一杯鐵板燒居酒屋

营业中

休息中

星期五放工唔知食乜好，結果行行下就去左呢間居酒屋排隊等位，呢間都幾出名，真係人山人海，等左一個鐘之後，終於到我地啦~ 內裏係好地道嘅居酒屋裝修，有卡位，有吧枱位，幾寬敞，最後我地坐左係卡座，都坐得舒服。我地揀左一杯關西燒，海膽吞拿魚壽司，壽司盛。關西燒好足餡，勁多椰菜，個味幾濃，正!海膽吞拿魚壽司嘅海膽好鮮美，配合吞拿魚一齊食都幾唔錯。壽司盛都各有特色，算唔錯。大致上唔錯，係服務人員態度差一D，要叫多幾次先得閒回應，但食物同境都滿意!

太耐冇去日本🇯🇵，突然想食日本料理，慢慢坐、慢慢傾偈。黃昏6:45去到APM一杯居酒屋門前拎飛，等候人數唔多，大約等咗5分鐘就有位，但係被問坐吧枱介唔介意，我哋都唔介意嘅，原來係安排到近門口嘅壽司吧枱坐，不過唔緊要啦，都入咗嚟啦，環境係有啲嘈。如果坐吧枱，我建議坐鐵板燒吧枱，因為唔近門口，亦都可以睇住廚師整鐵板燒，一路聞住鐵板燒嘅香味，惹味嘅氣味一路刺激食慾會比較好風味！另外想一提嘅就係：櫈下面冇位置放袋，所以帶咗大袋嘅人，只可放地下，因為張枱好細。前菜方面叫咗 海鮮沙律🥗咁啱見到前面嘅廚師準備緊…海鮮沙律原來都好大碟、份量十足，而且入面嘅刺身都幾多幾大方，係成個刺身丼飯嘅份量，全部都係厚切一粒粒，入面有三文魚、吞拿魚、油甘魚、同埋兩隻甜蝦，刺身幾新鮮、好味，沙律菜混合左透明好似冰絲咁嘅東西，唔知咩嚟，但食落好爽脆，撈埋一齊食口感好好，而且配合埋沙律汁都好開胃。雖然$98都幾貴，但好彩食物對得起呢個價錢！海膽吞拿魚壽司🍣好期待呢個壽司，因為一幻想，舌頭已經大概有一陣鮮甜濃郁海膽味出現，吞拿魚應該會好嫩滑，好期待呢款壽司！但我食落去略為失望，海膽唔係鮮甜！比較偏淡！仲以為會食到好濃味鮮甜