上海老家 (已結業)

自從加份酸菜魚關注組之後就勾起食酸菜魚嘅念頭， 然後發現呢間位於大角咀嘅小店做緊優惠，雖然優惠已經喺4月尾完結，但佢啲水煮系列好似好吸引，於是約 @heaeatwalk 一齊去試下。同店員言談之間知道小店開業咗兩年，由60多歲嘅何師傅及其兒子主理，何師傳入廚超過50年，更曾經喺山頂某富豪屋企做私人廚師，廚藝一定有保證。今次為水煮系列而來，立即落單！水煮牛肉 $148上桌嘅辣香已經令人流哂口水，紅噹噹的湯裡面有牛肉、木耳、大蔥、花椒、辣椒乾等等，最特別係加咗蒜蓉，令味道唔會只係得死辣，而係辣得有層次。鮮牛軟滑有牛味，最後梗係要食埋索盡辣汁嘅薯粉，唔會太腍又彈牙，份量夠哂兩個人食，超級滿足！重慶口水雞 $68重慶辣汁香濃又惹味，而且唔會太過辣而搶過雞味。店員話大廚選用新鮮雞，所以有雞味之餘，肉質都好滑溜，連雞皮都好鬼滑，引唔住一舊接一舊。
四川肉炒椰菜花 $138椰菜花好鮮甜，同時有微辣增加風味，絕藝唔好錯過有鹹香嘅四川菜，如果唔係食太多薯份，真係想叫多個白飯。小店位置有少少隔涉，以街坊客為主，食飯果時都見到有好多外賣訂單，相信都係區內好味之選。店員好友善，雖然第一次去都好好傾，呢啲就係小

🖼遊走舊社區🖼推介指數 ❤️❤️❤️❤️❣️充滿歷史文化嘅大角咀，在1928年至2000年間由工業區、工業同住宅混合區、輕工業同車房、重建項目、大型屋苑等，近年逐漸變成傳統文化夾雜新興甚至中產文化嘅特式社區。有人自然需要食，唔少食肆進駐，例如酒吧、韓式、cafe、burger、糖水舖、日式、泰式、越式、打邊爐、手搖飲品等等，住附近嘅街坊好幸福呀！最近天氣悶熱好想食辣嘢，就約埋朋友子搵食刺激下味蕾。游走到中滙街有間小店大大個紅燈籠响門口，望入去座位寛敞，主打上海菜嘅上海老家，一於試吓！2個人1個主食、1個小食同1個菜，已經捧住個肚仔啦！🌶水煮牛肉 HKD148✨未上檯已經聞到香辣味，外觀令人流口水啦！牛肉味濃郁，肉質食落軟滑，熟成程度剛剛好，而且份量足料，大滿足！✨配料有辣椒乾、芫荽、木耳、大蔥、蒜蓉、薯粉，味道好多層次。辣度控制得剛剛好，一啖接一啖食，特別係薯粉Q彈，吸哂啲汁，好好食！🌶重慶口水雞(例) HKD68重慶汁惹味，口水雞雞皮又爽又滑，雞味濃郁而且軟滑又唔乾，嗜重口味人士要試！店員提及佢哋用上鮮雞製作，所以雞有雞味，大推呀～🌶四川肉炒椰菜花 HKD138保持均衡，有肉有菜感覺健康啲嘛！