好媽媽台灣館 (已結業)

2019年2月10日 (星期日)第一次幫襯，叫了鹽水土雞同滷肉飯（滷雞翼併滷豆腐）套餐，另加涼拌苦瓜。苦瓜有驚喜，渗着淡淡的梅子幽香，没有半點苦味卻清新可口，水準以上，可作招牌菜式。香噴噴滷肉飯令人垂涎三尺，食指大動，飯面自選雙併小菜（滷雞翼併滷豆腐）只屬配角，味道一般，印象濛糊，滷肉飯細屑的肥肉邪恶卻甘香，令人欲罷不能，三扒兩撥已經食完。滷肉末混合了醃漬蘿蔔碎，蘿蔔脆去油腻，與滷肉直係絶配。鹽水雞味道平平，相反伴碟的青爪就清爽香甜。台式飲品卻比下去，無乜特别。周年誌慶晚餐送甜品，芋㘣同地瓜固然煙韌，好有咬口，之不過幕後功臣其實係羗味濃郁的糖水。話時話，好媽媽精彩盡在細節上，細微位全部一絲不苟。裝修佈置營造台灣小店風味。枱面上除了印有招牌菜，一句『工作愈辛苦，愈要吃得好』都好温情，好貼題，好有媽媽feel！埋單果陣啱啱見到廚師大佬，豎起手指公讚佢嘅苦瓜好食！大家都好開心！

台灣係好多香港人鐘意去嘅地方，因為小食又好食又多款色。好媽媽嘅味道真係令人尋回係台灣旅行嘅回憶。牆上掛有好多台式嘅擺設，形造濃濃嘅台灣古早味。要左一個不吃不可嘅套餐，另外加多左個蚵仔煎。 涼拌苦瓜為晚餐帶來清新嘅開始。碧綠色好新鮮，苦瓜亦夠爽口。第一個味道係甜甜酸酸，然後先有苦瓜清清嘅苦口，一種回甘嘅味道，挺適合夏天。肉燥飯可以話係台灣嘅代表。肉燥瘦肉肥肉分佈剛好，切得夠細粒，滷得入味，齋撈飯已經夠吸引。本來以為咁大碗飯，肉燥會唔夠，但撈勻會發現肉燥份量夠哂。香酥大雞扒個香味一聞就已經好台灣，完全係台灣食炸雞扒嘅香味。雞扒真係炸得十分酥脆，外皮亦勁薄，皮與肉並唔會分離。雞扒已經醃得夠味，如果想再惹味d，可以點埋胡椒粉。蚵仔煎賣相同味道都做得夠哂台式風味。口感好滑流，咬落幾Q，蚵仔份量亦夠多。加左菜同蛋煎，口感豐富得嚟又健康。餐飲包一杯台式飲品，凍胚芽珍珠唔洗加錢，甜度啱啱好，珍珠算有咬口，加埋胚芽，令飲品更香。

我的朋友跟自己去台灣旅遊皆視作回鄉,每次回家也盡力地吃喝玩樂,可是每次回鄉也只有幾天的時間,可吃的想吃的也不一定能夠完全完成,總認為還有很多很多未及品嚐,每當知道香港有台灣菜館出現後,總會找個機會去嚐試一下。隨著曾是最喜歡的程班長愈來愈火紅,人龍愈來愈長而感覺不太一樣後,近日得知太子新開了另一家好媽媽台灣館,趁著弄頭髮之便來看看這位台灣媽媽水準如何好了。跟馳名港式扒房金鳳為鄰,從遠處看到一堆等位客人,就會知道這店位置,如果不想在金鳳等得太久,這位台灣媽媽也會幫到你,只因門前這片圖片精美的大餐牌,總會讓人有想吃的衝動。午餐價格也蠻實惠,三十多元一款已配飲品,只是是日我的選擇並不在此,就算價錢吸引也動搖不了。客人安坐之後,店員隨即送上熱湯一碗及熱茶一杯,叔叔一句:"飲碗熱湯先",好讓剛從冷風中來到店中的客人有點溫暖。豆腐粒紫菜玉米清湯加入蚵仔不就是餐牌其中一款台灣湯水??湯底看來清淡如水,實際是有著淡淡紫菜香,滑溜豆腐粒數量不少,好讓胃胃不致太空虛,一小撮微甜玉米更是我認為最好吃的食材。 餐牌中的單點可另加$20成為有前菜及飲品的套餐,是日選了台式炒米粉($45)成為午餐,炒米粉比想像中大

是晚約了多月沒見的食友共進晚餐。早前已在網上發現太子區新開了一間台式餐廳，我當然好有興趣啦，問及食友先知道她早早已經幫襯過了，幸好她不介意再吃一回。呵呵。在太子幾條內街穿插終於到達了，原來正正在金鳳大餐廳隔離，食友說好媽媽台灣館其實是金鳳開辦的呢。店子小小的，左右兩邊是卡位，中間是圓枱，陳設簡單，牆上貼有幾張食物照片。主要由一位女店員坐鎮，她態度有禮，服務體貼。我們在餐牌中揭來揭去，很多都想試但我倆其實未太肚餓，本來食友見議來一客晚市套餐，套餐包括前菜﹑大雞排﹑鹵肉飯連飲品都是$78，哇，勁抵食喎﹗不過食友又考慮想到我主要想吃炒米粉，於是就作罷。我們都喜歡吃苦瓜，這一味涼拌苦瓜$28就最合我們了﹗苦瓜已去掉所有白色的部份，至少知道不會有苦，我以為是用蒜蓉陳醋那些調味，估不到是用白醋，酸度勁強，加上雪得夠凍，醒胃很得﹗所有主食都可以加$20轉套餐，包有一杯飲品及小食/白飯，我今次飲芋香珍珠(少甜少冰,不可走甜)，色水對辦，香芋味都嚐得出來，但少甜仍然比較甜(可能我飲開走甜)，珍珠份量較少，但都算QQ。兩個餐其中一個要白飯，另一個要鹵豆腐，豆腐不夠熱，而且幾硬實，鹵水汁就不錯，甜甜的不會過