豚道樂 (百合苑商場) (已結業)

呢間良心日本拉麵店，店內左邊有U字型吧枱，方便一人食用，右邊有2張二人枱和門口的唯一一張四人枱。四人枱剛好空著，我哋就坐低咗啦。*望住點餐紙諗食咩好，會發現本身每款拉麵無溏心蛋，一定要另加HK$15/隻。但同樣加HK$15轉特上，就可以多一片豬腩肉，2片紫菜和半隻溏心蛋，有誰會咁傻豬只加一隻蛋呢？另一個驚喜係，而家平日午市加錢轉特上，仲有前菜和汽水送，呢$15好抵俾喎！🐟🍜 魚介豚骨拉麵 (HK$88 +HK$15 轉特上)．這個係平日限定款，週末係食唔到㗎！．豚骨湯底加入鰹魚片熬製，濃魚香、鮮甜美味😋．拉麵煮得剛好，硬身啲啲嘅Q彈口感，正👍🏻．慢煮叉燒，軟腍美味，對比波板糖咁大片的炙燒腩肉，香脆面，肉和油脂分布平均，好好味😋．片紫菜超大塊，大過我塊面😮，脆卜卜的．最正留在最後，溏心蛋，嫩滑蛋白，流心啫喱狀的蛋黃🍖 前菜：蜜汁腩叉燒粒．煎炒過的腩叉燒粒，香脆不覺油膩，之後我估連同蜜汁一齊炆到入味，令人食到唔停口呀！

按照喜好選擇湯底、配料等的拉麵小店。湯底的種類亦頗特別，有期間限定的鴨白湯，日本芥末拉麵。首次嘗試，先由基本入手。魚介豚骨拉麵 ($85) 轉特上 (+$13)• 加配特上後會有豬腩肉、大紫菜、溏心蛋半隻、牛油粟米及罐裝飲品，性價比高！加上原本的配料變得相當豐富，令整體賣相加分。• 我選擇的是直麵、硬身、保留蔥及少許辣醬。• 湯底熟充滿豚骨的油香，但不會過於肥膩，帶有淡淡的魚介獨有咸香。• 豬腩肉口感同樣充滿油香，連肉的部分都處理得很香腍；溏心蛋保持一貫應有水準，蛋白入味均勻，口感香嫩，蛋黃則十分滑溜；紫菜吸收湯底後更加惹味。• 整體而言所有食材都配合得宜，性價比高。

因為有$50coupon要用 所以黎試試一入座就自己攞筆落單我揀咗原味豚骨拉麵($72)麵種: 曲麵硬度: 硬蔥: 冇辣醬: 冇另追加豬肩肉($20)同椰菜($13)先講拉麵超好食❤️湯底濃豬骨味但又一啲都唔鹹或者油 調得啱啱好 唔似味精溝出黎嘅湯 而係真材實料 (湯底真係好重要)之後啲麵 曲麵個樣似公仔麵 不過絕對唔同 唔知關唔關我揀硬事 但口感一流 好有質感同彈性 而且吸埋啲湯底一齊食簡直美味可口 最重要係啲麵唔會淋到斷曬 最驚啲拉麵未食已經淋到一夾就爛 依個麵就唔會!原先個麵已經有3塊豬肩肉 不過我再追加👇🏻明顯追加係大塊好多😆啲豬肩肉味道上好好 薄薄地又淋唯一係多肥膏...椰菜都好食 白烚 清清地但係上面落嘅蒜又令佢好有香味👍🏻食完一啖濃味拉麵/豬肩肉又會想食返啖菜平衡吓啲味覺溏心蛋都係必食！少少甜甜地咁 蛋黃部份較大 所以一咬就流心爆槳😋-雖然貴就貴啲不過起拉麵店入面真係算上品👍🏻好直得食一定會再去!

餐廳坐位唔算好多，左右兩邊係二人枱，中間位置係bar枱。落單後，侍應即刻就俾左張point card我地，不過分店地區都唔太就腳，唔知幾時再有機會幫襯。原味豚骨拉麵($72)2片薄切腩肉，唔夠肥，偏瘦。豚骨湯底無魚介豚骨湯底咁濃味，但湯底質感都係好濃郁，加埋唐辛子(辣醬)令成個湯底更惹味，層次更豐富。幼身既直麵配埋淡淡又濃郁又帶有微辣既豚骨湯底，真係好夾，好好味。一向重口味既我今次都更喜歡豚骨湯底。(個人口味: 4.2/5)魚介豚骨拉麵($98)魚介豚骨湯底比普通豚骨湯底濃味(似沾麵湯底?)，真係充滿魚味。曲麵比較粗身，同濃湯好夾。溏心蛋呈啫喱狀，”友人”稱係暫時食過咁多間拉麵店之中，最甜最好食既溏心蛋。2片肩肉，1片腩肉，肩肉比腩肉un口。(個人口味: 3.9/5)炸軟殼蟹($45)熱辣辣，軟殼蟹略嫌瘦左少少，不過都係好食既。(個人口味: 4.1/5)炸紫菜墨魚嘴($35)份量都算多。脆卜卜，咬到最底就會有粒墨魚嘴。不過好熱氣。(個人口味: 3.3+3.6/10)我地都同意魚介配曲麵，豚骨配直麵係最夾。整體而言，我對豚道樂既拉麵予以好高既評價，拉麵同湯底都同金XX好相似，但價錢更相宜

友人甚少陪我吃拉麵，因總是覺得約一百大洋一碗拉麵好像不夠花款，而且大胃口的他又怕拉麵份量不夠，再加底又會更貴。是晚再次走到黃埔的九號水產，發現多了很多食肆營業，其中有在尖沙咀以抹茶蛋捲風靡一時的宏，以及在荃灣做出了拉麵名堂的豚道樂。想試很久的豚道樂在這裡見到，不用到荃灣那麽遠，友人便被遊說了跟我進去坐下。餐廳分吧台和旁邊的台，吧台呈U字型，店員從廚房門口拿起煮好的食物，在U字型中間的通道親手端到每個客人的位子。餐牌簡單易明，台下有附圖片的詳盡menu，客人選擇好後便在台上的下單紙圈劃。餐廳名字為「豚道樂」，拉麵湯底基本上都是豬骨湯再加變奏，有特上和經濟之分、平日和週末之分，還有季節限定的松葉蟹海老番茄湯拉麵。是晚平日限定的特上魚介豚骨拉麵售罄，我們於是點了一個特上芥末拉麵和一個季節限定的特上，畢竟特上和經濟只差約十元，但前者配料更多，還包括溏心蛋，這是吃拉麵的其中一個精髓吧。生怕友人覺得不夠，我們再點了數個小食，倒也便宜。飲品選擇也有很多，是特別口味的日式汽水。我的桃味汽水用上10%完熟白桃汁，清甜可口，不會太人工。友人的抹茶可樂味道特別，以可樂味為主，帶淡淡的清新茶香，友人很喜歡。等