影片
更多
2022-11-05
1286 浏览
Creative use of ingredients shaping the dining experience extremely enjoyable Omakase dinner我係如假包換的「魚痴」，年初在這間連續5年入選米芝蓮推介的日本高級料理餐廳、初嚐佢哋午市廚師發辦，高質到回味無窮！見疫情緩和忍唔住二訪喇、今次嚟食omakase dinner，好開心餐廳水準keep住咁高質、食到我‘魚痴魚醉’處理是晚菜式的麟師傅斯文有禮笑面迎人，上每道菜時都解釋詳盡、為人細心日式八方煮> 為步入秋季而度身訂做的特色前菜，有矜貴赤海參、花膠、鮑魚、花膠，全部都煮到軟腍滑溜；湯底中日本舞茸菇幾爽口、葛粉滑嘟嘟，湯頭以花膠熬製味道濃厚飲出點點香辣味給我熱熱身青森縣活赤貝> 配岩鹽青檸汁提升鮮甜食味、鮮爽脆口完全不用加醬油、好味帆立貝三食> 先食原味帶子很鮮嫩，師傅把帶子𠝹開一刀刀、食時有一絲絲的口感；再食另一粒用新鮮柚子皮和岩鹽調味帶出清新感；最後食火炙過的柱貝位口感煙韌，以蒜蓉麵豉醬提出鹹鮮味，個人最愛這個濃口味北海道厚岸蠔> 蠔身飽滿肉質肥美、口感Cream
Omakase dinner
我係如假包換的「魚痴」，年初在這間連續5年入選米芝蓮推介的日本高級料理餐廳、初嚐佢哋午市廚師發辦，高質到回味無窮！見疫情緩和忍唔住二訪喇、今次嚟食omakase dinner，好開心餐廳水準keep住咁高質、食到我‘魚痴魚醉’
處理是晚菜式的麟師傅斯文有禮笑面迎人，上每道菜時都解釋詳盡、為人細心
日式八方煮
> 為步入秋季而度身訂做的特色前菜，有矜貴赤海參、花膠、鮑魚、花膠，全部都煮到軟腍滑溜；湯底中日本舞茸菇幾爽口、葛粉滑嘟嘟，湯頭以花膠熬製味道濃厚飲出點點香辣味給我熱熱身
青森縣活赤貝
> 配岩鹽青檸汁提升鮮甜食味、鮮爽脆口完全不用加醬油、好味
帆立貝三食
> 先食原味帶子很鮮嫩，師傅把帶子𠝹開一刀刀、食時有一絲絲的口感；再食另一粒用新鮮柚子皮和岩鹽調味帶出清新感；最後食火炙過的柱貝位口感煙韌，以蒜蓉麵豉醬提出鹹鮮味，個人最愛這個濃口味
北海道厚岸蠔
> 蠔身飽滿肉質肥美、口感Creamy有海水味卻沒有金屬味很爽口清甜，特別處是用清新薄荷醬綴之將海洋味道加倍升華
北海道毛蟹
> 蟹捧鮮甜味濃，下層是混入蟹膏的手拆鮮蟹肉、口感細緻
縞參魚
> 厚切大大片食味鮮甜，魚味濃香口感豐富，麟師傅把魚生片輕火炙迫出油分、配淡味薑蓉更能食出魚脂香
喜知次
> 魚肉白雪中帶點粉紅、「海中紅寶石」之美譽當之無愧。魚脂非常肥厚彈牙，燒香過魚皮使其肉質更加鮮美，不用點醬油、大啖嚼出魚油最高點
北九州銀雪魚刺身
> 生長在日本水域嘅銀雪魚脂味特別香濃，魚皮燒得焦香，嫩滑魚肉入口令人陶醉不已；師傅介紹先點柚子芥末醬、讓魚油慢慢在口腔滲出
劍魚腩
> 爽口油分佈滿纖維，厚切魚片油味獨特、有種像牛油的味道很香滑，簡單配山葵醬油食可以減膩
拖羅
> 十分精彩的拖羅二重奏，魚片入口即溶很甘香，底托鱈魚乾再配魚子無花果醬和淡雪鹽、解膩之外味道更有層次
立鱗燒
> 一魚兩食、以半煎炸形式燒到魚鱗好似薯片咁脆卜卜，魚肉保持嫩口好味，吃點蕃茄清清味蕾唔錯
石垣貝壽司
> 配岩鹽新鮮爽口脆感重
鮮鯖魚
> 煙燻味重、味略帶微酸，魚肉有質感紫菜高質夠脆
右口魚
> 魚味淡麗清甜，以酸梅醬提味很醒胃
金目鯛
> 呢件壽司幾特別、頂上放了燒過油分重的右口魚裙邊，甘酥香脆配炙香魚皮的金目鯛、脂香味重無可挑剔
牡丹蝦壽司
> 晶瑩爽脆蝦肉黏口膠糯、配蝦膏甘味儘出幾好食
海膽
> 頭1款“竹內水產-東市”海膽係拍賣級別第1位，較一般海膽更鮮甜creamy。第2款“太極上”馬糞海膽非常時令，口感似雪糕般幼滑甜美，滿足到海膽控嘅我
魚湯
> 海量魚骨用4個鐘熬製成黃金奶滑的骨膠原魚湯，喝下整碗暖在心
靜岡蜜瓜
> 深秋時分吃這瓣蜜瓜依然清甜無比、十分滿意
北九州銀雪魚刺身
18 浏览
0 赞好
0 留言
海膽
26 浏览
0 赞好
0 留言
金目鯛壽司
20 浏览
0 赞好
0 留言
縞參魚
10 浏览
0 赞好
0 留言
喜知次/北海道毛蟹
8 浏览
0 赞好
0 留言
日式八方煮/青森縣活赤貝/立鱗燒
10 浏览
0 赞好
0 留言
帆立貝三食
2 浏览
0 赞好
0 留言
北海道厚岸蠔/右口魚/牡丹蝦壽司
1 浏览
0 赞好
0 留言
张贴
