黑門水產すいさん (Fashion Walk)

营业中

休息中

之前食過一次尖沙咀間黑門水產，非常驚艷，今日約咗好耐冇見嘅朋友Happy Friday，黎到銅鑼灣呢間黑門水產，同樣滿足。餐廳嘅裝修風格充滿日本元素，燈籠、掛布、海報等等，亦有好多宮崎駿嘅電影情景貼圖，好吸睛。 海膽蟹味噌甲維燒（$128）每次去到居酒屋，只要見到甲羅燒，都係必點。甲羅燒内包含海膽、蟹膏、蟹肉、蟹籽、鵪鶉蛋、蔥花，材料豐富，味道亦非常濃郁，每次食都停唔到口，如果可以配多幾塊餅乾就更好。深海池魚薄切刺身（$268）師父刀功好好，切到好薄身，外表晶瑩剔透，帶有豐厚油脂，魚肉味道甘甜，但口感又較為清爽，食好多都唔覺得膩。赤鬼海老天反卷（$188）呢個炸蝦反卷好好食，炸蝦好香脆，表面上鋪咗好多三文魚籽、蟹籽同蔥花，加上沙律醬，既好食，口感層次同樣豐富。酥炸雞軟骨（$68）呢個比想像中大份，雞軟骨炸到非常香脆，新鮮炸起，咬落非常爽脆，調味剛剛好。壽司盛合（398）每一件壽司上嘅刺身都係厚切，真鯛肉質細緻柔軟，帆立貝好鮮嫩鮮甜，三文魚腩同油甘魚都相當肥美，蟹籽意外地爽口，完全唔會稔。黑門大阪燒（$98）大阪燒應有嘅材料同醬料佢都有齊，但整體較為普通，不過不失。巨峰乳酸生啤500ml

難得今日放假，當然要去吃好西所以就上OpenRice 睇下銅鑼灣有咩食日本餐廳推介，最後就選擇了黑門水產。餐廳環境好舒適，裝修亦很雅致，還有好日式水產市場感覺，而且乾淨衛生。我們先點了深海池魚薄切刺身，鐵板宮崎柚子胡椒香蔥牛舌心和蟹油蒜燒帆立貝。池魚刺身肉質肥美鮮嫩、口感細膩，搭配醬油很有風味。鐵板宮崎柚子胡椒香蔥牛舌心肉質鮮嫩，搭配宮崎柚子的酸甜風味和胡椒的辛香，以及香蔥的芳香，味道豐富多層次。搭配米飯或配菜一同享用，非常增添食欲。蟹油蒜燒帆立貝，師傅燒得剛剛好，帆立貝的鮮嫩口感配上濃郁的蟹油香氣，味道豐富而鮮美，非常鮮甜，值得一試。我們再點了明太子山藥，黑門大阪燒，海膽天婦羅及蒲燒鰻魚飯。山藥口感爽甜，配上明太子的鮮香非常合拍。海膽天婦羅也很有特色，香脆的天婦羅配上甜美的海膽形成很獨特的口感。蒲燒鰻魚飯份量很充足。鮮嫩的鰻魚燒得剛剛不會太乾，配上甜美的蒲燒醬汁，非常開胃餸飯。整體來講，服務好，味道又好，真係放假好去處