樂天大喜屋 (已結業)

今日放工嚟旺角同同事食飯，好耐冇食放題，今日來放縱下😆，呢間餐廳放題都幾抵食，無論咩時段都係二百幾蚊。餐廳好多座位好旺場，座位好舒服，張枱都夠晒大。👍🏻餐牌款式都幾多，包括刺身，壽司🍣，卷物，軍艦，手卷，一品料理，燒物，串燒，炸物，鍋物，仲有自助區放咗各類熱飲🍵，凍飲🧃，酒類🍶，雪糕🍦，甜品🍮，熱食，凍海鮮🦐等等。刺身類：整體十分厚肉新鮮，鮮味冇雪味，款式多😍- [ ] 三文魚刺身：色澤粉嫩，油脂分布平均，十分厚身，入口鮮味，魚油香味重- [ ] 油甘魚刺身：甘甜鮮味，肉質嫩滑- [ ] 鯛魚刺身：晶瑩剔透，爽口鮮味- [ ] 北寄貝刺身：鮮甜爽口，肉質新鮮- [ ] 赤貝刺身: 爽口鮮甜，有淡淡的海水味- [ ] 虎蝦刺身：晶瑩剔透，爽口鮮甜- [ ] 甜蝦刺身：大隻鮮甜，肉質新鮮🍣壽司類：壽司大細剛好，因為食放題客人都想試多d唔同款式嘅壽司，不能太大件，如果唔係就會好快飽，所以一口一件就剛剛好，特別欣賞創作壽司，賣相吸引精緻，配搭創新，欣賞餐廳呢啲花心思製作嘅壽司都用心製作😘- [ ] 芝士鰻魚玉子燒：炙燒芝士半溶後配上鰻魚同玉子非常夾- [ ] 🦀黑松露蟹肉帶子壽司：黑松露蟹肉醬

臨近聖誕 當然要返餐好嘅慰勞自己😋今次同朋友約咗黎旺角嘅樂天大喜屋～我哋book平日6:30pm 都差唔多滿座但上菜速度幾快 抵讚👍🏻落單係scan qr code自助點嘅 環保好多👍🏻-揀大喜屋其中一個原因係佢選擇夠多！各式魚生壽司到一品料理都好多款 而且質素不錯！三文魚好厚好肥美 特別推介大赤蝦 好鮮甜😍黃金燒蠔配左沙律醬汁 岩晒我呢啲沙律醬控 不過就唔係好夠熱😶最中意就係紫心香芋丸！甜度同外層炸粉厚度剛好 encore左幾次😋甜品黎講haagen dazs雪糕只限每人一杯但係我地最後先發現我地miss左個自助區！入面有沙律 蛋糕雪條 凍海鮮 仲有梅酒清酒！唯有一次再試🥲————————————————————————總結食物質素同種類都不錯 我地食正價時段都唔算好貴整體cp值都幾高！

今日約咗班舊時嘅同學仔去旺角食放題我比較少食放題呢啲佢地就揀咗旺角一間樂天大喜屋我地一早就預約咗所以唔駛等位芥辣係用包裝好似超市個啲咁我對個芥辣係有啲失望都幾多唔同款式嘅嘢食可以食刺身 炸嘢 鍋物都有牛耳朵一黎就叫咗啲小食食嘅 個牛耳都唔錯 幾惹味添呀仲有啲好迷你嘅海膽手卷雖然賣相就唔多好但食落都唔差同學叫咗個牛肉鍋啲牛肉食落一般個湯ok同學再叫咗個粥食去放題叫呢啲嘢但個粥幾好味喎又重點黎喇一大個刺身拼盤呀望落都覺得豐富呀因為我地都算幾多人有成八個人呀所以都叫咗幾多刺身食同學話甜蝦幾好味 我就本身唔食甜蝦嘅三文魚都算厚切 所以我都覺得好正好食嘅每人限食一杯哈根大師嘅雪糕不過出面其實都有其他雪糕雪條可以食但哈根大師就只限一杯總體黎講價錢係偏高嘅但質素唔錯嘅

星期日同朋友去食呢間，聽聞好多人排隊同好多時full booking ,今次一早去book 位，佢地係安排客人入座前排隊，有條理。職員效率好快，能有效地把食物送上每位客人。入到去都有好多選擇，刺身好新鮮，鮮甜,賣相都吸引，飲品方面有好多野飲，分別綠茶，清酒，梅酒都有……令我最滿意是海膽手卷，真係鮮甜，而 且仲有好多海膽，芝麻雞都好好食，就連甜品都好食，真係值得有下次，食完一定會返轉頭再食咁既水準，價錢合理刺身好新鮮，好甜。冷盤自己出去拎，都ok多種類壽司size 唔大，可以多食幾舊，而且唔會咁浪費。炸物好食左邊花膠一般，右邊蝦肉太痴蝦殼，有點唔方便食。有清酒，梅酒拎，梅酒甜甜地，容易入口。海膽手卷一定要食好鮮甜得士多啤利同咖啡味，有朱古力就更好燕窩蛋白好食有驚喜，裡而有士多啤利雪糕

