唐宮小聚 (新城市廣場三期)

营业中

休息中

適逢父親節，妹妹安排在唐宮小聚晚飯，中菜適合父母輩，中菜之中增添一點創意，就同時能滿足較年輕的一輩。雖然已訂位，但都要等候20分鐘左右才能入座，全場滿座！節日來光顧就必須要訂位啊～～原隻鮑魚酥 ($69/2件)，size剛好一口一件，曲奇皮撻底，餡料有黑松露醬菇菌，面層是鮑魚仔。鮑魚柔軟易咬，帶淡淡松露香，撻皮鬆化。非常山竹 ($59/3件)，山竹的造型，紫色外皮是由糯米粉製成，口感脆得來又帶點煙韌，內餡是蟹肉與龍蝦汁，味道不錯，但不算特別鮮美。黑金流沙 ($59/3件)，流沙包包體飽滿，軟熟輕柔，流沙奶黃餡夠流沙，必定要趁熱食！沙田乳鴿 ($45/隻)，幾乎每枱都有點乳鴿，所以乳鴿都是熱焫焫的上桌！乳鴿又脆又嫩口，肉汁豐沛，調味恰好，不會過鹹～脆蝦多士 ($89/3件)，原隻鮮蝦連同多士一併炸得金黃，面層鋪有松露醬。蝦多士炸得香脆可口，入口又不會太油膩，松露醬增添香氣。大肚婆炒飯有蟹肉、蝦仁、豆、粟米，特別在於用上薑米，炒飯夠乾身，帶微微薑的香氣。味道算是可以，並不特別出色。冰鎮咕嚕就是將煮好的咕嚕肉放在冰面上，冰鎮送上，凍食咕嚕肉。咕嚕肉酸甜度平衡又啖啖肉，惟份量少，$119是偏貴

午餐在「唐宮小聚」，和朋友點選二人套餐$460：沙薑豬手、沙田乳鴿、冰鎮咕嚕肉、煸四季豆、黑松露墨汁餃、桂花凍糕。沙薑豬手~是冷盤小食，味道調較得很好，豬手也被大量去掉骨頭，很讚！沙田乳鴿~超細的BB鴿，味道和肉質都不錯！冰鎮咕嚕肉~很香脆的外皮，肉質腍滑。煸四季豆~油偏多，但沒有撕除豆莢的邊緣與蒂頭處的筋膜纖維，吃得不爽，但味道是挺好。黑松露墨汁餃~很濃郁的黑松露香味，肉饀尚可的。桂花凍糕~凍糕加入桂花和饟清酒的酒米，口感別有一番層次。

經常晚飯時間勁多人等位。同事曾講過佢嘅乳鴿好食。終於鼓起勇氣一試。今日晚上7點15分星期六唔多人。奇怪～😊一入去見到透明又濶嘅玻璃窗原來係廚房，望入少少見到六層左右乳鴿無遮掩放在廚房枱等上菜。即係佢哋一早造好乳鴿，客人下單了，去一翻熱便可上枱。沙田乳鴿好似有南乳味，熱辣辣。有手套供應。無香味，越食越咸，有少少火爐味。沙薑豬手沙薑考刀功? 一粒粒。整體味道較疏離。但比起其他幾樣菜，已經比較正常。蘿蔔蝴蝶酥以前食北x樓嘅蘿蔔絲酥勁正。呢間味道可以，芝麻味香，但發現牛油紙好油，又可惜一啖咬落去表面有點靱，原來條紫菜和表面酥皮叠埋左一齊就靱了。鳳梨饅頭呢個造得都幾好，外脆，內裡是鳳梨，第一次食唔太甜。小聚梅酒 200ml本身味道唔錯，食咸野再飲佢就應該舒服哂，可惜唔能夠keep住有冰。個杯應該大d再加3，4粒中型方冰就正，依家咁就太甜。臘味煲仔飯好多油，臘鴨，臘肉，麻辣潤腸勁咸。麻辣潤腸勁咸又肥又粗。加瘦臘腸以美x貨。潤腸味一般。好唔明點解食店要用呢款木架? 又無安排2人上菜。個煲勁熱要1人上菜。請問1隻手拿著托盤 另1隻手可以點樣攞佢上枱? 真的不好拿。感覺傳菜員好辛苦，易生工業意外。食店真

