好好運快餐店 (已結業)

人人嚟好好運都食沙嗲牛肉麵，上次試過覺得醬料太濃有點鹹（我已經係一個無醬汁不歡，食嘢味道喜歡好濃烈嘅人，我都覺得佢過咗火少少），不過舊牛肉就真係大大舊，唔係潛水都夾唔倒嗰啲。今次跟網上介紹試吓個雞中翼酸辣米粉，超級正！驚喜在有芽菜之餘，仲有雞腳，又有排骨同冬菇，蕃茄和檸檬片，檸檬片好香都食埋😻雞中翼竟然有4隻！後追加一份花生醬西多士🥪諗住連下午茶都👅埋😹好足料唔係是但塗少少醬😋大滿足🈵️我哋星期六十二點半左右去到，等咗幾張枱就有位🪑離開嘅時候條隊已經排到出走廊，龍尾就嚟去到大廈大堂了

今日去荔枝角嘅市集支持下朋友就順便黎呢間沙嗲牛關注組第一名餐廳朝聖。正門要經過一個商業大廈嘅lobby先去到。因為過左lunch時間先去，我地等左5分鐘左右就已經有位喇。我今次叫左沙嗲牛肉麵餐$52，包括馳名沙嗲牛肉麵加兩款餸同飲品。我選擇左要午餐肉同炒蛋。第一啖食嘅時候，食到濃濃嘅沙嗲味，好正。另外，午餐肉煎得好香好脆，炒蛋炒得好滑有蛋味。另外，我仲另加配料一份-秘製豬扒。呢個豬扒啖啖肉，非常好味。

走來這裡進餐的，或許有一小撮人如我者，是看了網上沙嗲牛肉麵群組，評選好好運為香港之冠。另外幾間榜上有名的，如九龍城方榮記、元朗順記、連鎖紅茶、慈雲山榮記亦曾訪過，反之冠軍店舖好好運從不見經轉，猶如天外飛仙，橫空隔世般降臨於大家眼前。結果出爐後，曾想過即時朝聖，但傳說營業時間只方便附近上班一族於星期六日休息，及經常中午售罄沙嗲牛肉，怕自己白走荔枝角一躺，便擱置了朝聖計劃。直至群組知道它停業、搬遷、及新店開張，便特意找一個平日下午前來，位置相當難找，門面不顯眼，容易錯過。最終將車輛胡亂泊在附近停車場，步行細找。看著地圖來到大廈，幸好門前有易拉架告示此為好好運餐廳，否則根本沒可能知道。按圖索驥，要進入餐廳，需繞過大廈接待處及卸貨區，才到達正門。內裡裝修簡潔，白色燈光形造乾淨感覺，典型港式茶餐廳佈局，十數張卡位及圓檯，加上水吧櫃檯、門口收銀處，招牌霓虹燈配以宋體好好運三字便能營運。當然要嘗試招牌之沙嗲牛肉，可選擇麵或飯餐，午餐$50左右，合理價格，但盈利頗高。估計店主知曉自己生意火旺，便加價賺取更多報酬，但又愧對客人，於是刻意地在麵餐額外多送兩款配菜吧。【沙嗲牛肉麵】以大容量碗具盛載，特別點是

搬咗新鋪之後心心念念咗好耐終於嚟食！舊鋪食過一次覺得係驚為天人嘅不過同時都排隊排得好痛苦😂依加新鋪唔洗等好開心👏🏻-🍜沙嗲牛肉麵 $50牛肉好足料，感覺有其他茶餐廳差唔多兩倍份量，肉質算幾淋又唔會無曬口感，唔太多筋唔會韌。最重要係沙嗲醬真係非常香濃，不過其實咁濃味都偏咸左少少😂見有啲人食走湯嘅撈麵版本真係有啲擔心食完要洗腎😂公仔麵上枱第一啖明顯淥得唔夠耐硬左少少，之後浸住食左陣就變番岩岩好。唔知係佢原本想大家食到一半啲麵都唔會淋曬先一開波就唔淥咁耐，定真係純粹太快撈起左🤨-總結：非沙牛麵死忠覺得的確係我食過最好食嘅沙牛麵，但係要我再排咁耐就未必，搬左新鋪自己預下時間唔洗排隊肯定有得encore😋

今次特登黎到沙嗲牛麵最人氣鋪頭，自己平時早餐都好鍾意食。我平日晏就黎都要排左大約十分鐘先入到去。鋪頭唔算大，所以坐得都有少少逼，工廠區快餐店都可以接受。我就叫左個沙嗲牛肉麵餐加雙蒜蛋，盛惠$48蚊，午餐黎講都算正常價。食落的而且確好香又好濃既沙嗲味，加上有少少甜甜地，成碗野都唔會太咸，值得一讚。如果鍾意沙嗲牛既朋友都可以黎試下，但如果排太耐既話，對於我就唔值得等咁耐LU。總括而言，成間餐廳價錢食物質素都幾好，係環境坐得唔算太舒服，有d逼住快d走既感覺，但都可以一試。