由於較早之前同表妹嚟食過覺得食物出品同質素都幾好，所以今晚我們特意同咗一個認識咗20多年嘅好朋友去咗旺角創興廣場嘅「樂天大喜屋日本料理」食晚市放題！我們首先叫咗個雜錦刺身拼盤嘅刺身非常新鮮，特別係極大赤蝦嘅肉質相當爽甜彈牙，北海道帶子超鮮甜嫩滑！多款創作壽司嘅賣相好精緻同色彩繽紛，食落感覺都幾配合！吉品鮑汁花膠盛宴嘅花膠燜得好腍好入味，而且都幾大塊，鮑汁嘅味道好鮮味，花菇亦好軟滑厚身，最好係可以無限次任叫，唔會每人限叫一份，不過花膠食得多會感覺比較膩滯，所以我們都祇係叫多一次！海膽手卷嘅紫菜相當脆身，唔會變腍咗，海膽嘅味道好鮮味軟滑！雪花牛肉鍋嘅牛肉肉質好鮮嫩，肉味好香濃，而且份量都幾多！日式撈烏冬「胡麻醬」嘅烏冬超煙韌彈牙！蟹肉海鮮炒飯炒得好乾身同粒粒分明，味道仲相當惹味！榴槤炸彈炸得好金黃香脆，外層炸粉好薄身，入面嘅榴槤蓉非常香甜軟滑！至於甜品方面就有多款自家製甜品同韓式雪糕雪條，其中一款嘅賣相好似一隻熱狗包咁，入面包著係相當香甜嘅蕃薯味雪糕，真係好正呀！

今晚我們去咗旺角創興廣場嘅「樂天大喜屋日本料理」食晚市放題！我們叫咗雜錦刺身拼盤、多款創意壽司、花之戀壽司、海膽手卷、黃金燒海虎蝦、日本溫泉蛋、燕窩蛋白配一品海參、鹽燒牛舌、芝麻鷄翼、芝士年糕、天婦羅蝦同鮮蟹粥！雜錦刺身拼盤嘅刺身非常新鮮，當中嘅北海道帶子同極大赤蝦嘅味道極之鮮甜軟滑！多款創意壽司同花之戀壽司嘅賣相相當精緻吸引，味道好鮮味！海膽手卷嘅海膽好新鮮軟滑，味道好鮮甜！黃金燒海虎蝦表面嘅醬汁酸酸甜甜，蝦肉嘅肉質都幾彈牙！燕窩蛋白配一品海參嘅海參好爽滑彈牙，味道好惹味！燕窩蛋白嘅味道好香甜嫩滑！鹽燒牛舌嘅肉質好爽口嫩滑，肉味亦好濃郁！芝麻鷄翼炸得表面好金黃香脆，入面嘅肉質好嫩滑，真係好惹味！芝士年糕嘅年糕好煙煙韌韌，芝士亦好軟滑香濃！天婦羅蝦嘅蝦肉好爽甜，表面嘅炸粉亦唔係好厚身！鮮蟹粥嘅粥底都幾綿，蟹肉亦幾鮮甜！另有多款特色雪糕同甜品可供選擇！

是日一早book左位六點半鐘去到，呢間係我食咁多間放題之中最好嘅其中一間⋯因為呢度除左嘢飲、甜品選擇多、食物質素又高又好⋯最重要係竟然一次留單嘅情況都冇，而且待應服務都好好⋯經常收碟又有禮貌。最好味就係呢度嘅羊架，一啲蘇味都冇⋯另外菠蘿同埋燒番薯到超級好食，鮑魚就夠晒彈牙⋯呢幾樣我連續Encore咗兩次，絕對係推介自選。

繼上次去完極尚大喜屋飽餐一頓之後, 同朋友講起嗰度d刺身幾新鮮呀, 嘢食幾好味呀咁, 朋友點頭之餘, 問咗一句 : 咁有冇鮑魚呀 ? 我答 : 鮑魚 ? 鮑片刺身呀嘩 ? 朋友回 : 唔係, 係鮑魚 ! 極尚冇咩, 樂天有喎, 我仲食咗 N 隻'添' ... 嘩 ! 咁正 ! 唔好諗, 夾啱日子, 一起開餐去  都係揀午市放題啦, 又平 d, 時間又長 d環境嚟講都係一貫的密與人多, 飲品, 雪糕雪條等以自助形式可更快捷, 環保(用少d紙)又開心.  今次盡量揀d極尚冇嘅嘢嚟試, 但食物整體質素而言, 感覺極尚較優. 服務都係一樣, 樂天收碟換碟嘅速度唔算快和密, 有時需主動示意. 當然, 極尚又比樂天貴些, 就樂天的性價比來說, 已經令大家嚟啲度食嘢都樂上半天了.

