新蒸武門 (已結業)

A姐自從玩咗瑜珈之後，就少咗煮飯喇。我好想飲湯！我好想食住家飯呀！A姐知道咗我心聲之後，佢終於...帶我去食住家飯喇！呢間位於觀塘駱駝漆大廈嘅新蒸武門，主打家常小菜，仲標榜無味精，清淡又夠健康，真係好有家嘅味道，咁A姐以後就可以安心玩瑜珈啦！脆皮墨魚條夏天就特別鍾意食香口嘢喇，呢個墨魚條外皮好香脆，唔算太油膩，入面有超多墨魚粒，好有口感。冰鎮鮑魚鮑魚無用太多嘅調味，令你可以食到鮑魚嘅原汁原味，爽口又有口感。猴頭菇海底椰燉湯原盎上嘅燉湯，夠晒足料，猴頭菇索晒湯嘅精華，好滋潤！豉油皇虎蝦隻隻蝦都好大隻，仲好新鮮彈牙！而豉油味香濃，仲帶出蝦嘅鮮味，而蝦嘅表面鋪滿炸蒜，好香口。時菜炒龍蠆球龍蠆球份量唔少，夠厚肉又無骨，配上西蘭花同三色椒，色香味俱全。蟲草花荷葉蒸雞用上蒸籠同荷葉蒸雞，令雞嘅味道多咗一份荷香，雞肉嫩滑多汁，好好味。金菇蒸豆腐淡口嘅豆腐就一定要配上濃厚嘅茨汁，除咗金菇之外，仲有冬菇同索晒味嘅粉絲，口感軟滑，撈飯一流。欖菜肉碎炒飯欖菜味道咸香，用嚟炒飯就一流。而呢個欖菜肉碎炒飯好有鑊氣，好惹味。By A姐M佬

雖然農曆年食咗好多中菜, 食到個人有啲悶, 不過好似媽媽煮的無味精餸菜, 我係食幾多唔會抗拒的因為唔想選擇困難症發作, 就order了 "家常2人套餐"- $450我期待的八寶茶呀~|八寶茶有...紅棗、杞子、菊花、桂圓肉、山楂、茶葉...等等是日燉湯 - 淮山杞子姬松茸響螺燉豬展, 係咪睇到啲食材已經夠氣勢, 燉湯超熱 (好滿意, 湯一定要夠熱先好飲), 而且好清, 味道有好香的菌味, 飲用的時候就會感覺到肉類 (豬展 + 響螺)的肉香味, 姬松茸呢個名聽過好多次, 不過真係食落肚就真係第一次, 知道佢對提高免疫力有幫力, 所以即係成個食咗, 響螺片唔係薄薄一片, 有咬口的涼拌皮蛋豆腐 - 呢個涼拌我本身已經超鍾意, 醬汁味道剛好, 唔會太咸, 皮蛋切碎晒, 啱晒我呢啲懶人, 用個湯匙就可以一啖放入口...北菇魚肚扣鮑魚 - 呢個餸我覺得最驚喜係魚肚, 可以吸盡北菇 & 鮑魚的精華北菇超厚肉....炆的好入味, 鮑魚口感好好, 唔會好似食「擦紙膠」咁乾燒明蝦 - 超開胃的餸菜, 蝦肉夠爽口, 用上酸酸甜甜的醬汁, 再加上微量的辣椒, 令蝦更惹味荷葉香菇蒸雞 - 其實我唔係咁鍾意食蒸雞

不少餐廳為了令食物味道更美味，都會放了不少味精，但有時食得味精太多都會無益。有一間位於觀塘工業區中的一座駱駝漆大廈中的中式餐廳，它是一間主理無味精的住家飯的「新蒸武門」，有一次無意在工廠大廈逛街時發現，取了一些門外放置的傳單餐牌在回家看。是日放工後約埋家人一同去了「新蒸武門」食晚飯。雖然餐廳在工廠大廈中，但裝潢是沒有一點馬虎，牆身、椅子、茶盅都是以紅色作主調，再用黑色的木枱及天花作出強烈的對比的顏色，再加上棕色的簾幕及光明的燈罩，更富有東方的傳統色彩。一坐下來，店員已經為我們斟水，奉上了養身的八寶茶，說明是八寶茶，當然會有八種的配料沖泡而成，八寶茶內有菊花，胎菊，杞子，紅棗 ，山楂，烏龍茶，甘草，圓肉，八寶茶清潤材料為主，都是良性溫補，菊花又可以清熱、烏龍茶又可以去油膩，再呷一口茶水，感覺好清新，味道帶微甜微酸，散發著淡淡菊花香氣，飯後再飲多些八寶茶，更有助消化之效。不少菜式都是好似平時在家食的家庭小菜，而且沒有加放味精，讓我們食得更放心。我們都不想食太重口味，今次交了給我發辦，先來食點了一些餐前小食及燉湯先。店員大力推介了是日的燉湯「茶樹菇淮山杞子螺片燉豬展 」，我們一人各有一盅，每

對於每天3餐都出街食既人黎講, 多渴望有餐住家菜食, 家庭式菜式, 無味精靚湯, 唔花巧, 或者係你同我由細食到大既餸! 呢間名字咁搞鬼既食店, 與食物聯埋起上黎會諗到健康簡單, 皆因"蒸"者, 係比較健康既烹煮方法!食店面積普通, 配上鮮紅色椅子好搶眼, 坐得幾舒服!呢到既茶唔係一般食店所飲到既中國茶, 呢個用焗盎侍用既係八寶茶, 材料包括菊花, 紅棗, 圓肉等, 倒入熱水焗一陣就飲得, 飲得人好舒服, 侍應仲會不斷主動加水, 好細心!呢度供應套餐/散叫, 價錢合埋, 菜式真係好屋企FEEL, 望下套餐都幾岩胃口, 就唔諗啦!先黎個冷盤, 包括燻蹄, 牛展及鮑魚, 三款都味道可口, 份量岩岩好!期待既時候出場啦, 有燉湯飲, 今晚呢款係猴頭菇燉雪耳鷄, 欣賞佢夠晒熱, 湯味夠清, 不燥熱又滋補, 夏天飲都好適合呢款蒜蓉蒸頭腩, 底層有勝瓜及粉絲, 索晒頭腩既精華, 食落好鮮甜, 而個頭腩配以果皮絲一齊蒸, 食到陣陣果皮香味, 質感腍滑!荷葉香菇蒸鷄, 荷葉, 金菇菜及粉絲鋪底, 配以開邊紅棗, 杞子及香菇一齊蒸, 鷄肉夠鮮嫩!蒜蓉炒菜芯呢碟賣相真係好有屋企FEEL, 蒜蓉味好香, 菜