麵屋神匠

营业中

休息中

週日晚上走到旺角被一家掛滿日式小燈籠的拉麵店吸引日式風格裝修有特色又型格，落地玻璃十分搶眼木枱木凳加上日本元素裝飾，用餐環境舒適寬敞以香港少有的蝦湯、蟹湯做主打，順喉不油膩濃厚蝦湯拉麵表面鋪滿櫻花蝦，味道濃郁鮮甜辛辣蝦湯拉麵配料有紫菜、叉燒、蝦乾及溏心蛋溏心蛋蛋白已經凝固，蛋黃呈現出完美的膏狀黃金熔岩蝦球表面香脆，一口咬下直接在口中散開多層次的口感二人套餐飲品加配$8有罐裝汽水！可選可樂或無糖可樂等

餐廳：麵屋神匠地點：旺角彌敦道菜式：日式拉麵餐牌：二人套餐包主食10選2，溏心蛋1隻同小食8選1，$218，可加配飲品。柚子鹽湯蜆肉拉麵連殼蜆5隻，又大又鮮，好正！薄切叉燒3片，仲有半隻入味滑溜糖心蛋，紫菜兩大片。拉麵係幼身麵條，好有蛋香。加上蒽花同柚子皮，個湯好清，帶清新柚子味，好特別！神匠蕃茄蝦湯沾麵 加$28神匠蕃茄蝦湯大大碗熱辣辣上枱！飲啖濃厚蝦湯先，蝦味好香濃又唔油，番茄味好香濃，仲有新鮮番茄肉，加有唔少櫻花蝦仔。粗身雞蛋麵好彈牙，好有口感而富蛋香，可以同爽口扁筍同葱花一齊食。肉類有兩塊燒過既叉燒，半肥瘦，好香口。仲有一隻糖心蛋，紫菜同一片好特別既西式羅勒醬多士。日式南蠻炸雞日式南蠻炸雞一客5件，方便入口size，炸得皮脆肉嫩，每件都加上足夠沙律醬，入口幼滑。溏心蛋仲有一隻溏心蛋一開二！雪碧（跟餐加$8）汽水係罐裝。自動俾埋獨立包裝飲管你，方便衛生。結論係呢度既拉麵真係堅好食，次次都無失望。炸雞都唔錯。服務員態度非常友善。

成日行過油麻地站行去登打士街中間嗰條巷仔就會見到一間拉麵店嘅裝修比較別緻，望落幾好食，今次收工之後終於有機會去試吓。入到去係濃濃嘅日本氣息。今次我哋食咗兩款唔同嘅拉麵，分別係濃厚蝦湯拉麵同埋火炙叉燒醬油拉麵。小食係嗌咗脆炸雞軟骨，加咗隻溏心蛋。係等緊上菜嘅時候，我哋隔籬枱一樣嗌咗個蝦湯拉麵，擺上枱嘅時候濃濃嘅蝦香味飄過嚟，真係聞到都流晒口水。今次嘅mvp真係蝦湯拉麵，唔止聞落去好香，食落去都頗濃郁，拉麵都好掛汁，所以每一啖都係一個享受。可能因為咁，顯得醬油拉麵就不過不失啦。啲叉燒係幾香口軟熟。個炸雞軟骨加咗啲調味料，所以食落去好香口而且佢炸得唔乾，如果啤酒配嚟食應該幾正。糖心蛋都見佢整得啱啱好，唔會太熟。

二人套餐經濟實惠，而且座位都坐得舒服，在旺角算是不錯的選擇。【辛辣蝦湯拉麵】湯底由多種香料和鮮蝦熬製而成，還有大量的櫻花蝦，辛辣的口感能夠刺激味蕾，讓人食欲大增。拉麵是彈性麵條，配搭瘦瘦的叉燒，冬天吃飽十分滿足。【神匠蕃茄蝦湯沾麵】加了$28，這道菜以新鮮的蕃茄和鮮美的蝦湯為沾麵汁基礎，配以彈性掛湯粗厚的沾麵。蕃茄的酸甜味道與蝦湯的鮮美好夾，給人一種濃郁而清新的口感。融入了西式的食法，有一片法式麵包加了青醬，但比較鹹。【溏心蛋】到拉麵店必吃，一分為二，中間保留了蛋黃的溏心狀態，外層蛋白則煮熟。口感柔軟滑嫩，蛋黃的濃郁和蛋白的細嫩相輔相成。【脆炸雞軟骨】雞軟骨表面金黃酥脆，內部保持軟嫩，帶有濃郁的雞肉香氣。沾些檸檬汁，更加帶出香味。

