泰道 (已結業)

啱啱買咗架新車🚗，同老婆入去西貢游車河，今日天朗氣清，藍天白雲，好適宜去有戸外嘅餐廳，就選擇咗有海景嘅泰國菜，泰道，其實已經食過幾次，個海景180度，超級休閒，好似去咗旅行咁，我哋還入去前10分鐘，已經叫佢燒定半隻泰式燒雞，因為上次等左半個鐘頭，侍應推介呢個真係不得了，好食到痴線！有炭燒味道，雞肉完全滑，好的食呀！泰式生蝦，蝦都好大隻，食得出唔係生蝦，可能係急凍死蝦，但係個汁做得好好，可以彌補不足，咖喱海鮮，味道中中庸庸，我還叫咗蒜蓉包，用來點加喱一流，老婆仲忍唔住叫咗杯生啤酒🍻好可惜我揸車唔可以飲酒，我就叫咗杯芒果沙冰，都唔錯！超級大杯，優休閒閒一個下午，價錢唔會太平，兩個人食咗七百幾，但我覺得今時今日，又有靚景，又可以免費泊車，好過市區食飯啦

今日天朗氣清，朝早入左西貢兜左轉，好舒服既天氣！之後上網睇下有咩好食，就search到呢間餐廳唔錯，不過有啲遠，見啲人多數都係揸車/的士入，咁當然行入黎都可以。佢喺沙下灘隔離，呢個沙灘唔多人，再加上今日既天氣，坐喺出面望個view好靚。叫左杯椰汁紅豆冰，比較甜，所以我都加左啲水溝返淡少少。紅豆唔硬，幾好。本人比較鍾意食燒雞，所以叫左半隻。因為即叫即整，大約等左半個鐘。隻雞好香，好夠味，唔洗一陣就消滅左去了，可能整出黎熱辣辣特別好食！最後叫埋椰汁西米糕，都幾大件下。好香椰汁味，唔似出面得甜味，下面啲西米又夠實，唔會一開塊葉就散。

襯放假同男朋友入左西貢食個Brunch，我專登揀左間位於沙灘附近的餐廳，咁就可以吹住海風慢慢嘆。無錯！我地望出去就係呢個景，係咪好正呢⋯⋯呢份係職員特別推介的黃金菜，其實呢個係炸通菜。呢個係好有心機的菜式，因為要吸乾菜的水份，先黏炸粉炸。呢碟仲會跟個小的泰式蝦沙律及可以點菜的汁。菜已經切開小塊，所以食的時候都好方便。雖然係炸的菜，但一D都唔覺得油，仲愈食愈想食。另外，我們仲叫左隻泰式燒雞。呢隻燒雞係我近排食的最好的。一上菜已經聞到好香，加上金黃色的雞皮，真係好吸引！雞皮又香又脆，仲唔會太肥。另外，雞肉非常嫩滑。另外，我叫左個椰青飲。椰青水非常清甜，係食泰菜的好伙伴。由於餐廳比較遠，所以我建議大家都係Book定位先好走，順便可以問問店員可唔可以留返户內位，望住個海景食個賞心悦目的飯。

今晚慶祝青梅竹馬的朋友仔生日，因為佢會揸車黎接我一起前往吃飯，所以我特意搜尋適合揸車吃飯的地方，無意中發現明星魏俊傑在西貢開左間餐廳有泊車場，再看看Facebook page，看到環境超美❤️ ❤️加上生日月份有9折優惠，岩曬我地，立即訂位並講明要坐室外😍😍😍跟著導航定位大約七點到達，泊車的地方正正就是沙灘旁邊，沿路欣賞風景行去餐廳整條長廊都掛著小燈串，加上海景真的被眼前的環境吸引，漂亮得不知怎麼形容，辛苦工作一整天，看到這個畫面心情頓時放鬆曬 ！想有情調一定要坐室外 ❤️以為在這個環境下價格會較昂貴，意外地價格很實惠，款式也挺多！飲品點了椰青和芒果沙冰。椰青又大又清甜多汁，超好喝朋友仔的芒果冰沙也不錯，大大杯，入口香滑，重有微微香料味道～吃泰國菜必點泰式生蝦，肉質厚實咬落爽口彈牙，醬汁微辣，沾上後口感增加！鹽燒牛舌串厚身入味，雖吃到其中有一塊較韌，難咀嚼，但其餘都非常軟腍，口感很好，至於醬汁方面，沙嗲醬花生味香濃，只厭不夠惹味泰式金邊粉份量多，有蝦，芽菜，韮菜，花生碎等配料，蝦肉咬落爽彈，金邊粉味道酸酸甜甜好開胃，但炒得較為濕和黏口～蝦醬通菜炒得香口，鮮嫰爽口，好惹味～員工推介的泰式燒雞，