呢次係我朋友負責訂枱的, 訂了六點那一轉, 我地五點半已經到了門口, 但原來要有ref. no. 先可以編到枱的, 經了解係我朋友miss左個confirm booking call所以作放棄論, 我朋友話因為係3字頭電話號碼, 所以無接到電話! 甘唯有等已編枱號既客人先入, 我地就唯有等, 不過原來都有好幾位客人有類似我地既問題發生,大家都好無耐, 直到六點四個字左右, 已編枱既客人已入場開餐, 就開始處理我地無ref. no.既客人, 有客人已經等到發火同嘈安排混亂, 訂了枱又話要乜乜ref. no. 先可以食, 所以為勉搞大件事及造成更大既混亂, 經理先編枱給那個客人, 而其他客人就繼續默默等待安排, 我覺得甘既安排好唔公平!!終於入到去啦! 不嬲食放題我地都主攻食刺身為主的, 特別喜歡食蝦同帶子, 呢度既蝦都算大隻又好味, 而帶子都算厚身有口感! 好味呀!! 其他刺身就不過不失啦!!另一個我中意食既就係呢度既招牌極品磯煮鮮鮑魚, 上面配素翅, 食落好鮮味同夠彈牙, 推介!!平日放題絕不會點的手卷, 係呢度就一定要試下, 因呢度既海膽手卷出名正!! 的確名不虛傳, 海膽非常新鮮,

之前已經聽朋友講呢間好食,所以今次同朋友一齊黎食一早已經BOOK左6PM - 8:30PM 呢段時間.首先,覺得呢間餐廳既organize都幾好,預約左既先去櫃位拎飛,再排隊等安排入座.飛上亦有寫好檯號.由於現場空間有限,而且好多人幫襯,所以拎飛後排隊等入座係可以好好咁令D人企既位置好D,亦唔會阻住上落扶手電梯既人.呢樣我覺得值得一讚既.至於食物方面,亦冇令我地失望.一黎到當然就係叫刺身啦,大大盤,最開心係刺身蝦都有三款選擇.又新鮮.. 特色樂天大喜屋壽司 ,有五款既樂壽司、天壽司、大壽司、喜壽司、屋壽司整得好靚好精緻 海膽手卷唔差啊,鮮甜,不過紫菜黎到可能淋左D熱食我好欣賞D野食黎到唔係凍左既.焗田螺都幾好食磯煮鮑魚必食~天婦羅唔差,但得三款..蝦,蕃薯同南瓜 雞翼普通.炸物熱辣辣.燒菠蘿唔差, 賣相都幾靚黑松露帶子酥盒必食overall都覺得幾好,野食既份量跟我落單既都足量.會再黎食

食放題，一定要揀間有質素！如果唔係就唔好食喇！不如單點仲好啦～試左位於創興2樓既樂天大喜屋！一試，放題癮又起！因為好耐冇再試到甘有質素既放題！雖然依家坊間放題有好多，但好多有質素的，往往有頭威冇尾陣，好快就會被淘汰。樂天應該係上年年尾開的吧？因為之前仲見係某火煱店長期裝修，今次先發現新放題，希望質素可以維持耐D啦！$248+10%係普通時下放題價錢，但當試食之後會令人喜出望外，絕對物超所值！樂天分三個時段，Lunch一場，晚市6點至8:30一場，最後就8:45至11：15，兩個半鐘一場，基本上個要食飽既個半鐘已經可以投降，當然對於柴娃娃一大班人嘻嘻哈哈就未必盡興，但基本放題時間2.5個鐘已經足夠。先讚讚店員服務態度不錯哦！而且沒有漏order情況出現！各款刺身都好新鮮，解凍解得好好，唔會食到有冰霜情況！大蝦刺身好大！粗過我手指公，而且好膠好彈！必食之列！甜蝦比大蝦細隻，但就比較再鮮甜d。帶子都好新鮮好甜！北寄貝夠爽，三文魚好肥美⋯一個字：正！熟食方面都比較出色，牛舌爽甜，椒鹽蝦燒到啱啱好熟，好用心，唔會乾！鮮鮑煮得入味，蟹粥鮮甜，一口芝士炸到啱啱好，芝味夠濃。芋丸出奇地好味，基本上我唔