今晚懶洋洋，大家都不想煮飯，於是買外賣回家。於是買了外賣二人餐。⭐️沙田乳鴿小小一隻，回家依然很香，乳鴿很香，外皮微脆，味道不俗。⭐️沙薑豬手這道豬手不俗，口感清爽，略帶酸甜味道，不錯喔。⭐️水煮魚片飯酸辣汁、菜和飯是分開的，未打開已經聞到一陣酸辣香味。有魚片、黑木耳、萵筍、寬闊粉、姜等。味道很香，入口也不錯，這份量足夠兩個人分享。⭐️西蘭花苗西蘭花苗含有豬油渣，所以聞起來已經很香。⭐️得意小豬最有驚喜一定是草莓乳酪凍，想不到拿回家絲毫無損，小豬仿佛躺在泡泡浴中泡澡。外表十分吸引，根本捨不得吃。入口酸香，因為這是乳酪凍，無論男女老少都喜歡。

吃到好趕，吃完胃痛😣半個鐘唔夠，就趕你走😑建議吃呢間，要8點前去!!星期五晚8點零去攞飛等位！9點前入坐！拿拿臨畫咗幾款想試嘅先～由於蟹、乳鴿、鴨舌都需要帶上手套吃，比較麻煩/需時。乳鴿都未開始吃，就同我哋講last order了，望一望時間9點3都未夠。當時只吃了蟹同3款拼盤小食，其他耶食都仲未上。就拎張單同卡機過嚟叫我哋埋數先。。一埋完就同我哋講，唔好意思！我哋要收啦😑然後就開行個冷氣，吹正頭頂個隻😑d乳鴿，點心乜都吹到凍曬其實我哋都唔想話阻人收工，既然甘早收就唔好放客入嚟，坐低又唔夠時間吃，或者入坐前講定卑我哋有個選擇嘛😑😑埋完單先講，嗌左甘多耶食想取消咁d又唔得😤相信唔係甘趕嘅話，d耶食會整得再好吃d🙄小聚拼盤點了冰鎮秋葵、醬汁鴨舌、沙薑豬手三款都好好味！！秋葵清爽惹味😋同個醬汁非常之夾鴨舌辣辣哋又幾過癮！個豬手不得了，爽口彈牙！好吃到朋友即刻再單點咗份陳釀醉蟹非常重酒香味，反而覺得太過濃味，確係小小一隻也是值得試上一試的！常餐最抵食之選，沒想像中迷你🤓都有常10小隻，味道也不錯！同時又係清淡之選啊好失望鮑魚酥唔酥鮑魚就尚可，個餅底硬到乜甘非常可愛嘅非常山竹！可惜吃個時已經凍曬

沙田係一個大家都熟悉既地方, 間中都會去一去, 但每次去到都一定好多人, 一般過到去都會搵下有咩食, 不過睇來睇去都唔係太多岩食, 最後都係來返 呢度, 一直都有食開呢間點都有 D 保證既, 而沙田呢間就應該係第二次來, 可能依家因疫情關係無左晚市, 所以午市都比較多人, 好彩有 GULU 呢個 app 可以搖距攞飛先, 去到都係等幾分鐘就有位, 基於二人限聚令關係, 每張枱既距離遠左, 感覺舒服左,  有禮貌既服務員仲埋來先介紹一下新出既凍食麻辣乳鴿, 問佢點解唔係熱食, 佢話凍食唔會咁辣, 但又食到麻辣既味道, 既然有咁既新嘗試, 梗係要試試啦, 點好咩食物, 大概等 15分鐘左右, 食物都開始分批咁上來, 第一次試食凍麻辣乳鴿, 感覺真係唔太辣, 亦保持到麻辣味, 只係因為天氣冷, 始終食凍野感覺一般般, 而且凍左既乳鴿 D 肉會比較實同煙韌 ! 其實食物都係不過不失, 始終大型連鎖店既出品都係會保持一定既水準, 加上好多時出來食野, 除左食物之外, 當然都係服務, 去過佢地 3間既分店, 總括來講服務都唔錯