天后站清湯腩

营业中

休息中

名字叫「天后站清湯腩」，但卻位於將軍澳康城站！雖然名字令人覺得有點混淆，但為了吃一碗美味的清湯腩，我們絕對不介意專程去一趟日出康城。揭開餐牌，選擇甚多，除了招牌清湯牛腩、牛三寶、還有雲吞、水餃、豬手、各式丸類等等，但我們對清湯腩情有獨鍾，分別點了一碗清湯爽腩河粉和一碗清湯坑腩飯。清湯坑腩飯（$69）先嚐一口湯，牛骨湯加入數十種草本食材並以慢火熬煮，味道清甜。牛坑腩牛味濃厚，入口腍滑鬆軟並帶有淡淡的油香。清湯蘿蔔吸收了牛腩清湯後，味道鮮甜可口，把白飯加入牛骨湯就成為一碗泡飯。清湯爽腩河粉（$59）另一碗清湯爽腩河粉，爽腩的口感跟坑腩的口感截然不同，筋膜部份爽彈得來又帶點嚼勁，識揀一定揀爽腩這個部位。凍檸茶（+$8）/ 凍檸樂 （+$12）Storefront Menu

食牛腩麵我一向都好講究食邊個部位。天后站清湯腩有我平時最鍾意食嘅坑腩-係近腰肋骨的肉。一見到d坑腩肥瘦相間已經流晒口水果然牛味香濃，肉帶住d筋膜，又爽又腍既口感，簡直一試難忘同行友人叫左爽腩-係牛既腹部正下方，同坑腩連接。我都有試咗兩舊爽腩口感爽脆，煙煙韌韌，肉味濃郁，冇坑腩咁肥。仲單點左蘿蔔，燜得啱啱好，一咬即化，好清甜無渣，索哂d牛骨湯！另外值得一讚嘅係湯底頗鮮甜唔肥膩，食得出店舖真材實料燉既湯底。期待下次試佢嘅崩沙腩