人一啖接一啖咁食。個豚腩反而無咩特別，中規中矩。除咗麵同湯底之外，好欣賞佢個半熟蛋同炸蓮藕片，令成碗麵生息不少。如果可以單點炸蓮藕片做小食就好喇

啱啱太古睇完戲 周圍行睇吓有咩食之後見到呢間拉麵店就入去試左試餐廳入邊嘅裝修幾靚 侍應態度都幾好 我哋坐嘅卡位幾闊落 我哋坐低叫咗嘢食嘅同時侍應俾咗一張意見卡俾我哋 希望盡量指出佢哋食物 環境甚至侍應嘅態度作出意見 可見雖然係集團式經營 但係仍然注重服務點餐只上邊可以揀走青 拉麵嘅粗幼 若然叫嘅係豚骨拉麵可以揀豚腩或者豚肩 但係最好可以有得揀埋湯嘅咸度 因為佢嘅湯真係幾濃豚骨拉麵整體而言冇咩特別 豚肉亦都唔算特別不過賣相幾好櫻花蝦龍蝦湯拉麵就唔錯 幾有特色 賣相亦都唔錯不過都係果句個湯對我來講有啲咸順帶一提午市套餐送汽水或者沙律呢間餐廳服務幾好店員亦都好有禮貌 裝潢精緻價錢對比起其他拉麵店亦都唔算貴 可以再幫襯

是因為看到這間的貓才被吸引來的其實是原本想去的餐廳人太多，見這間是新開就吃吃看不過這店不止在牆上有貓的壁畫，連餐牌封面也有一隻貓將軍喔！這家是主打博多拉麵，價錢由$68起~ 另龍蝦湯好像很吸引呢如果想吃龍蝦湯又不想吃拉麵，可選 - 石鍋龍蝦湯海鮮泡飯 ($78) & 石鍋龍蝦湯叉燒泡飯 ($72)由於會以高溫預熱，所以石鍋很燙的~要小心每粒飯都滲了湯的味道，底下會有飯焦。但飯不太會太乾又不會像水浸那樣子後者的叉燒是半肥瘦，有炙燒過~邊邊的位置有點焦，不過頗香就是。櫻花蝦龍蝦湯拉麵 ($89) - 整碗充滿蝦味，濃度屬於中規中矩吧~還有滿滿的櫻花蝦麵選了硬身，讓它在熱湯浸一下~那味道層次的變化會多一點如果不吃蔥可以走掉，配料還有脆炸的蓮藕切片~不過最愛的還是入味的溏心蛋，有濃濃的醬油味道呢！最後還有肉質軟稔且肥瘦適中的叉燒！

近來晚餐想求其食吓快餐，不過好多都被杯葛了，唯有由港式快餐改食日式快餐—拉麵啦！行太古一間商場經過一間拉麵店勁濃蝦味，兩隻腳自不然走咗入間餐廳度呢間除咗拉麵，仲有海鮮湯泡飯，紫菜冚珍珠，好多海鮮收埋喺下低，啲湯經石鍋煲滾，好快俾啲飯索晒，幾入味吓主打拉麵，超多櫻花蝦喺面頭，溏心蛋原來有一隻，另外半隻沈咗喺底，另外仲有炸蓮藕𠻹麵大胃最喜歡粗同硬，可以再索一索湯嘛炸雞幾脆口，唧啲檸檬汁更醒胃啲醬微辣都好開胃㗎牆上有好多喵星人

＜獅子老公＞ 係拉麵控， 今日晚飯時間經過拉麵舖，佢當然唔會放過位於康怡廣場既＜樂拉麵＞， 淨係睇舖面都已經好有日式風味入面都係傳統拉麵舖嘅風格， 真係彷如置身日本食品拉麵呢不過最吸引到我＜本小兔＞嘅目光，都係牆上既貓貓壁畫， 日本浮世繪風格嘅貓貓食拉麵＜香煎豬肉餃子＞講返食物質素先，餃子煎得夠香脆，入面嘅餡料都好夠味，即使唔使點豉油或者其他醬汁都好好味＜大盛叉燒炸雞拉麵＞＜獅子老公＞比較大食， 所以照店員建議叫左呢個大盛拉麵， 有叉燒又有炸雞， 即時心心眼忍不住先趁熱辣辣呷一口豬骨湯底， 味道濃郁之餘，質感香濃幼滑， 襯拉麵真係一流另上既炸雞外面雖然炸得香脆可口， 但內裏肉質依然嫩滑juicy， 超邪惡的半熟嘅溏心蛋亦係亮點之一， 醃到入曬味又滑溜溜的＜櫻花蝦龍蝦湯拉麵＞本小兔見到至愛嘅龍蝦湯底當然要一試！！ 除咗湯底不同而且加有大量櫻花蝦外，同老公果碗一樣有叉燒同溏心蛋， 真係一次過滿足曬大家唔同嘅願望呷一口龍蝦湯底，滿滿嘅龍蝦味即時充斥住整個口腔， 除了龍蝦獨有的甜美外，就是鮮！日式叉燒嘅肥瘦適中，入口香軟柔滑，豬肉味道濃郁， 好吃好吃爽滑彈牙嘅拉麵掛滿濃濃嘅龍蝦湯汁之餘， 仲沾

放工去太古城買野，順便試呢間新開既拉麵，平日夜晚仲完全唔駛等位添Menu係前後中英對照櫻花蝦龍蝦湯拉麵唔只蝦既味好入味，龍蝦既鮮味亦都好出，兩者缺一不可，令到成個拉麵好濃味好正由於個湯太好味，想叫碼再飲，就問下個店員得唔得，點知又得喎石鍋龍蝦湯海鮮泡飯一食入口有好重既忌廉味，以為會好擠好飽，點知食落又唔係咁，係有淡淡既忌廉吊味，成個飯好易入口香煎豬肉餃子煎到個皮有少少脆，入面既肉好有鮮味，好食菠蘿橙碳酸飲品幾驚喜，估唔到會有呢隻野飲呢

終於係博多返左泥香港，超級掛住福崗美食經過見到呢間拉麵店新開，好似唔錯甘，走左入去試下牆壁上有貓咪侍應，貓奴可以近距離欣賞下主子個貓樣。各位留意返，點餐紙係一人一張，第一欄係拉麵類，揀完拉麵，揀麵質、蔥量（有或無）同叉燒種類。去到最底果欄加錢要飲品或甜品。得意貓咪牙籤桶賣相比想像中靚，隻蛋幾入味，軟硬適中叉燒最面果塊一般，最底果塊夠冧，肥膏剛剛好炸蓮藕麻麻，太油、凍左唔脆，硬湯底偏重口味，濃、咸。麵質我永遠都揀硬，怕煮得太冧，結果硬係適中既感覺，所以整體都幾好味，而我最鍾意係隻蛋櫻花蝦幾多隻，幾香湯底濃，有龍蝦味最後送上餐牌俾各位參考如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️