隆冬時份正是拉麵的季節一碗熱辣辣的拉麵實屬暖胃佳品今晚來到旺角鬧市一小巷轉角被那和風燈籠所吸引進店一試兩人的話可選二人套餐可以從十款拉麵挑兩道並且可從八款小食選其中之一點了濃厚蝦湯拉麵辛辣蝦湯拉麵兩者分別主要在於湯底是否加辣濃厚湯底是整道拉麵的精髓湯底由甜蝦赤蝦及蝦乾熬製而成濃稠程度接近醬汁鮮味無比嘴裡鮮味久久不散卻沒有口渴感覺可見湯底的熬煮確是真材實料另一個亮點在於用慢煮方式製作的豚肉低溫烹煮令肉汁得到最大程度的保留拉麵附有半顆蛋如選擇二人餐每人多送半顆溏心蛋火喉剛好保留微微的流心狀態口感一流日式吉列炸蠔外皮金黃酥脆色香味俱全值得一讚是炸粉薄薄一層與蠔肉比例恰到好處這家拉麵質素不錯性價比甚高相信不乏回頭客

麵屋神匠，位於旺角近油麻地超旺地點，成日都見門口有人排隊，店內充滿和風，仲有好靚既燈籠同壁畫🏮主打特色拉麵，蟹湯、蝦湯連柚子鹽湯都有✨每款拉麵仲會話埋俾你知點煮、食材既特點咁，好有Heart💗濃厚蝦湯拉麵🦐作為蝦控梗係試下蝦湯，精緻餐盤上枱，賣相唔錯👍🏻啲櫻花蝦好香，湯底好濃好厚身，非常濃既蝦湯但又唔好咸，好味😋個湯配咩都好味，叉燒好大塊，肉質腍滑，溏心蛋少少橙色既日本蛋，加左湯食好正😗麵質算係粗麵，非常掛湯，啲櫻花蝦配埋湯同麵一齊食真係超濃既蝦味😍炸日式餃子，超級脆，唔油幾好味👍🏻飲返啖凍麥茶就係好滿足既一餐日本拉麵🍜天氣咁熱食拉麵有凍既茶真係好緊要🙈店員仲好好咁見我飲完就即刻拎多杯俾我🤞🏻高質特色拉麵，下次一定要食埋蟹湯💟

舖頭細細，之前行過見到有蟹湯同蝦湯已經好想試，今日平日下晝黎到試吓分別叫左黑蒜蝦湯拉麵、花咲蟹湯拉麵、加配小食餃子2件🥟、炸雞2件同1隻糖心蛋。再加一個下午茶小食拼盤餐（其實只不過係多份薯角同野飲，其餘嗰啲都係餃子同炸雞各2件）黑蒜油蝦湯拉麵一落枱都已經聞到幾香，但食落又唔係話好突出的香味同驚喜，麵身依碗點左偏硬彈身，是合格的，蝦湯味香且濃厚，都擔心後面會唔會食到好膩但又無，碗邊有兩塊大豚肉，但個人覺得口感太彈身唔太中意。我比較中意軟林口感的花咲蟹湯拉麵黎到既香味比蝦仲要吸引，湯底濃厚但不油膩，一直食到尾都無好膩既感覺，仲會附上一堆拆好既碎蟹肉，今次依碗既叉燒可能因為浸到湯底有熱力餘溫下肉質較林身是我喜歡的口感，麵身依碗點左軟身亦都合要求。小食方面不過不失，正常來貨水準。整體來說，比預期不錯但未到驚喜水準，偶爾經過唔知食咩可以食的選擇後話：依種筷子🥢非常難夾到麵，如果是乾身的食物還可以，但食拉麵遇上咁尖嘴的筷子，麵本身又有彈度，就會一直不停彈啲湯汁上面/衫度，非常之不便於使用及狼狽