丹麥餅店

营业中

休息中

丹麥餅店。。仍然很懷舊的感覺，沒有新的裝橫。。回想起我讀書時成日會去幫襯，炸雞脾，炸腸仔，漢堡包是必食的！！之前買過炸雞脾。。。味道已經不復以前炸太耐，好干，硬同咸！！今日買漢堡包一樣強差人意。。漢堡硬，包也不熱！！雖然舖外內是一樣，但味道已經不同我相信舊式舖經營很難會有很大的改善。。。但我如經過仍然會買。。始終是我以前經常幫襯的老店！出一分力，希望能夠繼續經營落去

今天和朋友去了時代廣場看《星球大戰》的大型收藏品展覽，看完後朋友介紹附近的一間傳統餅店，店內有熱狗、豬扒包等小食，十分出名，於是便決定前往丹麥餅店試試 。餅店擺設、裝潢果真充滿懷舊味道，由於店舖外行人道偏窄，所以在店外選擇了一會，便決定入內點叫漢堡包和吉列豬排包。進入去後先在左邊付錢取票，然後再到另一邊的廚房排隊拿取食物漢堡扒挺juicy，煮時才慢慢將其壓平煎香，不過個包並不是我喜歡的口感，而且很容易按扁。吉列豬扒包相對較為喜歡，也是即叫即製，把豬扒炸至金黃色，挺香脆。說真的，兩個包在個人來說吃起來味道都只是普普通通，沒有太大驚喜，相信來吃的不少都是吃香港回憶的味道。而且既然此餅店開業逾40載，一定有它的魅力所在，所以下次會試試其他出名小食：熱狗和炸雞脾 。

每逢香港大球場有賽事舉行都會令我諗起丹麥餅店，佢炸雞肶、雞翼香味就會晌記憶中浮現。丹麥餅店無設堂食位置，右手邊係煮食既地方，而左手邊係麵包櫃位，零零星星幾個麵包，陳設古舊兼有 d 凌亂，幾個老拍擋打點舖頭，合作無間，果份親切感令我想起兒時屋企樓下熟悉既士多，一份老香港情懷。 炸雞肶：睇住老師傳將淮鹽灑落剛剛炸好既雞肶上。雞皮異常香脆，皆因雞皮既油份經慢火炸後都迫灑出黎，所以雞皮食落唔 "納" 口，雞肉又唔嚡，一絶！可惜雞肶無醃過，淮鹽只能晌表層發揮功能，食到中間位置會比啖，扣左好多分！ 芝士漢堡包：包係丹麥餅店自家製，經翻烘後包能保持温暖及鬆軟，一邊塗上茄汁，另一邊塗上沙律醬，加上半溶化既芝士，雖無講究既酸青瓜、蕃茄都非常醒胃。至於牛肉就薄薄一層，食味同質感都平平，相比紅磡好出名港式漢堡包店，質量有一段距離。另外，我好鐘意丹麥餅店所用既紙袋，一來好懷舊，二來比較環保！