暑假沒有出外旅遊，閒著在家於是約朋友去西貢走走，我們中午來到大網仔路沙下村，這裡有一間BBQ場和一間很有特色的泰國餐廳「泰道」。坐在露天茶座，欣賞着西貢對面海用餐，實在是悠然自得。陽光明媚的中午，坐在露天茶座，喝一口冰鎮的椰青，爽！！激推薦給大家的辣椒膏炒炒老虎蝦，大大隻的蝦肉，鮮甜爽口彈牙，雖説是辣椒膏炒蝦，但辣椒膏不太辣而且帶有酸酸甜甜，於是老虎蝦的鮮甜美味馬上提升了不少。非常好聽的名字「黃金菜」，其實即是我們平常吃的通心菜。泰道炒的黃金菜，配上他獨特的醬汁一起炒，吃起來非常之開胃。這道泰式燒雞是我吃過最難忘的燒雞之一，鷄肉多汁肉滑不特止，而且帶有炭香味，再配上泰道的獨特燒雞汁令人回味無窮。

來西貢睇靚海景食正泰菜今日三十幾度, 山長水遠黎到西貢, 當然要四處逛逛兼搵好嘢食。來到大網仔路沙下村，肚仔已經餓了，近海有間泰國菜，一去到餐廳望住個靚海景,心情都好哂。顧客可以係餐廳的戶外同室內用餐, 我地當然簡左係戶外啦, 因為有個超級無敵的海景, 有一陣陣涼風吹黎, 就算天氣三十幾度都唔覺太熱。泰道(金黃菜)醬汁獨特,微酸而辣,炸起既菜加上醬汁,蝦好彈牙,整體黎講好開胃,但多食比較油膩,適合3-4人分享,推薦。辣椒膏炒老虎蝦有6隻老虎蝦,蝦好新鮮而且好鮮同彈牙,蝦先開起腸再炸,然後再和辣椒膏炒,醬汁就甜帶辣,同蝦好夾。泰式燒雞(半隻)十分推薦燒雞因為即叫即燒所以需要半個鍾等待時間,燒雞為碳燒,所以食落去有碳香味,雞既燒烤醬有小小甜,再加上泰式酸辣醬,令人停唔到手芒果糯米飯芒果好甜,而且糯米飯係熱既,加上椰奶汁一齊食,完全係飯後最好既甜品椰汁西米糕凍既,用葉包住,分左兩層,一層係濃椰奶,下一層係西米,西米中間有香芋粒同票米粒增加口感,幾好食椰子汁甜,多菓肉泰式奶荼唔似香港既奶荼咁重荼味,獨

週末好天氣打算和男友出西貢走走，竟然就遇上了37度高溫，撐傘走到沙灘出大汗啊所以，我們需要一個涼快的地方吃午餐！對上一次來西貢都一年前，當時好像還未有這家泰國菜館 - 泰道。這種天氣我就不坐室外了，要不對著海其實頗寫意。餐廳空間感廣闊，枱和枱間的距離遠，寬闊又舒適。我們被安排坐廂座，牆上的又美又柔和，讓人賞心悅目。貝殼形的餐碟也好美啊~餐點種類繁多，店員推介我們黃金菜，對我倆來說好新奇呢！再叫點主菜，飲品和甜品就夠了~天氣那麼熱，當然要喝個椰青才爽。他們的椰青好大個，汁液透明清澈，味道清甜又解渴，喝著體温都稍微下降了。椰肉也好容易刮出來，入口滑溜柔軟，男友說他想試泰式奶茶，的確比港式甜，但它的茶底味道好香，不是典型的錫蘭紅茶，應該用了當地的茶葉呢~黃金菜到了~原來是把通菜全炸起，但看上去並不油膩，而且份量好多超大碟啊！除了菜，還附上蝦沙律和醬汁。沙律上的蝦大大隻，咬感爽味道又甜~ 黃金菜將通菜的每一個部份，無論莖，支葉還是葉每一寸都炸得非常香脆。相信炸前用了特別的調味，不點醬汁已經很好吃。醬汁是酸辣的，點著吃味道層次更豐富更惹味明爐魚方面我們選了冬陰功湯和烏頭，又是份量大，烏頭有一大條

放假帶埋隻狗黎西貢沙灘，見到隔離本身間茶樓變左新開的泰菜，入去試下叫左個泰式燒雞，呢個極力推介！雞肉好嫩，燒到岩岩好，個皮都好脆，難怪見到好多枱都有食仲叫左個粉絲蟹煲，隻蟹夠大隻，啖啖肉！個粉絲就有d太乾身最後仲有個黃金菜，好特別係炸菜黎，真係將d菜拎去炸，好香口，雖然唔知係咩菜黎，不過配埋個蝦沙律，辣辣地，加埋就可以解左炸菜既油膩感夏天咁熱咁係要黎返杯沙冰啦！入面加左少少泰式香草，俾普通沙冰更清新，岩哂呢個咁熱既天氣飲！最後一提，坐出面一開頭都有比蚊咬，但係侍應好好，坐低冇耐就會主動拎蚊怕水俾我地，噴完就冇野lu，服務態度抵讚