MAZ Thai & BBQ (已結業)

泰國菜唔一定要去到泰國食先至最正宗，喺灣仔就有間正宗泰國菜餐廳啦。有傳統同創意兼備嘅泰國籍廚師，仲有同樣對飲食質素有要求嘅老闆。呢度一到夜晚就化身小型酒吧，同朋友們一齊飲杯酒食泰菜最適合啦。古銅色嘅招牌相當吸睛，復古得嚟又帶出現代感。餐廳橙黃色燈光俾人好溫暖感覺，裝潢都好別緻，有長形吧檯同沙發座位，分別兩種唔同風格。即叫即做嘅，有熟蝦、木瓜絲、腰果、辣度仲可以自己選擇，加入指天椒味道更香濃獨特，醬汁甜鹹酸辣樣樣齊，係開胃佳品！呢份薄餅共有8件，2人共享絕無問題。餅底係用雲吞皮特製，焗完後更香脆，仲非常足料！榴槤蓉鋪滿整塊薄餅，配上檸檬皮碎有另一種味道。陣陣榴槤味撲鼻而來，小編聞到都流曬口水，食落香甜而不膩，榴槤迷必食！有豬肉、牛肉、雞肉各2串，可以一次過滿足大家唔同口味。如果唔食牛肉，仲可以同餐廳提出用其他肉串代替，服務認真貼心。成個拼盤小編最愛牛肉串，肉質唔會太乾身又嫩滑惹味有咬感，沾埋沙爹醬汁甜甜地，香濃美味。用泰國黑豆豉、香茅、辣椒加入少量酒炒成嘅醬汁，同肉蟹搭配恰到好處。辣蟹非常入味，啖啖蟹肉都充滿豉椒味，肉質好嫩滑，完全停唔到口。

隨著金鐘商廈叢逐步向灣仔伸延，近年灣仔日、月、星街及蘭杜街一帶漸漸成為飲食界新寵，大大小小的咖啡室及餐廳紛紛進駐，早前行過蘭杜街見到一間新近開業的泰國餐廳，望落幾有情調似足外國小店，一向鍾情泰菜的筆者，遂即晚相約友人一試。餐廳走的是型格新潮路線，燈光柔和環境relax，店舖最入面的吧枱焦點匯聚，夠eye-catching，入口右邊放有兩行party table長枱，方便一大班朋友聚會，裡裡外外一貫西方品味餐廳夜店風格。筆者當晚來到小店全場早已爆滿，氣氛熱鬧，如不是下午預先訂座，恐防要輪候入座，平日也有這樣的號召力，實在不能小窺。提起泰菜，大家可能會想起冬蔭功、咖喱炒蟹等經典菜式，而筆者這個海鮮控反而第一時間會諗起“公車腩霸”(泰式生蝦的泰文發音)，那種鮮甜加上辣蒜的狠勁實在令人難忘。這裡的泰式生蝦厚厚QQ的，個人覺得應該是採用了虎蝦來做刺身，不是爽口彈牙那種質感，而是有點像甜蝦鮮甜帶膠質的口感，點一下店家自調的泰式酸辣汁，青檸香茅加上蒜香，夾上隨刺身奉上的小蒜片和辣椒絲一同入口，鮮甜冰爽，清新開胃，辣椒絲的後勁更是剌激，讓人吃得過癮，完全停不了口。跟著的是沙爹串燒拼盤，裡面有齊牛肉、豬

MAZ Thai & BBQ知道附近開了間新的泰式BBQ餐廳，所以前來一試泰式菜。泰式古法炒辣蟹 ($328):用上大量的豆豉炒製,食落好似豉椒味咁,不過都係第一次食用豆椒整既蟹,加上蟹肉爽口,好有口感,唔會太過霉味,絕對係新鮮蟹。鹽燒馬友 ($162):馬友原條既皮用快子輕輕一挑已經同魚肉分離,由於用上大量海鹽醃製,所以食落有一陣陣海鹽風味。加上魚肉本身鮮甜係必食之選。沙嗲串燒拼盤 ($68): 雞,牛,豬的配搭梗值係食串燒必叫之選,加上蘸上秘製沙嗲醬吃，味道十分惹味。香煎墨魚餅 ($86):香煎墨魚餅兩面金黃鬆脆，口感彈牙，十分惹味。加上墨魚本身的鮮甜味，令人手指大動,再沾特製的醬汁,可以話絕配。泰式雞翼 $48: 金黃的雞翼炸酊金黃鬆脆,配上泰式醬汁,令人有不斷食的衝動,加上雞翼鮮嫩,絕對係必叫小食。菠蘿炒飯（$88）:用上新鮮菠蘿炒製的海鮮炒飯,加上豬肉鬆同提子乾,咸咸甜甜,係一種對味蕾新的刺激之感。D24榴蓮沙冰（$38） :用上新鮮榴蓮打造而成的沙冰,入口有著濃烈的榴蓮味,絕對係泰式菜必飲之飲品．總拾來說,這裡食才上盛,價錢合理,絕對係泰菜朋友之福。