牛気 (雅蘭中心)

营业中

休息中

難得有得放早個幾鐘，當然想早啲食飯早啲番屋企休息啦！上網見到呢間日式火鍋都有好多笑臉，一於就嚟試吓先！不過好彩我放早咋，因為坐低後去拎嘢食，已經見到好多人排緊隊喇！早到早享受一向鐘情於甜豉油湯底嘅我哋，決定會一會呢但甜豉油加棉花糖組合！先落牛脂肪粉，融咗啲油之後就加入洋蔥炒香！未食就已經聞到好香牛味同洋蔥香喇之後加埋棉花糖落去炒，炒到融之後就加湯，等滾起就食得！呢個簡直係視覺同味覺嘅享受呀等湯底ready個時，食住三文魚剌身先！剌身色澤唔錯，而且切得厚身又肥美，食落好有魚油香，正！之後仲拎咗個沙律嘆吓先！自助沙律bar都有幾多選擇，最鐘意係個小蕃薯！細細個又甜又有少少粉，最好係凍凍地，唔會食完太濟！難得去覓食，揀咗和牛級，肥瘦適中，份量幾大碟！和牛淥一淥就食得！雖然唔係入口即融噤誇張，但就好嫩口，牛味好夠！屋企人食到停唔到口，足足食咗三大碟呀除咗牛之外，仲有豚肉同雞肉任食！豚肉切得薄，唔駛等太耐就食等！雞肉係淥幾耐都保持到噤滑身成為今餐嘅黑馬！翻本之選嘅海鮮拼盤！好多種類下！食完仲可以指定種類refill!帶子肉質結實唔鬆散，生蠔又新鮮，淥完又唔會縮太多今次淨係我自己都食咗兩大盤，抵呀

都有一段日子無嚟食涮涮鍋喇，近日有朋友搵到間好嘢，位置便利，質素中上，覺得間餐廳做得有棄舊圖新之感，吹雞一聲，欣然赴會。地點，就晌旺角雅蘭嘅牛氣，初時仲以為晌雅蘭裡面，兜咗個圈，先知門口開晌山東街喎 。餐廳原來都幾大，鋪位好深，一室木啡，柔和舒服，卡位佔多數，而卡位背做得偏高少少，唔使同隔離枱你眼望我眼。90分鐘限時任食，價錢就以揀咩肉類 / 海鮮套餐計，由最平嘅嚴選美國牛肩肉$158，到最貴嘅極上澳洲和牛牛肩肉$378，一共5個級別，當然，質素就一分錢一分貨喇。每一款套餐唔會得一款肉嘅，只喺越貴嘅就提供嘅肉類任食更多。如想食得更抵，午市每位減$40（11:30am-6:00pm，最後入座4:30pm），一喺就宵夜時段，每位減$30（10:00pm-2:00am，最後入座0:30am） 。鍋底亦喺一間涮涮鍋好唔好嘅重點，牛氣嘅鍋底共有7款，北海道昆布、蕃茄龍蝦湯、博多豬骨湯、昆布辛口地獄湯、韓式辛味泡菜湯、三文魚味噌湯及壽喜燒甜醬油湯，款款都各有特色 。我哋揀咗壽喜燒甜醬油湯，不過，原來個鍋嚟到仲要搞一輪，用啲油脂爆香，加大蔥炒，又棉花糖作為壽喜燒嘅甜味，最後倒入混咗醬油嘅壽喜燒

日式放題愈開愈多，漸已取替酒店自助餐的地位。現在的酒店自助餐不是貴得咋舌，就是質素參次。不同派系的日式放題中，個人最愛的是日式涮涮鍋(Shabu Shabu)。特別對壽喜燒情有獨鐘，幾乎是每次必點的。試過不少Shabu Shabu，個人的心水是日牛和Mou Mou Club。有天經過旺角，收到牛気的宣傳單張，便相約同好此道的友人同往。可能是新店的關係，客人不多，不用大排長龍。位處雅蘭中心一樓，就在我常光顧的宮崎日式燒肉旁，方便就腳。店面十分寬廣，劃分兩個用餐區域，中間區域放置放題食品。雖然兩個區域都方便，但論環境就是有大玻璃窗的那一區優勝。感覺牛気走的是涮涮鍋高檔版，除反映在價錢外，店的裝潢甚有格調，深淺木色交錯，而且光線充足。對於不善下廚的我是賣點，最起碼不會誤吃未煮透的肉類吧!先看看餐牌，像一般涮涮鍋一樣，就是以牛的質素區分價格，不同的是餐牌上圖文並茂，價格愈高，肉看上去的品質愈高。最便宜的嚴選美國牛肩肉放題是$158，而極上和牛牛肩肉放題是$378本是屬意價格較相宜的的嚴選澳洲和牛牛肩肉放題($318)，不過我那牛痴朋友很想一試極上澳洲和牛牛肩肉放題($378)。我就只有捨命陪君