士林台灣麵

营业中

休息中

餐廳長期多人，經常門口都坐滿，假期黎到叫外賣。兩個人各叫左一碗麵加個滷水拼盤。外賣每盒+$2，分湯再每碗+$2。滷水拼盤每樣都好入味，樣樣都有少少，有豆腐，雞翼（2隻），腎，豬耳，蛋（半隻），鴨舌。蛋可能滷左好耐，個面有d 硬，鐵蛋咁。兩個人都同樣叫左牛肉麵，叫左分湯（每碗各+$4)，所以拎到返屋企都冇淋哂，應該都有特登冇煮個麵咁淋身。牛肉都唔少，好淋。不過個人黎講鐘意闊麵，如果有得揀就更好。想食碗台灣牛肉麵，唔理正唔正宗，味道正正常常，又飽肚，呢間都可以係一個選擇。

朋友講過幾次想去士林食，咁就晚市試下佢啦。晚市六點半七點，直入唔洗排隊。兩個女仔叫咗一個香酥雞扒飯，一個小食豬手，一個滷水拼盤，兩杯百香果綠茶。雞扒都大塊嘅，有醃過，炸得香口幾好食。豬手五六十蚊得三件，味道一般，墊底嘅菜就有好多，感覺有少少唔抵食。滷水拼盤有雞翼，半隻蛋，豆腐，鴨舌，豬耳，雞腎，老實講味道一般，朋友覺得頗咸，六十幾蚊呢款可食可唔食。百香果綠茶都係正常表現，跟飯叫可以優惠價12蚊杯，不過不失。朋友話呢到出名食牛肉麵，我地偏偏就係無叫牛...唔緊要啦...

元朗出名是個美食天堂，小至街頭小食大至不同國家的菜式也集合其中。而台式食品在元朗的表表姐一定非「士林台灣麵」莫屬，因為台灣餐廳還未在港流行時，該餐廳已經臨立元朗而且大受歡迎餐廳位於西菁街，即在嘉城廣場背後的一條小街，一到晚飯時間，枱及椅子便會並列排在餐廳門外。我們一行3人大約8時到達餐廳，只見戶外只有僅餘的一張枱提供給我們用膳。我們只好在戶外就坐，幸好當晚尚餘微風，帶著涼意用膳，心情格外平靜，看著鄰坐小狗伴著主人，街上遊人來回穿梭，確實別有一番風味一坐下，店員馬上鋪上餐紙，遞上餐紙、筷子、匙羹及水，選擇到心水食物後便可向店員落單碟上一共有8大片厚切茄子，而飯上鋪著肉燥與蔥花，肉燥醬汁並不是一般蠔油加豆粉水，而是真正使用了免治豬肉所烹調出來，所以很有肉汁的鮮味，隨碟附送椰菜與蘿蔔絲作配菜厚切茄子大小有如醬汁碟般大，烹調方法能夠鎖住茄子水份，咬下去時水份充滿整個口腔，而且茄子烹調過後仍然能夠保持原有色澤，但略嫌茄子過於油膩，碟上保留著不少茄子所流出的油份是該餐廳必點食物之一，出名處在於其大小有如一隻手板般，外皮非常薄身而且香脆可口，雞扒更非常厚身，脂肪比例少但肉質仍然腍身嫩滑，吃完整塊雞扒

夜晚揾野食, 圍住富盛大廈行咗個圈, 見到e間好多人食, 於是試下.室內有10張四人檯左右, 門口又擺咗12張摺檯, 全部都坐滿!餐單有三分一係飲品, 食物款式唔算多.叫咗, 有六樣食物, 分別係: 蛋, 雞翼, 豬耳, 鴨舌, 雞腎, 豆腐.每款外表都好靚, 但食落冇咩味, 失望.只有豬耳較好, 爽口脆身, 食唔停口.仲有, 面和雞分碟上.面身比較粗, 偏淋, 湯頭好清.香酥雞非常酥脆, 唔乾身, 唔太咸.同埋, 飯的份量頗多.豬手有3大舊, 口感好Q, 容易咬開.滷肉味道似梅菜豬肉, 突然好港式.加$12有台式飲品, 凍飲多$2.要咗最基本的, 少甜, 味道正常.四分一杯係泡, 飲得唔夠喉.另外珍珠太淋, 冇咩咬口.

今晚我們去咗元朗西菁街嘅「士林台灣麵」食晚飯！我們叫咗紅燒牛肉麵、台式豬腳乾拌麵、香酥排骨麵、香酥鷄扒飯、肉燥茄子飯同滷水拼盤！飲品有蘋果紅茶、珍珠奶茶同椰香奶茶！紅燒牛肉麵嘅牛𦟌肉炆得好腍好入味，肉質非常軟滑，入口即溶，麵質都幾彈牙，湯底非常香甜濃郁，牛肉味相當香濃，超好味嘅程度令到我將整碗湯飲晒，真係超讚！係本人嘅必食推介！亦係我食過咁多間最好食嘅牛肉麵！台式豬腳乾拌麵嘅豬腳炆得好腍，豬皮好煙韌彈牙，唔會好油膩，乾拌麵嘅麵質比放湯嘅麵質更加爽口彈牙！香酥鷄扒飯嘅鷄扒炸得相當香脆鬆軟，鷄肉亦好嫩滑，唔會好「階」！滷水拼盤滷得非常入味，豬耳同鴨腎好爽口彈牙！珍珠奶茶嘅茶香濃，珍珠好煙煙韌韌！