被沙嗲牛肉麵關注組熱捧嘅好好運快餐店，的確唔錯。食得出成個麵都好用心。沙嗲汁食落有驚喜，唔會死鹹，沙嗲味好香，還加入了洋蔥，成為一個頗獨特的沙嗲汁。牛肉分量多大塊，肉質鬆軟冇渣冇根。麵底係用特級大光麵，麵身偏硬且掛汁，就算食到最尾都唔會話浸到好林。比出前一丁更有咬口。每一口都好有沙嗲味。煎蛋煎腸仔全部煎得好靚！加分！如果唔洗排隊，絕對值得一試。會對沙嗲牛肉麵有新睇法✨❗️注意 ❗️1️⃣ 新店個入口好隱蔽，搵到半島大廈之後，喺呢道門推門入去就係🤨真係好神秘。果然係隱世美食😂2️⃣當日是星期六下午2:00去食，不用排隊就食到。想不用排隊可以考慮星期六去。星期日休息🚫不要摸門釘😉

沙嗲牛肉麵關注組 推介嘅沙嗲牛肉麵今次跟關注組推介專登去試食😆超級抵！$48 一碗沙嗲牛…. 都仲可以自選2 樣配料（腸蛋腿etc）…. 仲再包埋嘢飲！🉐沙嗲味幾香濃，有花生香，味道幾有層次。另外大光麵煮得剛剛好，仲彈牙唔會腍哂😌當日星期六早上11點左右到，好好彩唔洗排隊就食得。食完12 點左右已經有人龍了。如果怕好長龍，建議可以早小小到，避開午巿人潮🙂唔知係咪全港最好沙嗲牛，但一定係性價比高，味道不錯嘅沙嗲牛😋 值得一試🥰

見到香港沙嗲牛群組鋪天蓋地嘅宣傳5月22日重開，本身諗住下個禮拜平日去試一次。咁啱有朋友話要出荔枝角，幫我望話冇人排隊，就改變行程直接去。.下晝點幾到前面排一個，點知企定都冇60秒後面開始出現滿滿嘅人龍。真係多謝朋友提點我行快啲再行快啲。.沙嗲牛肉麵 💲33⭐️ 4.5/5佢個沙嗲汁底好濃好香，但係花生味唔算重，唔食花生嘅我覺得還好。牛肉滑但係牛味唔算重，但加埋已經夠晒分，好食過我平日食開。.公仔麵就正常水準，我太耐冇食過公仔麵所以食到見底。湯係濃濃嘅沙嗲汁湯加咗唔少分。.加料：叫咗煎蛋（一隻好細隻）、紅腸、午餐肉全部係正常水準。網友大推紅腸我覺得係正常下次唔會再叫。.熱奶茶💲+8 (跟餐）⭐️ 3/5奶太重茶唔夠香唔算係我杯茶，正常水準.🔴餐廳喺工廠大廈好似仲未裝修完咁，只係開一至六嘅日間時間。如果排隊時間少於15分鐘可以再戰🙉🙉🙈 .不專業食評 nei.foodie

.📍好好運快餐店📍 #饅頭去荔枝角呢間食沙嗲牛嘅知名鋪頭一個月前重開，入口位置非常神秘😌，平日晏就去都有人排隊，因為小編係一個人，所以去到就有位。------------------------------沙嗲牛肉麵 加煎蛋 ($33+$6)又真係幾好食，佢哋嘅沙嗲醬比坊間甜，落得好重手🙈，幾乎成個湯底都係醬， 質地濃稠唔會好嚡，蒜頭、洋蔥同其他辛香料味道非常霸道😍，花生香係後續而嚟，整體有啲似有少少鹹嘅印尼沙嗲醬，食完陣味係可以留喺個口成日； 而面頭嘅蔥花亦係呢間店嘅另一個特點，增加香味之餘😋，可以令碗麵帶點清新。至於牛肉唔會切到好碎，幾大塊，份量都算多，肉質正常冇話好嫩滑，有幾片都有啲筋位增加嚼口；麵煮到啱啱好💯，爽彈掛汁，每啖都非常香口惹味；至於嗰個煎蛋主要用嚟影相🤓，味道一般，小編自己煎得仲靚啲，可以唔加。整體嚟講確實唔錯，但未算好surprise，食到最後真係好_鹹，強烈建議大家帶返枝大樽水飲💧。------------------------------整體評分：7.7/10小編回頭率：7/10佢哋晏晝都好多人排隊，小編見到啲夥記都望到手唔停，依然保持到禮貌。但係， 理解還