AnyMomentCafé

营业中

休息中

今個週末又陪太太周圍搵野食，今次就黎到呢間樓上CAFE，不過想講餐廳嘅位置比想像中搵難要係大廈中間條巷仔轉入去就搵到，入到去老闆非常親切同好健談另外亦見到非常多board game可以玩，啱晒一大班朋友黎玩同吹水，呢類型比你慢慢坐同玩嘅餐廳真係愈黎愈難搵好啦 講返野食先~~♡拿破倫肉醬煙鴨胸♡第一眼佢嘅白飯整左做公仔造型，非常吸睛啱晒黎打卡，另外佢嘅醬汁再加左芝士粉再配埋白飯，非常之好食，夠哂飽肚!!!♡卡邦尼煙三文魚♡醬汁方面唔會話太咸剛剛好，煙三文魚嘅份量都好足夠，但重點想講一般出面嘅煙三文魚都會偏咸，但佢就唔會話太咸，味道恰當，非常推薦呢款比咁多位♡瑞士雞翼♡雞翼口感非常嫩滑同多汁，同埋煮到好淋，醬汁亦唔會話太咸，雞翼愛好者一定要試試佢!!!♡水蜜桃梳打 & 蜂蜜蘋果雪梨荼♡飲品方面分別叫左水蜜桃梳打同蜂蜜蘋果雪梨荼，水蜜桃梳打真係用新鮮水果打碎去整，一滴甜水都無加都已經好甜另外蜂蜜蘋果雪梨荼一樣用左蘋果同雪梨，飲落非常有果香味同好清新，亦好適合解油膩感整體黎講，呢間樓上CAFE除左有個空間比大家慢慢吹水同玩Board game，食物質素亦非常之高，最後唔記得講如果大家有興趣去記

今日嚟同friends旺角食飯, 想搵個可以傾耐啲的地方就揀咗呢間樓上Cafe。門口有啲難搵，喺登打士街鐵火堂旁邊嘅巷仔轉入去。呢度有好多board game 可以玩，地方唔係好大，所以最好預約左先來。老闆見我哋點餐有選擇困難症，都會推介菜式。🌱羅勒海鮮意粉上碟聞到好香羅勒味，蝦同蜆肉炒得好香，意粉軟硬適中，炒得好爽口，用咗少鹽少油配方，味道唔會太鹹。咖喱安格斯牛柳粒螺絲粉咖喱好香濃，少少辣多多咖喱香，牛柳粒肉質幾鮮嫩，唔會炒到過老，螺絲粉亦煮得恰到好處，掛汁唔錯。地中海香蒜雞柳意粉🍝好香蒜味，雞柳炒得好香，意粉有少少辣好惹味。卡邦尼碎煙肉三文魚意粉卡邦尼醬汁比出面食到的杰啲漿啲，芝士味好濃郁，唔太食到煙肉，煙三文魚幾大塊幾新鮮。養生茶喺餐牌入邊係搵唔到，係老闆推介，我哋叫咗一款潤喉茶同一款補氣血茶。用料幾豐富，氣血茶有桂圓、紅棗、金盞菊、玫瑰花、黑枸杞等等，具補血補氣同暖宮驅寒之效；潤喉茶有桂花，菊花，千層紙等等，越飲越回甘。🍑水蜜桃梳打梳打夠晒氣，幾清甜不過冇水蜜桃酸味，偏向少甜配方。

同朋友兩個gathering，想搵地方少人傾下計，見附近有樓上cafe食評唔錯就上去試一試平時最怕cafe好睇唔好食，估唔到小街入面嘅cafe有驚喜我哋7:30去到，仲有一兩張空檯，唔洗等位就入得。不過下次都係book定檯好d8:00左右已經坐滿人一出電梯，見到全店連走廊嘅牆身都有海洋牆紙，有種神秘感覺。全店只有5張檯，卡位梳化，燈光柔和，感覺幾舒服一入門口右手邊已經見到排山倒海嘅Boardgame，目測都過百有好多都未玩過，不過見店員會教玩，幾窩心，又提我哋點玩同規則跟餐+$12嗌咗杯水蜜桃梳打，估唔到係水蜜桃果蓉再自己加罐裝梳打水，真係一杯有多！粒粒果肉，似係冇另加糖水，清新得嚟又唔會好甜朋友就嗌士多啤梨梳打，都有唔少果肉超級推薦：韓式牛肋條意粉原本想配天使麵，但店員建議配意粉夾d，天使麵會太淋，果然意粉係一齊煮，硬度剛剛好非常入味意粉汁甜甜地，有牛肉嘅香味，好惹味！牛肋條有3-4大舊，咬口軟淋，完全唔嚡口另外，朋友嗌咗地中海香蒜雞柳螺絲粉，上檯時已經聞到陣陣蒜香螺絲粉炒至乾身入味，加埋炸蒜一齊食，口感豐富惹味，雞柳都滑嫩兩個餐分量都唔少！平時最怕cafe食唔飽，但依份絕對夠男仔飽

朋友話想搵個地方食下嘢傾下計，上網見到呢間幾抵玩。一入門口，店只已經好熱情。坐底之黎，叫左一個地中海香蒜雞柳螺絲粉同韓式牛肋條。一上枱已經聞到好香！雞柳份量唔係好多，炸蒜同埋個螺絲粉好夾，少少辣，好惹味😋本身想叫天使麵，但落單個陣店員同我哋講因爲個汁嘅關係，意粉會比較好味，亦同我哋講咗係唔辣，帶少少甜。食完兩個主菜，每人叫咗杯嘢飲同一個小食繼續傾計😛雞翼炸得好香，好快就食曬😂嘢飲方面，兩杯都有果肉係入面，不過枝吸管飲唔到，要用匙羹😂門口隔離其實有一埋 Board game，今次得兩個人，淨係玩得好少款，下次約多d朋友上嚟再玩過！

依間樓上cafe有種隱世嘅感覺，因為幢大廈嘅入口係起後巷入面。餐廳俾人嘅感覺好溫馨，尤其係因為老闆好friendly，會主動同客人傾下計。另外cafe仲提供咗好多款board game俾客人玩，可以話係總有一款啱你，老闆亦唔會話一見你食完野就想你快d走咁，一班人約嚟依邊食完野再玩就啱曬la。芝士薯條份量都幾多，雖然冇拉絲嘅效果，但係個醬好好食，似係芝士再加千島醬嘅感覺，唔會話好易膩。蜜糖雞翼食落口超級熱，應該係即叫即整，雞翼有炸過嘅感覺，加埋蜜糖，令人有種停唔到口嘅感覺。咖哩安格斯牛柳粒螺絲粉老闆特別提我地牛柳粒要襯熱食，如果唔係會變硬唔好食。我同朋友都感覺份碟意粉份量大得嚟又好食。拿破崙肉醬煙鴨胸意粉佢依邊嘅主食份量都好大，無論煙鴨胸定意粉嘅份量都好多，肉食得出有唔少蕃茄粒，性價比好高。水蜜桃梳打唔會死甜，飲到有好多果肉，幾好飲。朱古力特飲好濃朱古力味，朱古力迷必點。