囍囍小廚

营业中

休息中

我地6點半入座，餐廳講明繁忙時間限時90分鐘，不過我地坐到超時都無被趕走，最後仲坐到9點半添🙊。餐廳大部分都係大枱，目測好似得一張二人枱，如果人少嘅話，有機會同其他人搭枱。由於我地一早已經睇過餐牌，所以一入座就落單。上菜速度算快，每款小菜份量足夠大家share；另外餐廳有提供啤酒，當晚氣氛幾好，係嘈左少少。潮式炸蠔餅蠔餅炸得好香脆、蠔仔大隻又飽滿，雖然碟底全是油，但真係幾好味🤤。懷舊欖角冰梅骨第一次食呢款小菜，個汁鹹鹹甜甜幾好味，但排骨就唔OK，有陣豬騷味…🙉德國脆皮咸豬手豬手已經切好、並擺到好靚；份量足夠，調味唔鹹，但配泰式甜辣醬同芝麻醬就怪怪地，同埋肉質好乾好硬😅。招牌老檀酸菜魚麻味幾重，對平時食三哥5小辣嘅我嚟講，有D辣。魚片幾滑、唔腥又無骨，配料仲有寬麵、金菇、白蘿蔔粗條。整體唔錯😍。菠蘿鮮果咕嚕肉在場唔少食客都會點佢，講真，佢賣相真係幾吸晴!! 特別在居然用新鮮菠蘿、青提同藍莓，雖然係炸豬肉，但食番D生果好似無咁邪惡😆咕嚕肉食果陣無冰火交融嘅感覺，亦唔脆，但勝在豬肉大大舊、啖啖肉、甜酸醬調味適中。蜜椒金薯安格斯牛柳粒牛柳粒份量好多，肉質係鬆肉粉拿過果D軟淋口感，完全無牛味。由

我哋兩個平時都比較少食中式嘢，梗係覺得要人多少少先可以叫得多嘢食🤔今日終於可以約埋朋友一齊食室內版大排檔🤩大排檔嘅出品係好有鑊氣，所以食物會變得特別惹味吸引😋走到嚟美食天堂嘅大埔，佈滿霓虹燈嘅呢一間食店，五花八門嘅菜式選擇🫢睇見就樣樣都想食！؄🪐 時令足料燉湯打頭陣嘅係呢一個冬瓜燉湯，湯如其名真係十分足料😍又元貝仔又蝦肉又翅，啖啖入口都好清甜，原汁原味👍🏼天時暑熱飲冬瓜湯就最適合不過😋§🪐 潮式炸蠔餅大排檔嘅名物之一，一場嚟到呢啲係必食😍酥脆嘅外層，蛋漿配上粒粒蠔仔，個人認為唔需要沾上任何醬都好好味🤤佢哋蠔仔嘅數量都幾多，絕對唔係交行貨💯§🪐 蜜椒金薯安格斯牛柳粒一個好有鑊氣嘅小炒，惹味感十足👍🏼金薯帶一點甜，配埋辛口感嘅黑椒，係絕配嘅調味😋牛柳粒亦好軟腍，肉味夠濃郁🐂§🪐 菠蘿鮮果咕嚕肉另一個大排檔必食item當然就係咕嚕肉🤩酸酸甜甜特別滋味，有埋冰鎮效果🧊令到外層保持脆口，鮮果嘅配搭令咕嚕肉嘅味道更加突出惹味👍🏼§🪐 流沙黃金炸鮮魷椒鹽鮮魷就食得多喇，今次搞啲新意，用上咸蛋黃去炸🤭夠晒脆就唔再講丫，連咸蛋黃都均勻分佈係每一嚿鮮魷上🦑如果鮮魷切大嚿少少去炸會更有口感😌§🪐 紅燒豆腐班

唔知幾耐冇嚟大埔搵食，發現呢間開咗唔係好耐嘅小炒一入夜就好多街坊嚟幫襯，幾乎檯檯都坐晒人，睇嚟真係有啲料到雖然呢間唔係以打冷為主，不過都有炸蠔餅，仲要炸得好大塊，好有鑊氣裡面嘅蠔肉係一嚿嚿，唔係一粒粒，相當有料佢地每日都會有是日精選，其中呢個花甲蒸水蛋就係其中一樣，坊間好少見係咁配搭蒸水蛋蒸得滑不溜口，內藏大量花甲，大大隻幾好肉海皇豆腐羹不容小覷，好大嘅一盆湯羹羹羹都有滿滿餡料，豆腐好滑溜，飲起嚟唔會好水亦唔會太杰餓起上嚟，對芝士海蝦伊麵更加吞晒口水，一盆伊麵勁多隻大海蝦鋪喺上面蝦肉好爆汁好鮮甜，芝士汁唔會有栗粉味，伊麵煮得啱啱好彈牙湯圓平時都係滾嘅，今次竟然見到有生炸嘅，唔等冬至都要試喇果然又脆又綿，黑芝麻餡料唔會太甜但好香搵支啤酒送送佢，平時飲開藍妹，原來生力都幾好飲