一碗小麵

营业中

休息中

繼前一日東主有事摸門釘之後，第二日再戰終於試到一碗小面啦！一坐低老闆娘就為我地送上涼拌青瓜，醋同麻油醃製過後的確好醒胃，喚醒左我哋嘅腸胃，準備迎接一碗小面！招牌一碗小面湯底可選麻辣/酸辣/泡椒/酸菜，配唔同辣度，麵底則可選擇上海細面/米線/薯粉。我揀咗酸辣湯底、小辣、配上海細面。湯底嘅酸味比辣味重，比想像中少油。餸非常足料，尤其炸醬好大pat，唔會剩係得肥膏冇肉碎。豬手雖然唔多，但好飽滿好淋，豬腸肥美滷得入味，牛腩都有好多舊。個面吸晒湯底但又唔會浸得好淋，唔錯唔錯！同事揀咗BB辣麻辣湯底，驟眼望落去同酸辣湯底冇咩分別，試咗一啖後覺得辣度同小辣嘅酸辣湯底差唔多，但多咗一分麻嘅感覺。食完個面會㷫烚烚，我哋就叫咗黑糖冰粉解解渴！老闆娘仲好好人咁比咗個半價我哋，話唔係好多客識得欣賞個冰粉喎。我哋都覺得個冰粉幾正，口感有啲似台灣嘅愛玉，不過再爽D，因為冰粉本身冇乜味加黑糖都唔會太甜，食完辣嘢食佢真係好爽喎！希望多D人試吓呢個糖水，發掘佢吸引嘅地方啦！

一碗小面，一間小店，店內只有十多個位子，牆上都貼著辣椒、胡椒等海報......看似很火辣辣的樣子...幸好，還可以有得選擇不辣、BB辣、小辣等程度！招牌香辣牛腩麵，要了BB辣，味道還可以，雖然湯底很紅，但其實只是小小辣！麵條掛湯力高，條條分明，牛腩亦腍身，不用過份咀嚼！有少量香蔥，如果這個香辣味道加入芫茜作配菜，應該更惹味！至尊全牛麵，有齊牛腩、牛筋、牛肚、牛吞，非常豐富！湯底與香辣牛腩麵無異，辣感有層次，整體也很不錯！涼拌青瓜醬汁不錯，帶點甜又帶點辣，略嫌青瓜不夠脆身，如放入雪櫃雪涼待用，效果應更佳！口水雞反而覺得很一般，雞件雪涼，但雞肉比較硬實，不夠滑溜，醬汁味道上亦較單調，惹味感欠奉。總括來說也不錯了，下次可以再試試其他菜色。

在紅磡覓食，原想試試有名的德國熱狗，但見長龍，故轉而陣地，來了這間新開的"一碗小麵"~ 小店的英文名是Yvonne's noodles，直譯廣東音有如"一碗"，很貼切~這兒主打重慶小麵，就嚐個原味的，沒有其他特別配料，要了小辣，但辣度是外邊米線舖的中辣  幸好個人愛吃辣~ 小麵有點像北京式的拉麵，幼細煙韌，沾著湯汁吃，有點麻有點辣，不錯，比起現在滿街的麻辣米線更有特色~另點了麻辣牛肉，是牛展，原以滷得很入味，再配以自家調的麻辣汁，很開胃~ 還有麻辣木耳和涼拌青瓜，同樣拌相同的麻辣汁，可惜木耳拌得不夠均勻，有些沒有味道，要自己再拌一拌；青瓜是切粒的，很爽實清甜，若能拍散讓麻辣汁滲入會更好